Перайсці да зместу

Андрэас Крыстэнсен

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Крыстэнсен.
Футбол
Андрэас Крыстэнсен
Агульная інфармацыя
Нарадзіўся 10 красавіка 1996(1996-04-10)[1][2][…] (28 гадоў)
Грамадзянства
Рост 187 см
Вага 74 кг
Пазіцыя цэнтральны абаронца
Клубная кар’ера[* 1]
2015—2017 →  Барусія Мёнхенгладбах 62 (2)
2015—2017 →  Барусія Мёнхенгладбах 62 (5)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
Лагатып Вікісховішча Медыяфайлы на Вікісховішчы

Андрэ́ас Кры́стэнсен (дацк.: Andreas Christensen; нар. 10 красавіка 1996) — дацкі футбаліст, абаронца іспанскага клуба «Барселона» і нацыянальнай зборнай Даніі. Сын былога брамніка «Брондбю» Стэна Крыстэнсена. Выхаванец акадэміі «Брондбю» ігрок з’ехаў у Англію, дзе далучыўся да «Чэлсі», аднак практыку атрымаў у Германіі. Абаронца два гады правёў у мёнхенгладбахскай «Барусіі», перш чым павярнуўся ў «Чэлсі».

Кар’ера

[правіць | правіць зыходнік]

Клубная

[правіць | правіць зыходнік]

Пачаў займацца футболам у клубе «Ск’ёль», а пазней далучыўся да акадэміі «Брондбю». У сталічным клубе правёў восем гадоў, прыцягваючы цікавасць элітных клубаў Еўропы, уключаючы «Арсенал», «Чэлсі», «Манчэстэр Сіці» і «Баварыі». 7 лютага 2012 года Крыстэнсен вырашыў скласці дагавор з «Чэлсі», у часы калі галоўнай дружынай кіраваў Андрэ Вілаш-Боаш. Упершыню далучыўся да старэйшай каманды 19 мая 2013 года на апошнюю гульню сезона 2012—2013 гадоў, але на пляцоўцы не з’явіўся. У перадсезонным туры па ЗША да сезона 2013—2014 гадоў ён уваходзіў да асноўнай дружыны і падпісаў прафесійны кантракт пасля гэтага[4].

Крысцінсен у колерах «Чэлсі» ў 2013 годзе.

Датчанін дэбютаваў у прафесійным футболе 28 кастрычніка 2014 года, калі згуляў усе 90 хвілін на пазіцыі правага абаронцы, калі «Чэлсі» здабыў перамогу з лікам 2:1 у матчы супраць «Шрусберы Таўн» у чацвертым раўндзе Кубка лігі[5]. Апасля спартсмен зноў працяглы час не выходзіў на поле, з’явіўшыся на газоне толькі 24 студзеня 2015 года, калі згуляў у матчы супраць «Брэдфард Сіці» ў Кубку Англіі, дзе «сінія» трывалі паражэнне з лікам 2:4[6]. 24 мая абаронца дэбютаваў у Прэм’ер-лізе ў матчы супраць «Сандэрленда», замяніўшы Джона Обі Мікела на 12-й хвіліне матчы[7]. Гульня скончылася з лікам 3:1 на карысць «Чэлсі». Зважаючы на тое, што Крыстэнсен з’явіўся на пляцоўцы толькі раз за сезон, тагачасны трэнер Жазэ Маўрынью заявіў, што датчанін атрымае медаль ад свайго клуба за свой унёсак[8].

10 ліпеня 2015 года Крыстэнсен далучыўся да мёнхенгладбахскай «Барусіі» паводле двухгадовага пагадненне аб арэндзе[9]. Ігрок дэбютаваў 10 жніўня супраць «Санкт-Паўлі» ў першым раўндзе Кубка Германіі, а праз пяць дзён выйшаў на пляцоўку ў матчы розыгрышу Бундэслігі супраць дортмундскай «Барусіі», дзе новая дружына абаронцы трывала сакрушальнае паражэнне з лікам 4:0. 5 лютага 2016 года ён адзначыўся першым голам у прафесійнае кар’еры, калі двойчы трапна ўключыў мяч у браму «Вердэра» (5:1)[10]. Пасля ўражлівага дэбютнага сезона Крыстэнсен быў прызнаны футбалістам сезону ў клубе, апярэдзіўшы капітана Граніта Джаку[11]. Пасля такога поспеху «Барусія» спрабавала выкупіць іграка, аднак «Чэлсі» адхіліла прапанову ў памеры 14,25 млн фунтаў стэрлінгаў[12].

12 жніўня 2017 года Крыстэнсен упершыню выступіў у кашулі «Чэлсі» пасля двухгадовай адсутнасці, выйшаўшы з лавы запасных, калі замяніў капітана Гары Кэхіла ў хатнім матчы супраць «Бернлі», дзе «сінія» трывалі паражэнне з лікам 2:3[13]. Праз восем дзён ён пачаў гульню ў стартавым складзе ў пераможным матчы супраць «Тотэнхэм Хотспура» (2:1) на Уэмблі[14]. У гэтым сезоне 2017—2018 гадоў па вяртанні датчанін правёў 27 матчаў за лонданцаў у чэмпіянаце і з’явіўся ў трох матчах Кубка Англіі, які зноў скарыўся «Чэлсі». Новы галоўны трэнер Маўрыцыа Сары аддаваў перавагу спалучэнню Давіда Луіса і Антоніа Рудыгера ў цэнтральнай зоне абароны, таму да лютага 2019 года Крыстэнсен правёў толькі 15 матчаў, толькі два з якіх прыпалі на гульні чэмпіянату. Праз такую сітуацыю датчанін не выключаў свой сыход з клуба[15]. 29 мая 2021 года абаронца замяніў Т’ягу Сілву на 39-й хвіліне ў фінале Лігі чэмпіёнаў 2021 года, дзе сталічныя футбалісты перамаглі «Манчэстэр Сіці» з лікам 1:0[16].

4 ліпеня 2022 года Крыстэнсен далучыўся да складу «Барселоны», склаўшы чатырохгадовую ўгоду. Прыкметна, што за пераход іграка «Чэлсі» на атрымаў грошаў[17]. 13 жніўня ігрок дэбютаваў за новы клуб у безгалавой нічыёй супраць «Рая Вальекана»[18].

Міжнародная

[правіць | правіць зыходнік]

8 чэрвеня 2015 года Крыстэнсен дэбютаваў у складзе нацыянальнай зборнай Даніі ў хатнім пераможным матчы супраць зборнай Чарнагорыі (2:1), замяніўшы на 69-й хвіліне П’ера-Эміля Гёйб’ерга[19]. 24 сакавіка 2016 года ігрок упершыню з’явіўся ў стартавым складзе таварыскага матча супраць зборнай Ісландыі, дзе датчане здабылі перамогу з лікам 2:1. Крыстэнсен згуляў у шасці матчаў кваліфікацыі да чэмпіянату свету 2018 года. 14 лістапада 2017 года ён нават забіў свой першы гол у пераможным матчы супраць зборная Ірландыі (5:1)[20]. Ігрок не толькі трапіў на чэмпіянат свету 2018 года, але і стала з’яўляўся на пляцоўцы ў пары да Сімана К’ера. Гэта стала мажлівым праз траўму Андрэаса Б’еляна. Крыстэнсен быў адным з ключавых ігракоў зборнай падчас кампаніі чэмпіянату Еўропы 2020 года, правёўшы ўсе шэсць гульняў турніру[21]. 21 чэрвеня 2021 года ў матчы Еўра-2020 года супраць зборнай Расіі ён уключыў мяч у браму, дапамогшы дружыне здабыць перамогу з лікам 4:1[22].

Дасягненні

[правіць | правіць зыходнік]

«Чэлсі»:

«Барселона»:

Крыніцы

[правіць | правіць зыходнік]
  1. ↑ Andreas Christensen // Transfermarkt — 2000. Праверана 9 кастрычніка 2017.
  2. ↑ Andreas Christensen // FBref
  3. ↑ FIFA World Cup 2022 Sticker Album — 80 с. — ISBN 978-65-5516-143-4
  4. ↑ «Christensen Chelsea Profile». Chelsea F.C.
  5. ↑ «Shrewsbury 1–2 Chelsea». BBC Sport.
  6. ↑ «Chelsea 2–4 Bradford». BBC Sport.
  7. ↑ «Chelsea 3–1 Sunderland». BBC Sport.
  8. ↑ «Every Chelsea player to get a Premier League medal says Jose Mourinho». ESPN.
  9. ↑ «German loan for Christensen». Chelsea F. C.
  10. ↑ «Mönchengladbach delight at dismantling Bremen» Архівавана 15 кастрычніка 2022.. Bundesliga.
  11. ↑ «Chelsea prodigy Andreas Christensen wins Borussia Monchegladbach player of the year ahead of Arsenal’s Granit Xhaka». Metro.
  12. ↑ «Chelsea reject Borussia Monchengladbach bid for Andreas Christensen». Sky Sports.
  13. ↑ «Chelsea 2–3 Burnley». BBC Sport.
  14. ↑ «Tottenham Hotspur 1–2 Chelsea». BBC Sport.
  15. ↑ «Christensen had 'doubts' but never considered leaving Chelsea». Goal.com.
  16. ↑ «Man. City 0-1 Chelsea: Havertz gives Blues second Champions League triumph». UEFA.
  17. ↑ «Christensen, second signing for FC Barcelona». FC Barcelona.
  18. ↑ «Barcelona frustrated by Rayo Vallecano as Lewandowski & Raphinha’s La Liga debuts spoiled». Goal.com.
  19. ↑ «Pierre-Emile er vores panzerwagen!». Ekstra Bladet.
  20. ↑ «Republic of Ireland 1–5 Denmark». BBC Sport.
  21. ↑ «UEFA Euro 2020 Player Statistics: Andreas Christensen». UEFA.
  22. ↑ «Russia 1-4 Denmark: Dazzling Danes storm into last 16». UEFA.

Спасылкі

[правіць | правіць зыходнік]


Узята з "https://be.wikipedia.org/w/index.php?title=Андрэас_Крыстэнсен&oldid=4871950"