Gubang

?Sigung
	;
Satatus palastarian
	Risiko Rendah
Klasifikasi ilmiah
Karajaan:	Animalia;
Filum:	Chordata;
Kelas:	Mammalia;
Ordo:	Carnivora;
Upaordo:	Caniformia;
Famili:	Mephitidae;
Genera
	Conepatus; Mydaus; Mephitis; Spilogale;

Gubang nangitu binatang mamalia nang baisi bulu bawarna hirang wan putih. Gubang masuk buhan binatang penyaurangan nang bacari mangsa di malam hari. Wayah pagi hingga kalam hari, gubang katuju basambunyi dalam wadah kadap nang kaya gua.

Habitatnya di hutan-hutan sekunder di katinggian sampai 2000 mdpl. Gubang nang ini binatang omnivora nang katuju mamakan sarangga, cacing tanah, tikus, katak, ular, burung, wan hintalu. Lain pada itu, gubang jua mamakan buah-buahan, akar, kulat, wan dadaunan.

Barat awak gubang bavariasi antara 1,4 - 3,6 kilu, wan panjang awaknya kawa sampai 50 sentimeter.

Ciri khusus

Ciri nang paling khas gubang nangitu inya kawa mangaluarakan sajenis gas babau buruk matan kalanjar khusus nang ada di parak luang buritnya. Kalanjar nangitu mangulihakan bau nang mangandung sulfur, metil, wan butylthiol. Bau nangitu kagunaannya gasan alat patahanan diri matan predator.

Gubang nang marasa pancat kawa maancam lawan atawa predator pakai cara manundukakan kapala, manaikakan buntutnya, wan bisa mangarukutakan cakar mukanya di tanah. Amun musuh atawa predator kada lakas bukah, gubang bisa maliukakan awaknya nang kaya huruf "U" lawan kapala wan luang burit mahadap ka lawannya, wan manyamburakan bau nang buruk banar. Samburan nangitu kawa sampai jarak 3,6 meter lawan arah kawa ka kanan, ka kiwa, ka atas, atawa lurus. Patahanan diri gubang nangitu kawa maulah iritasi wan kabutaan mata.

Genera

Gambar	Genus	Spesies hidup
	Conepatus Gray, 1837	Conepatus chinga Conepatus humboldtii Conepatus leuconotus Conepatus semistriatus
	Mephitis É. Geoffroy Saint-Hilaire and Cuvier, 1795	Mephitis macroura Mephitis mephitis
	Mydaus Cuvier, 1821	Mydaus javanensis Mydaus marchei
	Spilogale Gray, 1865	Spilogale angustifrons Spilogale gracilis Spilogale putorius Spilogale pygmaea

Tiringi jua

Mydaus javanensis

Pranala luar

(Bahasa Inggris) The Skunk Remedy
(Bahasa Inggris) Sigung sebagai hewan peliharaan