Цэле (Германія)

Цэле
Герб	Сцяг
Краіна	Германія
Зямля	Ніжняя Саксонія
Раён	раён Цэле
Каардынаты	52°37′32″ пн. ш. 10°04′57″ у. д.HGЯO
Унутраны падзел	17 гарадскіх раёнаў
Кіраўнік	Дзірк-Ульрых Мендэ
Плошча	176,01 км²
Вышыня цэнтра	40 м
Водныя аб’екты	Aller[d]
Насельніцтва	70242 чалавекі (2010)
Часавы пояс	UTC+1, летам UTC+2
Тэлефонны код	05141, 05145, 05086
Паштовы індэкс	29221-29229
Аўтамабільны код	CE
Афіцыйны код	03 3 51 006
Афіцыйны сайт	celle.de (ням.)
	Медыяфайлы на Вікісховішчы

Цэле (ням.: Celle) — горад на поўначы Германіі, у зямлі Ніжняя Саксонія. Насельніцтва 69 972 чалавек (па стане на 31 снежня 2011). Горад вядомы як «паўднёвая брама» Люнебургскай пусткі і знакаміты сваім Старым горадам з яго чатырма сотнямі фахверкавых дамоў і замкам у стылях рэнесанс і барока.

Гісторыя

Цэле ўпершыню згадваецца ў 985 годзе. Ужо ў XI стагоддзі ён атрымаў права чаканіць сваю манету, а ў 1301 годзе атрымаў гарадскія прывілеі. У 1378 Цэле становіцца рэзідэнцыяй герцагаў Заксен-Вітэнбергскіх, а з 1433 — князёў Люнебургскіх. У 1524 горад прымае Рэфармацыю. З 1665 да 1705, у час кіравання герцага Георга-Вільгельма, горад перажывае культурны росквіт. У 1705 годзе, пасля смерці апошняга, Цэле пераходзіць да княства Браўшвайг–Люнебург. У якасці кампенсацыі, ён становіцца месцам знаходжання шэрагу адміністрацыйных устаноў гэтага княства, у тым ліку суд (нават у нашыя дні Зямельны Сацыяльны Суд Ніжняй Саксоніі і Брэмена знаходзіцца ў Цэле).