Даніэль Агер

Даніэль Агер
Агульная інфармацыя
Поўнае імя	Даніэль Мюнтэ Агер
Мянушка	Дагер Самаадданы
Нарадзіўся	12 снежня 1984(1984-12-12)[…] (40 гадоў) Відаўрэ, Капенгаген, Данія, Каралеўства Данія
Грамадзянства	Данія
Рост	191 см
Вага	80 кг
Пазіцыя	цэнтральны абаронца
Інфармацыя пра клуб
Клуб	Кёгэ
Пасада	галоўны трэнер
Маладзёжныя клубы
1995—1996 Росенхёй 1996—2004 Брондбю
Клубная кар’ера
2004—2005 Брондбю 34 (5) 2006—2014 Ліверпул 175 (9) 2014—2016 Брондбю 43 (2)
Нацыянальная зборная
2003—2004 Данія (да 20) 9 (1) 2004—2006 Данія (да 21) 10 (3) 2005—2016 Данія 75 (12)
Трэнерская кар’ера
2021— Кёгэ
Медыяфайлы на Вікісховішчы

Даніе́ль Мю́нтэ А́гер (дацк.: Daniel Munthe Agger; нар. 12 снежня 1984, Відаўрэ, Данія) — дацкі футбаліст (абаронца) і трэнер. Ігрок нацыянальнай зборнай Даніі (2005—2016), дзе на працягу чатырох гадоў быў капітанам. Вядомы перш за ўсё дзякуючы выступам за англійскі «Ліверпул». У цяперашні час з’яўляецца галоўным трэнерам клуба «Кёгэ».

Кар’ера

«Брондбю»

Агер быў названы самым перспектыўным іграком Даніі на працягу двух гадоў запар, у 2004 і 2005 гадах. Даніэль далучыўся да «Брондбю» ў 2004 годзе і дэбютаваў за свой новы клуб 25 ліпеня 2004 года ў матчы чэмпіянату супраць «Одэнсэ». Атрымаў свой вялікі шанец раней, чым чакалася, таму што дасведчаны абаронца «Брондбю» Андрэас Якабсен быў прададзены «Саўтгемптану». Агер быў названы найлепшым іграком «Брондбю» ў трох гульнях запар, неўзабаве пасля свайго дэбюту, ён замацаваўся ў першай камандзе ў 19-гадовым узросце.

«Ліверпул»

Агер прагрэсаваў з тых часоў, і не стаў сюрпрызам яго пераход у «Ліверпул» пасля 49 гульняў у складзе «Брондбю». Агер хутка прыстасаваўся да гульні «Ліверпула», і ўжо ў хуткім часе Самі Хююпія саступіў яму месца ў асноўным складзе.

Вяртанне ў «Брондбю»

30 жніўня 2014 года «Ліверпул» пацвердзіў вяртанне Агера ў «Брондбю», з якім абаронца падпісаў двухгадовы кантракт. 9 чэрвеня 2016 года, ва ўзросце 31 год, Агер абвясціў аб завяршэнні кар’еры.

У чэрвені 2021 года ўзначаліў клуб «Кёгэ» з другога дывізіёна Даніі.

Дасягненні

«Брондбю»:

• Чэмпіён Даніі: 2005
• Уладальнік Кубка Даніі: 2005

«Ліверпул»:

• Уладальнік Суперкубка Англіі: 2006
• Уладальнік Кубка Англійскай Лігі: 2012

Асабістае жыццё

Малодшы стрыечны брат Даніэля Мікалай Агер таксама з’яўляецца футбалістам і гуляе за «Сількебарг». У маі 2010 года, Агер абраўся шлюбам са сваёй сяброўкай Сафі Нельсан. Пара правяла вяселле ў Капенгагене. Яны маюць двух сыноў, якіх клічуць Джэймі і Мезан. Агер зараз са сваім дзядькам трымае паб у Даніі.

Спасылкі

• На Вікісховішчы ёсць медыяфайлы па тэме Даніэль Агер