Маскоўскае вучылішча жывапісу, скульптуры і дойлідства

Маскоўскае вучылішча жывапісу, скульптуры і дойлідства (МВЖСД) (руск.: Московское училище живописи, ваяния и зодчества (МУЖВЗ)) — адна з вядучых мастацкіх навучальных устаноў у дарэвалюцыйнай Расіі.

Гісторыя

У 1830 годзе група мастакоў-аматараў і прафесійных жывапісцаў утварылі ў Маскве творчы кружок — «натурны клас», які ў 1834 годзе атрымаў назву «Мастацкі клас», які размясціўся на Вялікай Нікіцкай вуліцы. У 1843 годзе ён быў ператвораны ў «Вучылішча жывапісу і разьбярствы» Маскоўскага мастацкага таварыства. У 1844 годзе вучылішча размясцілася на Мясніцкай вуліцы, у доме Юшкова. У 1865 годзе да яго было далучана Маскоўскае палацавае архітэктурнае вучылішча пры Маскоўскай палацавай канторы (раней пры Экспедыцыі крамлёўскага будаўніцтва), пасля чаго ўстанова, уласна, і атрымала назву Маскоўскае вучылішча жывапісу, скульптуры і дойлідства. Выпускнікі вучылішча фактычна мелі той жа статус, што і выпускнікі Пецярбургскай Акадэміі мастацтваў.

У 1896 годзе вучылішча было пераўтворана ў вышэйшую навучальную ўстанову з агульнаадукацыйным, архітэктурным і мастацкім аддзяленнямі. Курс навучання доўжыўся 8 гадоў для жывапісцаў і скульптараў і 10 гадоў для архітэктараў. З 1896 па 1917 гг. дырэктарам Маскоўскага вучылішча жывапісу, скульптуры і дойлідства быў князь Аляксей Яўгенавіч Львоў. З 1915 года вучылішча знаходзілася ў распараджэнні Міністэрства гандлю і прамысловасці.

Пасля рэвалюцыі, у 1918 годзе, вучылішча было ператворана ў Другія дзяржаўныя свабодныя мастацкія майстэрні, пасля гэтыя Майстэрскія былі рэарганізаваны ў Маскоўскі мастацкі інстытут імя Сурыкава і Маскоўскі архітэктурны інстытут.

Выпускнікі архітэктурнага аддзялення МВЖСД звычайна атрымлівалі званне мастака архітэктуры. Тыя, хто атрымалі малы сярэбраны медаль ганараваліся званнем някласнага мастака архітэктуры; вялікі сярэбраны медаль — класнага мастака архітэктуры. З 1909 года статус архітэктурнага аддзялення МВЖСД быў павышаны: выпускнікам стала прысвойвацца званне архітэктара^[1]. Цяпер у будынку МВЖСД размяшчаецца Расійская Акадэмія жывапісу, скульптуры і дойлідства. Адзін з карпусоў МВЖСД быў знесены ў кастрычніку 2014^[2].

Вядомыя выкладчыкі

Вядомыя выпускнікі

Гл. таксама

Зноскі

↑ Зодчие Москвы времени эклектики, модерна и неоклассицизма (1830-е — 1917 годы): илл. биогр. словарь / Гос. науч.-исслед. музей архитектуры им. А.В.Щусева и др. — М.: КРАБиК, 1998. — С. 296. — 320 с. — ISBN 5-900395-17-0.
↑ Электронная чорная кніга Архнагляду

Літаратура

Дмитриева Н. А. Московское училище живописи, ваяния и зодчества. — М.: 1951.
Степанова С. С. Московское училище живописи и ваяния: годы становления. — Спб.: Искусство, 2005.
Кондаков С. Н. Состоящее при Московском художественном обществе, училище живописи, ваяния и зодчества // Юбилейный справочник Императорской Академии Художеств. 1764-1914 = Юбилейный справочникъ Императорской Академіи Художествъ. 1764-1914. — СПб.: Товарищество Р. Голике и А. Вильборг., 1914. — Т. I. — С. 281. — 353 с.

Спасылкі

На Вікісховішчы ёсць медыяфайлы па тэме Маскоўскае вучылішча жывапісу, скульптуры і дойлідства

[1] Зодчие Москвы времени эклектики, модерна и неоклассицизма (1830-е — 1917 годы): илл. биогр. словарь / Гос. науч.-исслед. музей архитектуры им. А.В.Щусева и др. — М.: КРАБиК, 1998. — С. 296. — 320 с. — ISBN 5-900395-17-0.

[2] Электронная чорная кніга Архнагляду

[1]

[2]