Llysfaen
![](http://upload.wikimedia.org/wikipedia/commons/thumb/5/5e/Llysfaen_cottages_-_geograph.org.uk_-_156015.jpg/250px-Llysfaen_cottages_-_geograph.org.uk_-_156015.jpg)
Llysfaen zo ur gêriadenn hag ur gumuniezh en arvor hanternoz Kembre, e Sir Conwy. Emañ hanter-hent etre Abergele er reter ha Bae Colwyn er gornaoueg. Er gumuniezh emañ Hen Golwyn, Llanddulas, Dolwen ha Betws-yn-Rhos. Er reter emañ Mynydd Marian.
![](http://upload.wikimedia.org/wikipedia/commons/thumb/d/d8/Llysfaen_Church_-_geograph.org.uk_-_25274.jpg/250px-Llysfaen_Church_-_geograph.org.uk_-_25274.jpg)
Hiziv emañ Llysfaen e Sir Conwy, met betek 1923 e oa un ezklozadur eus Sir Gaernarfon ha kelc'hiet e oa penn-da-benn gant Sir Ddinbych. E kontelezh Clwyd e voe eus 1974 betek 1996. Er Grennamzer e oa e kantrev Rhos. Eus ar Grennamzer eo an iliz, a zo gouestlet da sant Cynfran. Hervez ar richenn e vije bet savet gant ar sant e 777. Eus 1377 eo ar savadur a weler bremañ ha kempennet e voe e 1870. Ur feunteun, Ffynnon Gynfran, zo e-kichen an iliz.
E-pad pell e oa tud Llysfaen o c'hounit o buhez e mengleuzioù maen-raz. Gant bagoù e veze kaset ar raz da Liverpool pe Fleetwood.
E 2011 e oa poblet gant 2 743 a dud, ha 552 anezho (21,1%) a oa kembraegerien[1].
Notennoù
[kemmañ | kemmañ ar vammenn]- ↑ 'Statistical bulletin: 2011 Census: Key Statistics for Wales, Mawrth 2011'. Swyddfa Ystadegau Cenedlaethol (The Office For National Statistics. Kavet : 2014-04-09.
|