Iapetos
Iapetos (e gregach: Ιαπετός, Iapetós ; e latin Iapetus), a oa un Titan e mojennoù Hellaz kozh. Evel an holl Ditaned e oa mab da Ouranos (an oabl) ha Gaia (an douar). Pried Themis, doueez ar Justis, e oa, a-raok ma timezas-hi da Zeus. Tad e oa
- da Brometheüs, en devoa bet gant Themis
- da Epimetheüs, Menoitios, Hesperos, hag Atlas.
Iapetos zo unan eus ar pevar Zitan o devoa iriennet gant Kronos a-enep o zad Ouranos. E vreudeur hag eñ a oa e pevar c'horn ar C'hosmos, ha kenkent ha ma tiskennas an Oabl d'en em unaniñ gant an Douar, e sailhjont da gregiñ ennañ, ha Kronos neuze d'e spazhañ.