Новае Места (Навазыбкаўская гарадская акруга)

Сяло Новае Места руск.: Новое Место Герб Краіна Расія Суб’ект федэрацыі Бранская вобласць Муніцыпальны раён Навазыбкаўскі раён Каардынаты 52°32′45″ пн. ш. 31°48′32″ у. д. Насельніцтва ▲408 чал. (2013) Часавы пояс UTC+03:00 Паштовыя індэксы 243011 Код АКАТП 15240856001 Новае Места на карце Расіі ±

Медыяфайлы на Вікісховішчы

Новае Места (руск.: Но́вое Ме́сто) — сяло (з 1781 па 1925 г. — горад) у Навазыбкаўскай гарадской акрузе Бранскай вобласці Расіі.

Гісторыя

Упершыню згадваецца ў 1560 годзе як існуючае сяло (пад назвай Трастань). На мяжы XVI—XVII стст. запусцела (у 1625 г. згадваецца як сялішча Тростанскае); аднавілася каля 1640 пад назвай Старая Тростань; пазней ва ўладанні Рубцоў, з 1720 — Івана Галямбіеўскага, з 1735 — Сямёна Галецкага.

У 1-й палове XVII стагоддзя недалёка ад Старой Тростані ўзнікла паселішча Новая Тростань (цяпер — вёска Тростань), а за Старай Тростанню з часам зацвердзілася назва Засуха, якая выкарыстоўвалася аж да пераўтварэння ў павятовы горад.

16 (27) верасня 1781 года, у сувязі з утварэннем Навамесцкага павета, былое сяло Засуха атрымала статус горада і сучаснае найменне (Новае Места), а ў 1782 годзе быў зацверджаны герб горада.

У 1808 годзе цэнтр Навамесцкага павета быў перанесены ў горад Навазыбкаў, у сувязі з чым павет стаў называцца Навазыбкаўскім, а былы павятовы горад Новае Места стаў заштатным горадам Чарнігаўскай губерні.

20 лістапада 1917 года Новае Места абвяшчалася часткай Севершчыны Украінскай Народнай Рэспублікі. 25 снежня 1917 года ўключана ў склад Украінскай рэспублікі Саветаў.

25 сакавіка 1918 года згодна з Трэцяй Устаўной граматай Новае Места абвяшчалася часткай Беларускай Народнай Рэспублікі. Аднак да мая 1919 года ў складзе Чарнігаўскай губерні Украінскай ССР, пасля чаго было перададзена ў Гомельскую губерню РСФСР, а пасля ліквідацыі губерні ў 1926 годзе ў Бранскую губерню.

6 чэрвеня 1925 года Новае Места атрымала статус сяла.

З 1929 па 1937 гады ў Заходняй вобласці, да 1944 года ў складзе Арлоўскай вобласці. У 1944 годзе ўвайшло ў склад Бранскай вобласці. Да 2009 года ў складзе Шаломаўскага сельскага паселішча Навазыбкаўскага раёна.