Yıldızçıq
«Yıldızçıq-Ziroçka» — 1998-2003 seneleri Aqmescit şeerinde çıqqan eki tilli qırımtatar ve ukrain bala mecmuasıdır.
Tarif
[deñiştir | kodunı deñiştir]Birinci sanı 1998 senesi oktâbr ayında Vidrocennâ halqara fondu tarafından maddiy yardım ile çıqtı, bedava tarqatıldı. Üçünci sanı 2001 senesiniñ mart ayında çıqtı. Soñra yılda 4 kere çıqqan edi, soñki sanı ise 2003 senesi mart ayında çıqtı. Mecmua «Dolâ» neşriyatında 5 biñge yaqın tirajnen neşir etildi.
Soñra «Yıldız» mecmuasına ilâve olaraq 1000 nusha tirajnen, tek neşirniñ abunecileri elinde olğan ilâve olaraq neşir etildi.
Mecmuanıñ baş muarriri ve tesisçisi yazıcı ve jurnalist Valeriy Basırov, neşirniñ teşebbüsçileri arasında şair Nuzet Ümerov, Daniil Kononenko ve Ablâziz Veliyev.
Mecmuanıñ rubrikaları arasında «Masallar dünyasında», «Qalem sınavı», «Mektep tebessümleri» ve «Til bürüşikleri» kibi rubrikalar bar edi. «Dostluq luğatı» bölügi sayesinde balalar yavaş-yavaş qırımtatar tilini ögrenmege mümkün oldılar. «Yıldız» mecmuasınıñ ilâvesiniñ soñki basamağında böyle rubrikalar mevcut edi: «Qartanamnıñ sırlı sandığı», «Yıldızçıqnıñ musafiri», «Bayramlarımız», «Edep qaideleri», «Pek meraqlı», «Tılsımlı boyalar», «Oyun».
Edebiyat
[deñiştir | kodunı deñiştir]- Гульнара Усеинова. На страницах детского журнала «Йылдызчыкъ — Зірочка» // Голос Крыма. — 2000. — 24 ноября. — С. 6.