Addiu monti
Aspetto
Addiu monti hè un passu da u capitulu VIII di u rumanzu I promessi sposi di Lisandru Manzoni.
![](http://upload.wikimedia.org/wikipedia/commons/thumb/3/3f/I_promessi_sposi_-_ch8.jpg/280px-I_promessi_sposi_-_ch8.jpg)
Addiu, e muntagne elevendu si di l'acque è inalzate à u celu ; i pinzaloni disuguali, cunnisciuti di quelli chì sò crisciuti frà voi, è stampati in u so spiritu, micca menu ch'è l'apparenza di i so più prossimi parenti ; i fiumicelli, ch'ellu ne distingue u rughju, cum'è u sonu di e voce manse ; ville spargugliate è bianche annantu à a pendita, cum'è mandrie di muntoni à u pasciale ; addiu ! Chì trista dimarchja hè quella di quelli chì, crisciuti frà voi, si ne svianu ! À 'ssu attimu, i sonnii di ricchezza si scioglienu in l'imaginazione di listessu chì si ne scarta voluntariamente, attiratu di a speranza di fà furtuna in altrò ; si stona di avè pussutu risolve si, è rivineria tandu, si ùn pinsava micca ch'è un ghjornu, rivinerà cù divizia. Più s’avanza annantu à a piana, u so ochju si ritira, disgustatu è stancu, di 'ssa larghezza uniforme ; l'aria li pare greve è morta ; ellu entra tristu è inavvidutu in e cità tumultuose ; e case aghjunte à e case, i carrughji chì portanu à i carrughji, parenu taglià u fiatu ; è dinanzu à i casamenti ammirati da u strangeru, pensa, incù un desideriu inchietu, à u picculu campu di u so paese, à a casetta annantu à a quale ellu hà dighjà postu l'ochji da longu, è ch'è ellu cumprerà rientrendu riccu in e so muntagne.