Anthony Diaz
| Anthony Baduria Diaz | |
|---|---|
| Minundagan | Camaligan, Camarines Sur |
| Kasibotan | Parasurat, pintor |
| Nasyunalidad | Filipino |
| Lahì | Bikolano |
| Genre | Rawitdawit, usipon, nobela |
| Bantog na gibo | Sa Ika-tolong Aldaw (2019) |
Si Anthony Baduria Diaz sarong Bikolanong parakurit asin parasurat gikan sa Camaligan, Camarines Sur.[1] Nagsusurat siya nin mga rawitdawit asin rikas-usip sa tataramon na Bikol asin nin mga tula sagkud halipot na istorya sa tataramon na Filipino. Kan 2019, napili an saiyang nobelang Sa Ika-tolong Aldaw sa First Book Grant kan Kabulig-Bikol-Inc. asin LJ Graphics Literacy Exponent, Inc.[2] Nagin pinalista man an saiyang nobelang An mga Hawak sa Panganuron para sa Premyo Valledor 2020.
Sarô siya sa mga partisipante kan Ika-3ng Saringsing Writers Workshop na ginibo kan Pebrero 22-24, 2013 sa Syudad nin Naga asin sa inot na TALA Poetry Workshop[3] na ginibo kan Abril 11-12, 2014 sa Ateneo de Naga na Unibersidad.[4] Nagin pinalista siya sa Tulaan sa Facebook[5], sarong proyekto kan Linangan sa Imahen, Retorika, at Anyo (LIRA).[6][7] Siya dating myembro asin nagin sekretaryo kan Parasurat Bikolnon.[8][9]
Kan 2016, ipinagpublikar niya nin surusadiri an libro nin mga rikas-usip sa tataramon na Bikol sa titulong Pataratarapadi asin koleksyon nin mga tula (Tagalog) sa titulong Kitil dangan koleksyon nin mga rawitdawit sa titulong Kuyán kan 2017. Sarô man siya sa mga kagsurat kan Ginisang Poesia (2016) sagkod Ginisang Poesia 2 (2017) kaiba sinda Irvin Sto. Tomas asin Ian Kenneth Orasa. Nagluwas naman an saiyang tula sa Liwayway Magazine,kalatasliteraryzine[10], asin an saiyang rawit na igwa nin titulong Kurakding nakaayon sa libro ni Maria Leny Felix na Rekado asin Rekwerdo.
Sa ginibong Kurit Aki Art Exhibit poon Enero 20 sagkod 27, 2019 sa SM City Naga, nahiling an saiyang mga obra sa sarong eksibit para sa sarong kawsa na hinimò kan Mariner's Polytechnic Colleges Foundation, Tabang Bikol Movement asin Kintab Artists Group. Pinartisiparan ini nin kaakian na nagtapos sa sarong worksyap nin Kurit Aki asin mga Bikolanong parakurit.[11] Nakaayon man an pira sa mga obra nya sa Art Forms 2 Exhibit, sa Ayala Malls, Pasig, Metro Manila, PAGSIRANG: New Emerging Images and Emotions, Robinson's Place, Naga, asin sa Paghilom Art Camp and Festival 2019 asin Steampunk Indio 2019.[12]
Bibliograpiya
[baguhon | baguhon an source]- Pataratarapadi (2016)
- Kitil (2016)
- Kuyan (2017)
- Dai taka na Padangat taka pa (Parasurat Bikolnon, 2018)
- Inkarnasyon (2018)
- An Buhay na Braso (2019)
- 32 (2019)
- Sa Ika-tolong Aldaw (2019)
Kataytayan nin ladawan
[baguhon | baguhon an source]-
An kagduwang (12) naggradwar sa Saringsing Writers Workshop kan 2013 kaiba si Diaz -
Si Diaz (gamping too) kaiba an kapwa-kagsurat kan Ginisang Poesia 2 na sinda Ian Kenneth Orasa asin Irvin Sto. Tomas sa Better Living Through Xeroxography Naga 3 -
Mga libro ni Diaz kan 2018
Mga toltolan
[baguhon | baguhon an source]- ↑ Mga nakapiriling TigsTXT Bicol Mail (pighugot 2013-10-15)
- ↑ Diaz, Kabulig 1st book grantee Bicol Standard {pighugot 2020-1-22)
- ↑ Tala-poetry-workshop-naga-city.html
- ↑ Writers Company and the 1st Tala Workshop Archived 2016-02-21 at the Wayback Machine. Panitikan.com.ph (pighugot 2015-06-07)
- ↑ Tulaan-sa-facebook-2013-mga-nagwagi-para-sa-setyembre/
- ↑ Tulaan sa Facebook 2014: Mga Nagwagi para sa Hunyo Archived 2014-08-10 at the Wayback Machine. Panitikan.com.ph (pighugot 2015-06-23)
- ↑ Tulaan sa Facebook 2014: mga nagwagi para sa Hunyo
- ↑ Parasurat Bikolnon. Mga Resolusyon Archived 2018-03-15 at the Wayback Machine.
- ↑ 4th Saringsing Writers Workshop Fellows named/
- ↑ https://kalatasliteraryezine.wordpress.com/2013/10/16/tulaan-sa-facebook-2013-mga-nagwagi-para-sa-setyembre/
- ↑ Kurit Aki Art Exhibit[permanent dead link] TabangBikol.org (pighugot 2019-1-29)
- ↑ Artists make Cavite farm glow Philippine Daily Inquirer (pighugot 2020-1-22)
Mga panluwas na takod
[baguhon | baguhon an source]- Anthony Diaz Archived 2019-03-21 at the Wayback Machine. James O'Brien Library Archived 2019-03-21 at the Wayback Machine.