nikun
Brezhoneg
Etimologiezh
- Diwar negun e krennvrezhoneg, diwar ar ger krennc'hallek negun.
Raganv
nikun /ˈni.k:ỹn/ (diwar-benn an dud, an traoù)
- Den ebet (peurvuiañ gant ur verb er stumm-nac'h).
- — Nikun n'hen goar ? eme an ostizez, [...]. — (Fañch an Uhel, Kontadennoù ar Bobl/3, Al Liamm, 1988, p. 107.)
- — [...]; hennezh gant un tammig arc'hant, hon tenno a nec'hamant, pe ne raio nikun. — (Fañch an Uhel, Kontadennoù ar Bobl/3, Al Liamm, 1988, p. 203.)
- Me na dlean foeltr tra da nikun war ar bed. — (Fañch an Uhel, Soniou Breiz-Izel 2, Pariz, 1891, 1971, p. 242.)
- Lorc'h a oa enni gant he filhor ha fougasoù a rae gantañ, kement ha ma ne vije bet nikun all par dezhañ war an douar. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 137.)
- ...ha nikun ne c’houneze war egile. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 201.)
- Gant an araogennoù a pe eus :
- N’eus nikun ac'hanoc'h trec'h d’am mab.
- Ne oan ket gouest da grediñ e oant marv holl, daoust ma n'em boa gwelet liv eus nikun anezho, [...]. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 21.)
- Hogen den ebet ne zeuas morse da respont va oferenn d’in, ha nikun eus ar re a zo amañ ne c’hell ober... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 22.)
- Nikun anezo o-daou ne glozas lagad ebet en noz-se penn-da-benn. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 95.)
- Ha n'eus nikun anezho a bikfe din va c'halon Evel mouezh an durzhunell o ouelañ d'he mignon. "Son an Durzhunell"
- War-lerc'h an araogenn hep :
- Teir eur e pad an emgann, hep ma voe gloazet nikun. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 229.)
- En droienn eget nikun.
- En droienn kenkoulz ha nikun.