Гільдэсгайм

Гільдэсгайм
Герб	Сцяг
Краіна	Германія
Зямля	Ніжняя Саксонія
Раён	раён Гільдэсгайм
Каардынаты	52°09′ пн. ш. 9°57′ у. д.HGЯO
Унутранае дзяленне	10 пасёлкаў
Обер-бургамістр	Курт Махенс; (б/п)
Плошча	92,96 км²
Вышыня цэнтра	78 м
Насельніцтва	103 249 чалавек (2006)
Часавы пояс	UTC+1, летам UTC+2
Тэлефонны код	05121
Паштовы індэкс	31101-31141
Аўтамабільны код	HI
Афіцыйны код	03 2 54 021
Афіцыйны сайт	hildesheim.de (ням.)
	Медыяфайлы на Вікісховішчы

Дагледжаная версія гэтай старонкі, зацверджаная 30 мая 2024, была заснавана на гэтай версіі.

Гільдэсгайм^[1] (ням.: Hildesheim) — горад у Германіі, цэнтр аднайменнага раёна Гільдэсгайм зямлі Ніжняя Саксонія. Размешчаны за 25 км на паўднёвы ўсход ад Гановера. Насельніцтва — каля 100 тыс. жыхароў. Вядомы з IX стагоддзя.

Гісторыя

У пачатку IX стагоддзя, у 815 годзе, было заснавана мясцовае епіскапства. На працягу некалькіх стагоддзяў Гільдэсгаймам кіравала духавенства, перш чым была пабудавана ратуша і грамадзяне атрымалі некаторы ўплыў на кіраванне.

Пасля Напалеонаўскіх войнаў Гільдэсгайм увайшоў у склад Ганзы, часткі Каралеўства Гановера, але быў захоплены Каралеўствам Прусіі, пасля Аўстра-прускай вайны, і зроблены абласным горадам Гановера.

Гільдэсгайм быў моцна пашкоджаны падчас Другой сусветнай вайны ў выніку паветраных налётаў у 1945 годзе, асабліва 22 сакавіка 1945 года. Цэнтр горада, які да гэтага захоўваў характар Сярэднявечча, проста спыніў сваё існаванне. Пасля вайны ён перабудоўваўся ў зусім розных стылях. На шчасце, большасць буйных цэркваў, дзве з іх у цяперашні час сусветная спадчына ЮНЕСКА, былі адноўлены неўзабаве пасля вайны.

У 1980 годзе пачалася рэканструкцыя гістарычнага цэнтра. Некаторыя са старых будынкаў вакол галоўнай плошчы былі знесены і заменены копіямі сапраўдных пабудоў.

Насельніцтва

Год	Колькасць
1270	5000
1400	6000
1450	8000
1500	9000
1648	5500
1803	11 108
1817	11 585
1825	12 630
3 снежня 1849¹	14 651
3 снежня 1855¹	15 923
3 снежня 1858¹	16 300
3 снежня 1861¹	17 100
3 снежня 1864¹	17 988
3 снежня 1867¹	19 580
1 снежня 1871¹	20 801

Год	Колькасць
1 снежня 1875¹	22 581
1 снежня 1880¹	25 900
1 снежня 1885¹	29 386
1 снежня 1890¹	33 481
2 снежня 1895¹	38 977
1 снежня 1900¹	42 973
1 снежня 1905¹	47 061
1 снежня 1910¹	50 239
1 снежня 1916¹	47 364
5 снежня 1917¹	46 164
8 кастрычніка 1919¹	53 499
16 чэрвеня 1925¹	58 181
16 чэрвеня 1933¹	62 519
17 мая 1939¹	72 495
31 снежня 1945	58 982

Год	Колькасць
29 кастрычніка 1946¹	58 973
13 верасня 1950¹	72 292
25 верасня 1956¹	84 695
6 чэрвеня 1961¹	96 341
31 снежня 1965	99 001
27 мая 1970¹	93 800
31 снежня 1975	105 290
31 снежня 1980	102 619
31 снежня 1985	100 864
25 мая 1987¹	103 449
31 снежня 1990	105 291
31 снежня 1995	106 101
31 снежня 2000	103 909
30 верасня 2005	102 654

¹ даныя перапісу

Славутасці

Кафедральны сабор Св. Марыі (ням.: Dom St. Maria), сярэдневяковы каталіцкі сабор, пабудаваны паміж 1010 і 1020 гадамі, у XI, XII і XIV стагоддзях падлягаў рэканструкцыі і пашырэнню, пасля паветраных налётаў у 1945 аднаўляўся з 1950 па 1960 год. З 1985 года ўваходзіць у спіс культурнай спадчыны ЮНЕСКА.
Царква Св. Міхаэля (ням.: Michaeliskirche), пабудаваная напачатку другога тысячагоддзя ў раманскім стылі, з 1985 года ўваходзіць у спіс культурнай спадчыны ЮНЕСКА.
Саборны музей (ням.: Dom-Museum), у якім знаходзіцца вялікая калекцыя рэлігійнага мастацтва.
Музей Ромера і Пеліцэуса (ням.: Roemer- und Pelizaeus-Museum), з’яўляецца вынікам аб’яднання Музея Ромера, заснаванага ў 1844 годзе, і Музея Пеліцэуса, заснаванага ў 1911 годзе. У музеі захоўваецца адна з найбольш значных еўрапейскіх калекцый старажытнаегіпецкага і старажытнаперуанскага мастацтва. Калекцыя кітайскага фарфору гэтага музея займае па сваіх памерах другое месца ў Еўропе.

Іншыя славутасці ўключаюць тэатр, аперэту, мюзіклы, драму, балет.

Падзеі

Джазавы фестываль (ням.: Jazz-Festival), праходзіць на Сёмуху, штогод у маі або чэрвені.
M’era Luna Festival — найбуйнейшы музычны фестываль Германіі, праводзіцца штогод у другія выходныя дні жніўня.

Культура і адукацыя

Універсітэт Гільдэсгайма (ням.: Universität Hildesheim), заснаваны ў 1978 годзе. Яго асноўныя факультэты — сацыяльныя і інфармацыйныя навукі. Ва ўніверсітэце зарэгістравана каля 5 тыс. чалавек. Інавацыі ў вобласці міжнароднага менеджменту і сувязі прыцягваюць ва ўніверсітэт замежных студэнтаў.

Эканоміка

Карпарацыі, якія знаходзяцца ў Гільдэсгайме:

Bosch, вытворца аўтамабільнага і прамысловага абсталявання;
Blaupunkt, даччыная кампанія ў канцэрне «Robert Bosch Corporation GmbH»;
The Coca-Cola Company;
Fairchild;
Thyssen, аконныя сістэмы;
Krupp, найбуйнейшы канцэрн па вытворчасці ліставай нержавеючай сталі.

Палітыка

СМІ

Hildesheimer Relation, з'яўляецца адной іх самых першых газет у Германіі, выдаецца з XVII стагоддзя (1619—1620).
10 ліпеня 1908 года была адкрыта першая тэлефонная станцыя.

Транспарт

Гільдэсгайм мае эфектыўную транспартную інфраструктуру — рэгіянальны цэнтр для чыгункі (Intercity-Express), звязаны з аўтастрадай (Autobahn), мае гавань у Сярэднегерманскім канале.