23 кастрычніка

23 кастры́чніка — 297-ы дзень году (296-ы ў невысакосным годзе) паводле Грыгарыянскага календару. Да канца году застаецца 70 дзён.

Падзеі

• 787 — скончыў сваю працу Другі Нікейскі сабор
• 1086 — у бітве пад Залякай арабы нанесьлі паразу гішпанскім войскам і такім чынам прыпынілі Рэканкісту
• 1501 — паміж Каралеўствам Польскім і Вялікім Княствам Літоўскім падпісаная Мельніцкая унія, якая не была зацьверджана соймам Вялікага Княства Літоўскага й так і не набыла моц
• 1842 — Фрыдрых Вільгельм IV каралеўскім указам ўвёў пікельхельм для большай часткі прускай пяхоты
• 1893 — Яўхім Карскі пасьпяхова абараніў сваю магістарскую дысэртацыю «Да гісторыі гукаў і форм беларускай гаворкі» у Кіеўскім унівэрсытэце. Гэта была першая ў гісторыі дысэртацыя, прысьвечаная беларускай мове
• 1924 — у Менску пачаўся аўтобусны рух
• 1941 — Сталінскія рэпрэсіі: у савецкім канцэнтрацыйным лягеры забілі Васіля Шашалевіча, беларускага драматурга
• 1942 — II Сусьветная вайна: у Эгіпце пачалася бітва паміж ангельскімі і нямецкімі войскамі пад Эль-Аламэйнам
• 1956 — у Вугоршчыне пачалося народнае паўстаньне супраць камуністычнай улады
• 1958 — савецкі расейскі пісьменьнік Барыс Пастэрнак атрымаў Нобэлеўскую прэмію за раман «Доктар Жывага», які стаў бэстсэлерам на Захадзе, але ня быў апублікаваны ў ягонай краіне
• 1992:
  • на граніцы зь Летувой створаны Смаргонскі пагранічны атрад
  • Акіхіта першым з імпэратараў Японіі наведаў Кітай
• 2001 — амэрыканскі вынаходнік Стыў Джобс прэзэнтаваў партатыўны мэдыя-прайгравальнік iPod
• 2005 — прэзыдэнтам Польшчы стаў Лех Качынскі
• 2008 — заснаванае грамадзкае аб’яднаньне «Рух „За Свабоду“»

Нараджэньні

• 1715 — Пётар ІІ, расейскі імпэратар
• 1816 — Арцём Вярыга-Дарэўскі, беларускі паэт, драматург, публіцыст і дасьледнік фальклёру, адзін з пачынальнікаў новай беларускай літаратуры
• 1896 — Раман Якабсон, лінгвіст і літаратуразнаўца
• 1909 — Міхась Зуй, вайсковы і палітычны дзяяч, прэзыдэнт Беларускай Цэнтральнай Рады
• 1919 — Міхаіл Хмялько, савецкі мастак
• 1920 — Джані Радары, італьянскі дзіцячы пісьменьнік і журналіст
• 1940 — Пэле, бразыльскі футбаліст
• 1941 — Ігар Сьмірноў, прэзыдэнт Прыднястроўскай Малдаўскай Рэспублікі
• 1964 — Антон Астаповіч, беларускі гісторык-этноляг і культуроляг
• 1975 — Ганна Севярынец, беларуская пісьменьніца, настаўніца і літаратуразнаўца
• 1984 — Ізабэль Гулар, бразыльская супэрмадэлька, адна з прадстаўнічак анёлаў Victoria's Secret

Сьмерці

• 1941 — Васіль Шашалевіч, беларускі драматург і паэт; малодшы брат празаіка Андрэя Мрыя
• 1946 — Эрнэст Сэтан-Томпсан, канадзкі пісьменьнік, аўтар твораў пра жывёлаў
• 1981 — Якуб Міско, беларускі пісьменьнік і журналіст
• 2015 — Раман Лубкіўскі, украінскі пісьменьнік, амбасадар

Вонкавыя спасылкі

23 кастрычніка — сховішча мультымэдыйных матэрыялаў