Мікалай Андрэевіч Ізюмаў

Мікалай Андрэевіч Ізюмаў
Мікалай Андрэевіч Ізюмаў
	руск.: Николай Андреевич Изюмов
Дата нараджэння	24 снежня 1920
Месца нараджэння	Сім, Сімская воласць[d], Уфімскі павет[d], Уфімская губерня[d], РСФСР;
Дата смерці	28 чэрвеня 1944 (23 гады)
Месца смерці	Бабруйскі раён, Магілёўская вобласць, БССР, СССР;
Месца пахавання	Баяры;
Альма-матар	Ульянаўскае вышэйшае танкавае вучылішча[d];
Грамадзянства	СССР;
Прыналежнасць	СССР
Род войскаў	танкавыя войскі
Гады службы	1939—1944
Званне	капітан
Бітвы/войны	Вялікая Айчынная вайна
	Медыяфайлы на Вікісховішчы

Мікалай Андрэевіч Ізю́маў (руск.: Николай Андреевич Изюмов; 24 снежня 1920 — 28 чэрвеня 1944) — удзельнік Вялікай Айчыннай вайны, гвардыі капітан. Герой Савецкага Саюза (1945).

Біяграфія

Нарадзіўся ў пасёлку Сімскі завод (сучасны горад Сім Ашынскага раёна Чалябінскай вобласці, Расія). Скончыў 8 класаў школы, жыў у горадзе Аша, працаваў на заводзе. У 1939 годзе быў прызваны на службу ў Чырвоную Армію. У 1941 годзе скончыў Ульянаўскае бранятанкавае вучылішча. З кастрычніка 1941 года удзельнік баявых дзеянняў на Заходнім, Бранскім, Данскім, Паўднёва-Заходнім і 1-м беларускім франтах. Удзельнік бітвы за Маскву і Сталінградскай бітвы. Быў двойчы паранены.

Камандзір танкавага батальёна гвардыі капітан А. М. Ізюмаў асабліва вызначыўся ў баях за вызваленне Беларусі, у ходзе Бабруйскай аперацыі 1944 года. 24—28 чэрвеня 1944 года батальён пад яго камандаваннем захапіў чыгуначную станцыю Мірадзіна і адрэзак шаша каля вёскі Баяры. 28 чэрвеня танкісты прарваліся да пераправы цераз Бярэзіну каля вёскі Шчаткава і захапілі яе. Капітан Ізюмаў быў паранены, не пакінуў поля бою. Загінуў у гэтым баі. Экіпаж танка ў перыяд з 26 па 28 чэрвеня знішчыў 7 гармат, 3 доты 10 агнявых кропак праціўніка.

Пахаваны А. М. Ізюмаў у брацкай магіле ў вёсцы Баяры Бабруйскага раёна^[1].

Узнагароды

Памяць

У гонар Героя вёска Дурынічы Бабруйскага раёна была перайменавана ў Ізюмава.
У гонар М. А. Ізюмава названы адна з вуліц і школа у горадзе Аша Чалябінскай вобласці, вуліца ў вёсцы Баяры Бабруйскага раёна^[1].
У горадзе Аша помнік на Алеі Герояў і памятная дошка на доме, у якім жыў М. А. Ізюмаў^[1].
Барэльеф каля Кургана Славы ў вёсцы Сычкава Бабруйскага раёна^[1].

Зноскі

↑ ^а ^б ^в ^г Мікалай Андрэевіч Ізюмаў на сайце «Героі краіны»

Літаратура

Ізюмаў Мікалай Андрэевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 180. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

[War-1] а ^б ^в ^г Мікалай Андрэевіч Ізюмаў на сайце «Героі краіны»

[1]