Gitar

type of musical instrument
Iskevrennad eus	plucked necked box lute, long, thin object
Danvez implijet	maple wood, mahogany wood
Prizioù resevet	Instrument of the Year
Deskrivet dre	Guitar Hero
Implijet gant	gitarour
Hornbostel-Sachs classification	321.322-5-6
Arouezenn Unicode	🎸

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Ar gitar zo ur benveg-seniñ gant kerdin a vez sonet dre biñsañ. Seniñ gitar a c'haller pe gant ar bizied en-eeun, pe gant ur skraberig. Ma'z eo stag anv ar gitar eus Spagn (ar vro ma teuas anezhi) ez eo ur benveg a orin eus ar broioù arab. War gresk ez eo aet brud vat ar gitar en XX^vet kantved asambles gant skignañ ar sonerezh saoznek (jazz, country, blues, sonerezh pop, rock). Ar gitar zo unan eus ar benvegoù a vez implijet da seniñ Bossa Nova, sonerezh klasel ha country. Implijet e vez ivez da seniñ sonerezhioù zo eus Suamerika ha sonerezh keltiek. Gant ar piano hag ar violoñs ez eo unan eus ar binvioù anavezetañ er bed. Gitaroù liesseurt a zo : gitar klev, gitar tredan, gitar klev ha tredan. An holl anezho a zo diazezet war ar gitar klasel.

Gant ur gitar e c'haller seniñ an ton hag ar c'hlotadoù war un dro. Sonerezh gitar a zo bet savet gant John Dowland pe Henry Purcell. Hiziv an deiz ez eo unan eus ar binvioù implijet ar muiañ pa soner sonerezh folk (Bob Dylan, Leonard Cohen) pe sonerezh rock ha pop (The Beatles, Jimi Hendrix).

Istor

Ar c'hitarourez, gant Vermeer, e-tro 1670-1672

Soñjal a reer e teu ar gitar eus a lud arab (al ' ûd en arabeg). Gitaroù a veze e Spagn ken abred hag en XIII^vet kantved. Azalek ar XVII^vet kantved en em strewas en Europa a-bezh ha d'ar mare-se en doa peder pe pemp kordenn zoubl. Ar c'hwec'h kordenn simpl a voe tapet gantañ en XIX^vet kantved. Hag e-kreiz an XIX^vet kantved e voe roet d'e voest-dasson ar stumm en deus hiziz an deiz.

Ar benveg

Rann bouezusañ ar gitar eo an daol-heson : daou blankenn koad peget riblenn-ha-riblenn, pe koad lavrennek. Reutaet e vez an daol-se en diabarzh gant barrennoù-kreñvaat hag a zo a-bouez evit kalite ar son. Sklisennoù eo anvet ar c'hostezioù, div vandenn goad bet tommet ha stummet en ur stern. Un troad en deus ivez ar gitar. Ouzh an troad e peger ur blakenn goad anvet touchenn, ma lakaer e vizied warni. Ouzh an daol eo peget ar pontig, a stager ar c'herdin outañ. C'hwec'h kordenn a zo, nilon pe dir.

Peurliesañ e vez kendoniet ar c'herdin evel-henn (eus ar son boud d'ar son skiltr) :

mi (E)
la (A)
re (D)
sol (G)
si (B)
mi (E)

A-wechoù e vez kendoniet en un doare digor (open tuning e saozneg), da skouer :

re (D)
la (A)
re (D)
sol (G)
la (A)
re (D)

Liammoù diavaez

Commons

Muioc'h a restroù diwar-benn

Gitar

a vo kavet e Wikimedia Commons.

(fr)Bloazlevr Dmoz diwar-benn ar gitar
(en)International Guitar Research Archive
(en)Ar gitaroù rock kentañ
(en)Online Guitar Tuner - kendoniañ ur gitar
(en)Urban Guitar - Atersadennoù
(en)Modern Guitarist Keleier
(en)Guitar Albums Collection - World of Instrumental Music