Amgueddfa Baituna al-Talhami
Enghraifft o'r canlynol | amgueddfa, amgueddfa tŷ hanesyddol ![]() |
---|---|
Gwlad | ![]() |
Dechrau/Sefydlu | 1972 ![]() |
![]() | |
Enw brodorol | متحف بيتنا التلحمي ![]() |
Gwladwriaeth | Gwladwriaeth Palesteina ![]() |
Rhanbarth | Bethlehem ![]() |
Gwefan | http://www.bethawu.org/museums/ethnographic-museum ![]() |
![]() |
Amgueddfa al-Talhami Baituna ( Arabeg: متحف بيتنا التلحمي ) neu Amgueddfa Llên Gwerin Bethlehem yw un o'r amgueddfeydd mwyaf yn nhiriogaethau Palestina. Mae wedi ei leoli ym Methlehem, ar Star Street, ychydig oddi ar Stryd y Pab Paul VI.
Hanes
[golygu | golygu cod]Fe’i sefydlwyd yn wreiddiol gan yr Undeb Merched Arabaidd (AWU) ym 1948, o dan Julia Dabdoub, fel canolfan i ffoaduriaid Palesteinaidd sydd wedi ffoi o’u pentrefi i aros yno, a hefydi ddysgu ac ymarfer brodwaith traddodiadol er mwyn cael ychydig o incwm. Sefydlodd yr AWU yr amgueddfa ym 1979.[1] Mae'n cynnwys dau dŷ sy'n nodweddiadol eu pensaernïaeth Palesteinaidd, ac sy'n cynnwys cegin wedi'i hadnewyddu, Diwan-khane (ystafell diwan neu ''divan''), ystafell wely a llawr uchaf neu illeyeh. Ceir ynddo, bellach, gasgliad o eitemau o gartrefi traddodiadol Palesteinaidd wedi'u harddangos mewn hen dŷ. Cynyddodd nifer yr eitemau ar ôl i ymgyrch ymhlith teuluoedd amlwg Bethlehem i gyfrannu rhai o'u heiddo traddodiadol. Felly arbedwyd llawer o eitemau rhag mynd ar goll.
Ehangu
[golygu | golygu cod]Ym 1984, ehangwyd yr amgueddfa i gynnwys hen dŷ cyfagos a adferwyd. Mae'r ychwanegiad yma, yn ôl Julia Dabdoub, "yn un o'r ychydig hen dai dilys sydd ar ôl ym Methlehem... yn debyg i'r tŷ y cafodd Iesu ei eni ynddo." Yn 1992, rhoddodd Dabdoub ei chasgliad deugain mlynedd o ffotograffau, dodrefn, a gweithiau celf i ddodrefnu'r ystafell uchaf neu "al-Illiyeh" sy'n dangos bywyd trigolion Bethlehem rhwng 1900 a 1932.
Er bod Baituna al-Talhami yn cael ei redeg fel amgueddfa, mae'n dal i wasanaethu a chyflogi ffoaduriaid, yn ogystal â chynnal gwyliau sy'n dathlu artistiaid, beirdd ac ysgrifenwyr Palesteinaidd.[1]
Gweler hefyd
[golygu | golygu cod]- Rhestr o amgueddfeydd yn nhiriogaethau Palestina
- Amgueddfa Badd Giacaman, a elwir hefyd yn "Amgueddfa Al-Bad ar gyfer Cynhyrchu Olew Olewydd", Bethlehem
Cyfeiriadau
[golygu | golygu cod]- ↑ 1.0 1.1 The Bethlehem Folklore Museum Bethlehem.ps