Майк Хотарн

Майк Хотарн
Грамадзянства	Вялікабрытанія
Дата нараджэння	10 красавіка 1929(1929-04-10)
Месца нараджэння	Мексбара[d], бора Данкастэр[d], Паўднёвы Ёркшыр[d], Ёркшыр і Хамбер, Англія, Вялікабрытанія
Дата смерці	22 студзеня 1959(1959-01-22) (29 гадоў)
Месца смерці	Гілфард, Сурэй, Англія, Вялікабрытанія
Медыяфайлы на Вікісховішчы

Джон Майкл «Майк» Хотарн (англ.: John Michael «Mike» Hawthorn, 10 красавіка 1929, Мексбара, Ёркшыр — 22 студзеня 1959, Гуілфард, Сурэй) — брытанскі аўтагоншчык, чэмпіён свету 1958 года ў аўтагонках у класе Формула-1. Першы брытанскі пілот, які заваяваў гэты тытул. Удзельнік аварыі на гонцы ў Ле-Мане ў 1955 годзе.

Кар’ера

24 гадзіны Ле-Мана

Пяць разоў прымаў удзел у 24 гадзінах Ле Мана.

У 1953 годзе быў дыскваліфікаваны.

Вярнуўся ў 1955 годзе на Jaguar D-Type у адным экіпажы з Айварам Б’юбам. Праз чатыры гадзіны здарылася аварыя, прычынай якой стаў манеўр Хотарна. Ён затармазіў, каб заехаць на піт-лейн. Лэнс Маклін павярнуў, каб пазбегнуць сутыкнення з Хотарнам, але пры гэтым зачапіў Mercedes-Benz 300 SLR П’ера Лявега. Мерседэс вылецеў у бок трыбуны і ўрэзаўшыся ў пагорак разваліўся. Рухавік, падвеска, радыятар і іншыя часткі паляцелі ў натоўп, а рэшткі аўтамабіля загарэліся. У выніку аварыі Лявег і больш за 80 гледачоў загінулі, яшчэ 180 атрымалі раненні. Нягледзячы на аварыю, гонка была працягнута і Хотарн і Б’юб перамаглі. Было шмат спрэчак аб ролі Хотарна ў аварыі, аднак афіцыйнае расследаванне палічыла, што ён не нясе за гэта адказнасці і гэта быў гоначны інцыдэнт.

Пасля Хотарн выступаў у Ле-Мане яшчэ тры разы, але не фінішаваў вышэй за шостае месца.

Спасылкі

• Tom Jeffries. How many F1 drivers have won the Le Mans 24 Hours? (англ.). motorsport.com (1 чэрвеня 2022). Праверана 10 чэрвеня 2022.