Patellu
| |||||
|---|---|---|---|---|---|
| |||||
| Daphne gnidium | |||||
| Classificazione scentifica | |||||
| Regnu | Plantae | ||||
| Divisione | Magnoliophyta | ||||
| Classa | Magnoliopsida | ||||
| Ordine | Myrtales | ||||
| Famiglia | Thymelaeaceae | ||||
| Generu | Daphne | ||||
| Nome binuminale | |||||
| Daphne gnidium Linnaeus, 1753 | |||||
.jpg)
| |||||
U patellu (o Pateddu) (Daphne gnidium) hè un arburettu chì face parte di a famiglia di e Thymelaeaceae.
Discrizzione
[mudificà | edità a fonte]Carattarizata da i rami assai eretti (circa un metru è mezu d'altezza), da un fugliame densu è da picculi fiori bianchi u patellu hè una pianta chì cresce soprattuttu in a machja meditarrania. Hè alta sin'à dui metri. Hè abbastanza cumuna in e rigione di u Mediterraniu. U fiore di u patellu hè biancu. Face dinù i granelli rossi.
Hè nota par u forte cuntinutu di vilenu in i so baghi è per a sustanza urticante prisente in e radiche.
Ripartizioni
[mudificà | edità a fonte]U patellu hè uriginariu di u bacinu mediterraniu. Omu u trova par u più in e rigione custiere è a machja. Hè prisente in parechji paesi, in particulare in iSpagna, in Francia, in Italia, in Grecia è in Tunisia.
In Corsica
[mudificà | edità a fonte]U patellu hè cumunu in Corsica.[1]
Biulugia
[mudificà | edità a fonte]Daphne gnidium hè una pianta adatta à i climi mediterranii. Priferisce e terre belle assiccate è assuliate. Stu arbustu resiste bè à a sicchina è pò sopravvive in cundizione aride. Si riproduce per u più in dispersione di i so granelli da l'acelli è i mammiferi.
Tassunumia
[mudificà | edità a fonte]Daphne gnidium hè u nome scentificu accittatu di 'ssa spezia. Hè ancu cunnisciutu sottu à i sinonimi siguenti : Daphne laureola var. gnidium, Daphne laureola subsp. gnidium è Daphne laureola var. minor.
Cunsirvazione
[mudificà | edità a fonte]Daphne gnidium hè una spezia chì ùn prisenta micca priaccupazione maghjore in termine di cunsirvazione. Hè abbastanza sparta in a so aria di ripartizione naturale è ùn hè micca cunsiderata com'è minacciata. Eppuri, a distruzzione di u so ambiente naturale è l'intruduzione di spezie esotiche ponu ripprisintà minacce putinziale per 'ssa pianta. Hè dunque impurtante di prisirvà l'ecusistemi ind'ella si trova cù u fine di garantisce a so sopravvivenza à longu andà.
Usi
[mudificà | edità a fonte]A radica di u patellu hè tossica è era usata in i tempi per a pesca in fiume: a radica era pistata è u vilenu era lampatu in i fiumicelli o i pozzi per piscà e trutte[2]. U patellu era ancu adupratu per avvilinà i topi è i volpi. Per tumbà i topi, si facia prima una tisana incù a radica di u patellu. S'aghjustava dopu una manata di farina castagnina è i topi chì manghjavanu quella farina muriani[3]. E fronde di u patellu eranu usate dinù per alluntanà e mosche è disinfittà.
Lessicolugia
[mudificà | edità a fonte]U patellu hè ancu chjamatu u luppatellu.
Note
[mudificà | edità a fonte]- ↑ Jeanmonod & Gamisans (2013).
- ↑ Parcu Naturale Rigiunale di Corsica, E piante salvatiche : usi è sapienze, 1982, U patellu, p. 167
- ↑ Parcu Naturale Rigiunale di Corsica, E piante salvatiche : usi è sapienze, 1982, U patellu, p. 167
Referenze
[mudificà | edità a fonte]- Conrad, Marcella, I corsi è e piante salvatiche, avà è innanzi, 1981, Adecec
- Gamisans, Jacques (1996), A flora endemica di Corsica, Edisud (in francese)
- U Scoddu, n° 24, Luddu 2007
Da vede dinù
[mudificà | edità a fonte]Altri prugetti
[mudificà | edità a fonte]
Daphne gnidium Archiviu 2012-01-11 at the Wayback Machine annantu à Wikimedia Commons.
