Валерый Васілевіч Баразненка

Валерый Васілевіч Баразненка
Дата нараджэння	14 лютага 1943(1943-02-14) (81 год)
Месца нараджэння	Верхняўсінскае[d], Verkhneusinsky Selsoviet[d], Ермакоўскі раён, Краснаярскі край, РСФСР, СССР
Альма-матар	Новасібірскі інжынерна-будаўнічы інстытут імя В. У. Куйбышава (1967)
Месца працы	Гомельграмадзянпраект[d] Гомельаблбудпраект[d]
Член у	Саюз архітэктараў СССР
Узнагароды

Валерый Васілевіч Баразне́нка (нар. 14 лютага 1943, с. Верхняўсінскае, Ермакоўскі раён, Краснаярскі край, РСФСР) — беларускі архітэктар.

Біяграфія

Скончыў Новасібірскі інжынерна-будаўнічы інстытут у 1967 годзе. Працаваў у Новасібірску, з 1970 года — у Гомельграмадзянпраекце, з 1976 года — галоўны архітэктар у Гомельскім філіяле Белкалгаспраекта.

Член Саюза архітэктараў СССР з 1976 года. Пражывае ў Гомелі.

Творчасць

Асноўныя працы: пасёлкі «Крынічны» Мазырскага (1970—1974), Варатын саўгаса «Радзіма» Калінкавіцкага (1979—1983) раёнаў, грамадскі цэнтр пасёлка «Ровенская Слабада» Рэчыцкага раёна (1976—1980), адміністрацыйны будынак калгаса «Сцяг камунізму» Чачэрскага раёна (1979—1980), 12-павярховы будынак Белкалгаспраекта ў Гомелі (1981—1982), серыі жылых дамоў для індывідуальнага будаўніцтва (1981—1982), маналітных жылых дамоў сядзібнага тыпу (1985), храм у імя святых першавярхоўных апосталаў Пятра і Паўла ў Светлагорску

Узнагароды

Узнагароджаны бронзавым медалём ВДНГ СССР (1974) за планіроўку і добраўпарадкаванне пасёлка «Крынічны» Мазырскага раёна.

Літаратура

• Борозненко Валерий Васильевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)