Logo Wikipidia bahasa Banjar nang mamakai aksara Arab-JawiBanua Banjar, banua asal mula Bahasa Banjar
Salamat datang di Wikipidia, sabuah insiklupidia bibas. Situs insiklupidia bibas ini dipasambahakan ulih Wikimedia Foundation dalam idisi Bahasa Banjar. Ini ba'arti, Bahasa Banjar marupakan bahasa Kalimantan panambaian nang dilungsurkan dalam sabuah bantuk Wikipidia.
Ripublik Indonésia disingkat RI atawa Indonésia adalah nagara di Asia Tunggara, nang dilintasi garis katulistiwa dan ada di antara banua basar Asia dan Australia awan jua antara Lalautan Pasifik dan Lalautan Hindia. Indonésia adalah nagara kapulauan pangganalnya di dunia nang tasusun matan 17.508 pulau, marga itu inya disambat jua sabagai Nusantara (Kapulauan Antara). Ba'isi populasi sabanyak 237 juta jiwa di tahun 2010, Indonésia adalah nagara bapanduduk pangganalnya ka'ampat di dunia dan nagara nang bapanduduk Muslim pangganalnya di dunia, walau sacara rasmi kada nagara Islam. Bantuk pamarintahan Indonésia adalah ripublik, lawan Diwan Parwakilan Rakyat, Diwan Parwakilan Dairah dan Paresiden nang dipilih langsung. Indung nagaranya ialah Jakarta.