Portmeirion

The printable version is no longer supported and may have rendering errors. Please update your browser bookmarks and please use the default browser print function instead.

Portmeirion zo ur gêriadenn e kontelezh Gwynedd, en hanternoz Kembre, e-kichen Penrhyndeudraeth, hag a zo bet savet etre 1925 ha 1976 gant a savour saoz Sir Cloud William-Ellis.

Un hollad savadurioù ha palezioù eo. C’hoant en doa Cloud William-Ellis da diskouez penaos e c’hell un takad bezañ kaer-meurbet dre natur. Kalz liorzhoù bras, letioù ha ostalerioù zo. Brudet eo Portmeirion dre ma'z eo eno e voe filmet ar stirad The Prisoner evit ar skinwel saoznek.

Istor

Savet eo bet, a lavarer, diwar skouer kêriadenn Portofino en Italia, gant Clough Williams-Ellis, etre 1925 ha 1975, goude ma veze dinac'het kement-se gantañ pa lavare klask adkrouiñ un endro kreizdouarel ha netra ken. Koulskoude en deus anzavet bezañ karet ar gêriadenn italian : How should I not have fallen for Portofino? Indeed its image remained with me as an almost perfect example of the man-made adornment and use of an exquisite site..., zisklêrias^[1].

C’hoant en doa Cloud William-Ellis da sevel ur gêriadenn gant tier-kolo romantel (cottages e saozneg). Chomet eo bet e-pad 20 vloaz gant ar mennozh-se, hag un deiz bennak en deus kavet ur gêriadenn anvet Aber Iâ a oa da brenañ, e-kichen e di. Ar gêriadenn-se a oa tost pe dost al lec’h en doa c’hoant evit sevel e gêriadenn. Prenañ Aber Iâ a reas neuze, en eskemm ouzh 5 000 £.
Ne blije ket dezhañ an anv "Aber lâ", setu ez ijinas un anv all, Portmeirion : « port » peogwir emañ war an aod, ha « meirion » peogwir ez eo « Merioneth » anv al lec'h.
Daou brantad a voe e savidigezh Portmeirion : eus 1925 betek 1939 hag eus 1954 betek 1976. Unan eus al lec’hioù ar muiañ gweladennet eo e Kembre, gant war-dro 225 000 a douristed bep bloaz. Kalz a savadurioù trell-lagad a zo eno, pa'z eo bihanoc'h o ment eget ar savadurioù boas : evel ur ramz o vale dre gêr en em santer eno.

Notennoù

↑ (en) HEADLEY, Gwyn & MEULENKAMP, Wim : Follies: a National Trust Guide, Cape, 1986, p. 156 (ISBN 978-0-2240-2105-0)

Pennad kar

Plas Brondanw

Liammoù diavaez

Commons

Muioc'h a restroù diwar-benn

Portmeirion

a vo kavet e Wikimedia Commons.

[1] (en) HEADLEY, Gwyn & MEULENKAMP, Wim : Follies: a National Trust Guide, Cape, 1986, p. 156 (ISBN 978-0-2240-2105-0)

[1]