Bydgoszcz
![](http://upload.wikimedia.org/wikipedia/commons/thumb/4/4e/BydgoszczAir.jpg/300px-BydgoszczAir.jpg)
![](http://upload.wikimedia.org/wikipedia/commons/thumb/2/2b/Bydgoszcz_Plac_Solny_impreza.jpg/300px-Bydgoszcz_Plac_Solny_impreza.jpg)
Bydgoszcz (distaget [ˈbɨdgɔʃʧ] e poloneg, Bromberg en alamaneg) zo ur gêr vras eus Polonia, e kember ar stêrioù Brda ha Wisła (Vistula). Kêr-benn rannvro Kujawsko-Pomorskie eo, asambles gant Toruń.
Gant 358 337 a annezidi (2014), hag ouzhpenn 400 000 den o chom en tolpad-kêrioù, ez eo an eizhvet kêr vrasañ e Polonia.
Istor
[kemmañ | kemmañ ar vammenn]Roet e voe gwirioù ur gêr da v-Bydgoszcz e 1346, gant Kazimir III, roue Polonia. Er XIVvet kantved e oa ur greizenn a bouez evit kenwerzh an ed hag an holen. E 1772 e voe staget ouzh Rouantelezh Prusia evit ar wech kentañ, evel un tamm mat eus kornôg Polonia. Etre 1815 ha 1871 e voe e Dugelezh Veur Poznań. Staget e voe ouzh an Impalaeriezh Alaman e 1871, dindan an anv Bromberg. Goude ar Brezel Bed Kentañ hag emsavadeg 1918-1919 e teuas da Bolonia en-dro.
Ur skol-veur zo e Bydgoszcz, Skol-veur Kazimierz Wielki, meur a skol uhel all, ur mirdi, ur c'hoarigandi, un aerborzh, hag ur c’hroashent a bouez eo evit hentoù-houarn Polonia.
Kêrioù gevellet
[kemmañ | kemmañ ar vammenn]Tcherkassy (Ukraina)
Hartford (USA)
Kragujevac (Serbia)
Krementchouk (Ukraina)
Mannheim (Alamagn)
Ningbo (Sina)
Pavlodar (Kazakhstan)
Patras (Gres)
Perth (Bro-Skos)
,Abertawe (Kembre)
Reggio nell'Emilia (Italia)
Tempe (USA)
Toloza (Okitania, Bro-C’hall)