Afon Marne

Erthygl am yr afon yn Ffrainc yw hon. Gweler hefyd Afon Marne (Awstralia).

Glannau Afon Marne

Cézanne: "Afon Marne"

Afon weddol fawr yn Ffrainc sy'n un o ledneintiau Afon Seine yw Afon Marne. Mae'n llifo trwy'r ardal i'r dwyrain a'i de-ddwyrain o ddinas Paris. Ei hyd yw 514 km (319 milltir). Rhydd yr afon ei henw i départements Haute-Marne, Marne, Seine-et-Marne, a Val-de-Marne.

Ymladdwyd dwy frwydr fawr ar lan Afon Marne River yn y Rhyfel Byd Cyntaf, yn 1914 a 1918.

Mae Afon Marne yn tarddu ar lwyfandir Langres, ac yn llifo i gyfeiriad y gogledd cyn troi i'r gorllewin rhwng Saint-Dizier a Châlons-en-Champagne, i ymuno ag Afon Seine yn Charenton fymryn i fyny'r afon o Baris.

Celf

Mae'r afon wedi ysbrydoli sawl arlunwr enwog yn y ddwy ganrif diwethaf, yn cynnwys:

• Camille Corot
• Paul Cézanne
• Camille Pissarro
• Henri Rousseau, neu " Le Douanier Rousseau"
• Albert Marquet
• Raoul Dufy
• André Dunoyer de Ségonzac
• Louis Vuillermoz
• Maurice Boitel
• Daniel du Janerand

Y Cysylltiad Celtaidd

Uniaethir Modron, mam Mabon fab Modron ym mytholeg Cymru, a'r fam-dduwies Matrona, oedd yn dduwies Afon Marne yng Ngâl yn amser y Celtiaid ac yn dduwies ffrwythlondeb a'r cynhaeaf.

Départements a phrif drefi ar ei glannau

• Haute-Marne (52): Chaumont, Saint-Dizier
• Marne (51): Châlons-en-Champagne, Épernay
• Aisne (02): Château-Thierry
• Seine-et-Marne (77): Meaux
• Seine-Saint-Denis (93): Neuilly-sur-Marne, Noisy-le-Grand
• Val-de-Marne (94): Nogent-sur-Marne, Créteil, Charenton-le-Pont, Champigny-sur-Marne, Saint-Maur-des-Fossés, Joinville-le-Pont, Saint-Maurice

Comin Wikimedia

Mae gan Gomin Wikimedia
gyfryngau sy'n berthnasol i:

Afon Marne