Ifor ap Glyn

Ifor ap Glyn
Ganwyd	22 Gorffennaf 1961  Llundain
Man preswyl	Dinbych, Caernarfon
Dinasyddiaeth	Cymru
Alma mater	Prifysgol Caerdydd
Galwedigaeth	bardd, cynhyrchydd teledu, sgriptiwr
Swydd	Bardd Cenedlaethol Cymru

Bardd Cymraeg yw Ifor ap Glyn (ganwyd 22 Gorffennaf 1961). Enillodd y Goron ym 1999 - am ei gerdd Golau yn y Gwyll, ac yn 2013 am ei gerdd "Terfysg". Fel bardd, mae wedi perfformio'i waith ar draws y byd. Yng Nghymru, mae'n aelod o dîm Talwrn y Beirdd Caernarfon, a bu'n Fardd Plant Cymru rhwng 2008 a 2009. Fe yw Bardd Cenedlaethol Cymru presennol.

Bywgraffiad

Fe'i ganwyd a magwyd yn Llundain i rieni Cymraeg. Astudiodd ym Ngholeg y Brifysgol, Caerdydd, ac ar ôl graddio a byw yn y brifddinas am gyfnod, fe symudodd i Ddinbych, cyn ymgartrefu yng Nghaernarfon gyda'i deulu. Sefydlodd, gydag eraill, gwmni cynhyrchu ffilm a theledu o'r enw Cwmni Da, sydd wedi ennill sawl gwobr am ei waith ym maes rhaglenni hanes a ffeithiol.

Ar 1 Mawrth 2016 cyhoeddwyd y byddai'n olynu Gillian Clarke fel Bardd Cenedlaethol Cymru gan ddechrau ar y gwaith yn Mai 2016.

Ar 17 Gorffennaf 2017 derbyniodd Gymrodoriaeth er Anrhydedd gan Brifysgol Bangor.

Gwaith creadigol

Llyfrau

• Ifor ap Glyn (1991). Holl Garthion Pen Cymro Ynghyd. Y Lolfa. ISBN 978-0-86243-238-6.
• Ifor ap Glyn (1998). Golchi Llestri Mewn Bar Mitzvah. Darluniwyd gan Dewi Glyn Jones. Gwasg Carreg Gwalch. ISBN 978-0-86381-534-8.
• Ifor ap Glyn (2001). Cerddi Map yr Underground. Gwasg Carreg Gwalch. ISBN 978-0-86381-754-0.
• Ifor ap Glyn (2008). Lleisiau'r Rhyfel Mawr. Gwasg Carreg Gwalch. ISBN 978-1-84527-210-4.
• Ifor ap Glyn (2011). Waliau'n Canu. Gwasg Carreg Gwalch. ISBN 978-1-84527-340-8.
• Ifor ap Glyn (2016). Tra Bo Dau. Gwasg Carreg Gwalch. ISBN 978-1-84527-560-0.
• Ifor ap Glyn (2018). Hanes yr Iaith Mewn 50 Gair. Gwasg Carreg Gwalch. ISBN 978-1-84527-652-2.
• Ifor ap Glyn (2018). Cuddle Call?. Gwasg Carreg Gwalch. ISBN 978-1-84527-678-2.

Rhaglenni teledu

Ifor ap Glyn oedd cyflwynydd a chynhyrchydd y rhaglenni isod:

• Lleisiau'r Rhyfel Mawr
• Popeth yn Gymraeg
• Ar Lafar
• Frongoch – Birthplace of the IRA
• Tai Bach y Byd / The Toilet – an Unspoken History
• Llefydd Sanctaidd

Theatr

Ysgrifennodd Ifor ap Glyn y sioeau theatr isod:

• Branwen
• Frongoch

Dolenni allanol

• Ifor ap Glyn ar Twitter
• Blog gan Ifor ap Glyn Archifwyd 2006-02-18 yn y Peiriant Wayback
• (Saesneg) Cyfweliad am Ar Lafar, Western Mail
• Bywgraffiad ar wefan Llenyddiaeth Cymru Archifwyd 2014-03-02 yn y Peiriant Wayback

Eginyn erthygl sydd uchod am lenor neu awdur o Gymru. Gallwch helpu Wicipedia drwy ychwanegu ato.