Lyonesse
Kevandir | Europa ![]() |
---|
Lyonesse (pe Lyoness, pe Lyonnesse) eo an anv saoznek ha gallek a roer d'ar rouantelezh vrezhon mojennel a vez lec'hiet er maez d'an Inizi Sillan e mervent Kernev-Veur.
Meneget e vez anv Lyonesse alies gant hini Avalon, un douar mojennel all, ha gant an anv Trevelyan, anv un tiegezh a Gernev-veur, rak hervez ur vojenn lec'hel " pa voe beuzet Lyonesse dindan ar mor ne voe nemet un den anvet Trevelyan a deuas a-benn da dec'hout war e varc'h gwenn". War skoed an tiegezh emañ ar marc'h-gwenn o sevel eus ar mor.
E fin ar marevezh roman e c'holoe an inizi un dachenn vrasoc'h eget hiziv hag un isrouantelezh eus Dumnonia a voe savet enno. Hogozik netra ne anavezer diwar-benn hec'h istor ha damvojennel eo ar rouaned a zo deuet o anv betek ennomp. Gwirheñvel eo e voe adstaget ouzh Dumnonia, marteze pa voe beuzet an darn vrasañ eus he ziriad gant ar mor.
Hervez ar vojenn e voe argased soudarded Arzhur gant tud Mordred betek Lyonesse goude emgann Camlann, met tra ma voe barrek tud Arzhur da dec'hout kuit e varvas re Mordred pa voe beuzet ar vro.
Tostaat a c'haller an anv Lyonesse eus ar ger latin legiones, hag eus Bro-Leon. Tennañ a ra mojenn beuzidigezh Lyonesse da hini Ker Is.
Roll rouaned (mojennel) Lyonesse
[kemmañ | kemmañ ar vammenn]- Ffelig (war-dro 445)
- Meliodas ap Ffelig (war-dro 475)
- Tristram Fawr (war-dro 510)
- Tristram Fychan (war-dro 537)
![](http://upload.wikimedia.org/wikipedia/commons/thumb/6/66/Erica_cinera0.jpg/55px-Erica_cinera0.jpg)
![](http://upload.wikimedia.org/wikipedia/commons/thumb/c/c2/Triple-Spiral-Symbol-filled.svg/45px-Triple-Spiral-Symbol-filled.svg.png)
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia
|