Kasturi
Kasturi nang bangaran latin Mangifera Casturi adalah buah khas Kalimantan Selatan.
![](http://upload.wikimedia.org/wikipedia/commons/thumb/f/f2/Mangifera_casturi.jpg/200px-Mangifera_casturi.jpg)
Garambas
babakRapun Kasturi kawa sampai tinggi 25 m lawan ukuran batang ± 40 – 115 cm. Kulipak kayu babalang putih habuk sampai habuk tarang, bahanu ada retakan atawa luang halus ± 1 cm babantuk kulipak kayu mati wan mahirip lawan Mangifera indica. Daun batangkai, babantuk lanset mamanjang lawan ujung luncup wan di dua balah higa tulang daun tangah ada 12 – 25 tulang daun higa. Daun anum bagantung lintuk lawan babalang bigi ramania tuha.
Buah babantuk bulat sampai mambulat intalu lawan barat kurang matan 80 gram, daging buah kuning atawa jingga wan basiraput. Bigi batu lawan daging nang kandal. Mangga ini babuah di pamulaan musim hujan atawa kikira bulan Januari.
Hamburan tinggi gasan diameter batang Kasturi yaitu 48% wan tinggi rapun 46%. Ini mambuktikaakan bahwa diameter rapun kasturi bakisar 1-1,5 mitir nang baisi katinggian rapun bakisar 20-25 mitir.
Tajuk rapun Kasturi babantuk bulat nang panting nya babantuk Scarrone. Bantuk tajuk nang bulat di sababakan pacabangan monopodial .
Parian
babak- Kasturi, parian nang manghasilakan buah babantuk bulat hintalu nang babalang hijau babintik hirang, pas anum wan baubah jadi balang hirang pas tuha
- Cuban, parian nang irip wan kasturi katia buahnya babalang kehabangan wan kada jadi hirang pas tuha. Kulit buahnya lebih nyaman dipisahakan dari daging buahnya nang babalang jingga
- Kulipisan atawa Samsihing atawa asam buluh, parian kasturi nang baisi buah babalang hijau pucat wan babintik hirang, tagal pas tuha pagun babalang hijau. Kasturi nang ini baisi sarabut nang banyak wan balang daging buahnya hijau ka jingga.[1]
Gizi
babakBerikut Gizi nang ada di buah Kasturi :
- Sukrosa 7,93% - Sukrosa mambari akan rasa manis gasan buah kasturi, kawa dipakai gasan parasa manis gasan wadai
- Lemak nang sadikit karana hanya bajumlah sakitar 0,44%
- Protein nang ada maritis banyak yaitu 1,20%
- Magan vitamin A nang maritis banyak sakitar 6069,29 IU
- Vitamin C sabanyak 81,40%
- Kadar banyu nang tinggi sabanyak 81,40%
- Sajumlah halus Vitamin E wan mineral nang lain seperti zat besi[1]
Status
babakStatus kalangkaan buah ini sudah dipariksaakan bahwa buah ini tamasuk dalam kalumpuk langka wayah 30 November 1994.
Referensi
babak- ^ a b "11 Manfaat Buah Kasturi untuk Kesehatan". Manfaat.co.id (dalam bahasa Indonesia). 2015-03-13. Diakses tanggal 2023-02-18.
- ^ Sari, Sasi Gendro (Autumn 2014). "KELIMPAHAN DAN PENYEBARAN POPULASI Mangifera casturi SEBAGAI USAHA KONSERVASI DAN PEMANFAATAN TUMBUHAN LANGKA KHAS KALIMANTAN SELATAN" (PDF). EnviroScienteae. 10: 8. line feed character di
|title=
pada posisi 61 (bantuan)