Сяргей Пятровіч Бельцюкоў

Сяргей Пятровіч Бельцюкоў
Дата нараджэння	26 лістапада 1956(1956-11-26) (68 гадоў)
Месца нараджэння	Балбасава, Аршанскі раён, Віцебская вобласць, БССР, СССР
Альма-матар	Беларуская дзяржаўная кансерваторыя імя А. В. Луначарскага (1980, 1987)
Месца працы	Беларускі дзяржаўны акадэмічны тэатр юнага гледача
Музычная дзейнасць
Прафесіі	кампазітар

Сяргей Пятровіч Бельцюкоў (нар. 26 лістапада 1956, пас. Балбасава, Аршанскі раён, Віцебская вобласць) — беларускі кампазітар.

Біяграфія

Скончыў Беларускую кансерваторыю ў 1980 годзе па класе фартэпіяна Р. Шаршэўскага; у 1987 годзе па класе кампазіцыі Я. Глебава. У 1982—1989 гадах загадчык музычнай часткі Беларускага тэатра юнага гледача.

Творчасць

Працуе ў розных музычных жанрах і стылявых кірунках (ад класіка-рамантычных да сучасна-авангардных). Сярод твораў: кантаты «Начны матылёк», «Святло сонца», для хору а капэла «Вандроўнікі», «Забыты Богам край» (1987—1995); «Усяночная», містэрыя «Благаславі нас, Божа» (1995, з А. Залётневым); 3 сімфоніі: 1-я «Гравюры» (1990), 2-я «Са званамі» (1994), 3-я (1995); Канцэрт для габоя і камернага аркестра; «Капрычыо» для флейты і камернага аркестра; «Сумнае прынашэнне Моцарту» для флейты, фартэпіяна і струннага аркестра; камерна-інструментальныя творы («Стронцый-90», «Музыка для габоя і магнітнай стужкі»); рамансы на вершы М. Багдановіча і Б. Ахмадулінай; музыка да кінафільмаў «Францыск Скарына», «Тутэйшыя», «Язэп Драздовіч», «Полацкая жамчужына» і інш. і драматычных спектакляў (больш за 30).

Літаратура

• Э. А. Алейнікава. Бельцюкоў Сяргей Пятровіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).