David Powel
| David Powel | |
|---|---|
| Ganwyd | 1549  |
| Bu farw | 1598 |
| Dinasyddiaeth |  Cymru |
| Alma mater | |
| Galwedigaeth | hanesydd, clerig |
Clerigwr a hanesydd o Gymru oedd David Powel (tua 1552 – 1598). Mae'n adnabyddus yn bennaf fel awdur y gyfrol ddylanwadol Historie of Cambria, now called Wales.
Bywgraffiad
[golygu | golygu cod]Roedd yn fab i Hywel ap Dafydd o Llandysilio-yn-Iâl a Bryneglwys yn Sir Ddinbych. Aeth i astudio i Rydychen tua 1568, gan symud i Goleg Iesu pan sefydlwyd hwnnw yn 1571. Dywedir mai ef oedd y person cyntaf i raddio o'r coleg.
Dath yn ficer Rhiwabon yn 1570 ac ychwanegodd ficeriaeth Llanfyllin yn 1571, cyn cyfnewid Llanfyllin am ficeriaeth Meifod yn 1579. Yn 1588/9 daeth yn rheithor Llansantffraid-ym-Mechain. Dywedir iddo gynorthwyo yr Esgob William Morgan i gyfieithu'r Beibl.
Ym 1583 gofynnwyd iddo baratoi cyfieithiad Humphrey Lhuyd o Frut y Tywysogion i'r wasg. Helaethodd Powel ar y gwaith yma, ac yn 1584 cyhoeddodd Historie of Cambria, now called Wales, carreg filltir bwysig iawn yn hanesyddiaeth Cymru.
Priododd Elisabeth, ferch Cynwrig o Farchwiail, a chawsant dri mab.
Cyfeiriadau
[golygu | golygu cod]
