Zum Inhalt springen

SpaceHey

Aus Wikipedia
SpaceHey
https://spacehey.com/
Motto a space for friends
Beschreiwung Soziales Netzwerk
Registriarung Optional
Sprochn Englisch
Eigndima tibush GmbH
Urheba Anton Röhm
Mitglieda 500.000[1]
Status online

SpaceHey is a englischspråchigs sozials Netzweak, wås fo da tibush GmbH mid Siz in Pfullingen, Bådn-Wiattmbeag, bdrim wead.[2] Es is a Nostalgieprojekt und uarentiad si åm Ausschaung und da Funktionalität fom sozialn Netzweak MySpace, wias in d 2000a-Jåa ausgschaugg hod.[3] Gschäftlich håds mid MySpace ålladings nix z doa.[4]

Gschicht

[Werkeln | Am Gwëntext werkeln]

SpaceHey is 2020 fom dåmåis 18-jahring deitschn Schila Anton Röhm grindt und entwickid wuan. Da Röhm is bis August 2021 gråd untam Pseudonym „An“ bzw. „AnTheMaker“ aufdredn, bis sei Echtnåm bei ana Red auf da Konfarenz TINCON 2021 bekånnt wuan is.[5] Ea håd nåch eigena Aussog in d 2000a-Jåa sejm nua MySpace gnutzd, weida douschd nu z jung gweng is.[6][7]

„I never came to use Myspace. However, thanks to older friends and the internet, I heard a lot about it. I came to the conclusion that you can't find something like this nowadays, where everyone can be this creative.“

„I hå nia d Glengheid ghob, dasi MySpace nutz. Åwa dånk meine ejtan Freint undm Intanet ho i fi driwa ghead. I bi zum Schluss kemma, das ma so eppas, wo a jeda so kreativ sei kå, heidzdågs neamma findt.“

– An

Offiziej gstart is SpaceHey åm 26. Novemba 2020.[8] Åm 29. Novemba håd da Röhm an Beidråg bei Product Hunt post, wo s Netzweak in Titl #1 Product of the Day falichn kriagg håd.[6] Duach den Beidråg is SpaceHey in a båa Dåg zua mearane dausnd Ånmejdunga kemma.[9] Åm 1. Dezemba hand Journalistn aufs Projekt aufmeaksåm wuan: s Business-Magazin Fast Company håd a Intaview min Grina faeffntlichd.[10] Scho z End fom Dezemba håd s Netzweak nåch eigane Ågåm iwa 10.000 regisdriade Nutza ghob[11] und im Fewa 2021 is d Zåi iwa 100.000 gsting.[12]

Nåchdem dass d Benutzazåina weidahi ståak ångsting hand (Mitte Oktowa 150.000,[13], Mitte Novemba 200.000[14] und båid drauf 300.000.[15]) håd s Thema SpaceHey d US-amerikanischn Twitter-Trends daglång.[16] Draufhi håmb eaneid zåireiche rennomiade Medien wia Bloomberg[14] iwa s Netzweak gschrim.

Åm 4. Åpri 2022 håd Spacehey d 500.000-Nutza-Schwejn iwaschridn.[1]

Da Röhm is nåch wia fua da åanzig Entwickla bei SpaceHey. D Bedreiung fo da Plåttfuam is fia eam inzwischn a Foizeidaufgåb.[5]

Funktiona und Bsunaheitn

[Werkeln | Am Gwëntext werkeln]

SpaceHey is ohne a Ånmejdung zuagengli. Dass ma sejm Inhåite faeffndlichn kå oda mid ånane Benutza intaagian kå, muas ma åwa zeascht a Benutzakonto eastejn. Dåfia is gråd d Email-Adress und s Festleng fo am Kennwuat noudwendig.[17]

SpaceHey fafiagg iwa fi fo d Grundfunktiona, wås aa s 2000a-Jåa-Myspace ghåb håd, zan Beispi Profijseitn, Blogs, Forn, Bulletins, Benåchrichtigunga und Gruppma. In am Blogeidråg fom Röhm eakleada, dass dawei nu ned meglich is, d Galarie-Funktion eizbau, de wås si fi Benutza winschadnd. Es brauchad z fi Speichablåz und d fuahåndana Mittln (schaug: Finanziarung) gamb des dawei ned hea.[18]

A bsunana Gsichtspunkt fo SpaceHey is d umfåssnde individueje Ånbassbåakeid fom Benutzaprofij duach HTML und CSS. Aa dia Funktiona håd SpaceHey fo MySpace iwanumma. Es findtn si mittlawei aa Blogbeitrag mid Såmmlunga fo bsunas schena oda kreativa Profij.[19] Dådrauf eagemb si åwa aa Sichaheidsproblem: Mid HTML kinand Nutza in eane Profij exteane Inhåit eibindtn, de fian Bsuacha fom Profij potentiej schådhåfd sei kinand. Aus dem Grund wead am jedn Bsuacha beim easchtmåjing Aufruaffm fo ana Profijseitn fom System a Hiweis zåagg, dea wås auf d Risikn aufzåagg und auf d Datnschutzeaklearung fo SpaceHey faweisd.

Ånas åis wia MySpace måchd SpaceHey im Nutza meglich, Beidrag auf ånane soziale Medien z tåain.[20] Aussadem hand Eibettunga fo YouTube-, Spotify-, SoundCloud-, Bandcamp- und Mixcloud-Inhåitn meglich.[21]

Finanziarung

[Werkeln | Am Gwëntext werkeln]

D Nutzung fo SpaceHey is komplett kostnfrei. In am Blogbeidråg fom Dezemba 2020 håd da Röhm aufgruaffm, eam Eifej fia d Finanziarung zuazumsendtn.[9] Seidm Dezemba 2020 bsted d Meglichkeid, s Netzweak duachs Kaffn fo Aufpickein z untastitzn. Nåchm Kaf wead auf da Plåttfuam neman Nåma fom Kaffa a „Untastitza-Åbzeichn“ åzoagg.[22] Es gibb aa Merchandise-Artikin, wia Leiwin, Pullowa oda Hafein[23] oda a direkts PayPal-Spendnkonto.[24]

Rezeption

[Werkeln | Am Gwëntext werkeln]

Seid da Grindung håmb zåireiche Onlinemedien iwa SpaceHey gschrim, unta ånam s deitschspråchige t3n[3] und renommiade US-amerikanische Medien wia BuzzFeed[25] und d New York Post.[26] Im Fewa 2021 håd si d Berichteaståttung nuammåi gheifft. Åm 1. Meaz 2021 håd da BBC Radio Oxford a Telefonintaview midn Anton Röhm ausgstråid.[27]

Zåireiche Benutza auf SpaceHey findtnd d Idee fo am MySpace-Nåchbau glass und bedånknd si beim Röhm fia d Umsetzung. Aa in ånane soziale Medien findtn si mearawei positive Reaktiona. Fuaåim fi ehemåiige MySpace-Nutza fijnd si fo SpaceHey in åide Zeitn zruckfasetzd. Fi Benutza lomb d friedliche und positive Atmosphean auf SpaceHey, de wås in ånane soziale Netzweak åge dat

Positiv fiachaghom wead aa d Dådsåch, dass SpaceHey wenig sozialn Druck auf d Benutza ausip. So schreip da Jörn Brien auf t3n.de: „Newsfeeds oder Algorithmen, die die Aufmerksamkeit der Nutzer binden, sowie der Druck, um Likes und Retweets zu buhlen, fehlen. Kommentare etwa werden in chronologischer Reihenfolge angezeigt.“[3]

Kritik håd SpaceHey unta ånam fian rechd simpin Spamschutz kriagg: Da Journalist Clive Thompson woitt in seim Profij ågem, dassa si fias Weak fo da amerikanischn Dichtarin Emily Dickinson intressiad. Dea Eidråg is fom System blockiad wuan. Da Thompson håd des auf d Buachståmfoing dick zruckigfiad, wås im Englischn umgångsspråchlich fias männliche Gschlechtståai sted. Den „Fuafåi“ håda åwa mid Humor gnumma.[28]

Gschrimnas

[Werkeln | Am Gwëntext werkeln]
  •  Kate M. Miltner, Ysabel Gerrard: „Tom had us all doing front-end web development“: a nostalgic (re)imagining of Myspace. In: Internet Histories. 7. Oktoba 2021, doi:10.1080/24701475.2021.1985836.

Im Netz

[Werkeln | Am Gwëntext werkeln]

Åanzlnåchweis

[Werkeln | Am Gwëntext werkeln]
  1. ↑ 1,0 1,1 Anton Röhm: HALF A MILLION USERS! In: spacehey.com. 2022, abgerufen am 10. April 2022 (englisch).
  2. ↑ Impressum. In: tibush.com. Abgerufen am 30. Mai 2021.
  3. ↑ 3,0 3,1 3,2 Jörn Brien: Diese Myspace-Kopie eines Deutschen rockt derzeit das Netz. In: t3n.de. 2. Dezember 2020, abgerufen am 30. Mai 2021.
  4. ↑ About. In: spacehey.com. Abgerufen am 30. Mai 2021 (englisch).
  5. ↑ 5,0 5,1 Anton Röhm aka “AnTheMaker”. In: tincon.org. Abgerufen am 12. August 2021.
  6. ↑ 6,0 6,1 Anton Röhm: SpaceHey – MySpace Reborn. In: Product Hunt. 29. November 2020, abgerufen am 30. Mai 2021 (englisch).
  7. ↑ Laura Holliday: A Teenager Has Remade Myspace and Everyone Is Loving It. In: Vice.com. 8. Februar 2021, abgerufen am 30. Mai 2021 (englisch).
  8. ↑ @space_hey: Tweet. In: Twitter. 26. November 2020, abgerufen am 30. Mai 2021.
  9. ↑ 9,0 9,1 Anton Röhm: The Future of SpaceHey (Blog-Eintrag). In: spacehey.com. Abgerufen am 30. Mai 2021 (englisch).
  10. ↑ Jared Newman: This MySpace clone is the social media nostalgia hit you need right now. In: Fast Company. 1. Dezember 2020, abgerufen am 30. Mai 2021 (amerikanisches Englisch).
  11. ↑ @space_hey: Tweet. In: Twitter. 22. Dezember 2020, abgerufen am 30. Mai 2021.
  12. ↑ @space_hey: Tweet. In: Twitter. 26. Februar 2021, abgerufen am 30. Mai 2021.
  13. ↑ Anton Röhm: Whaaat??!! In: Spacehey. Abgerufen am 13. November 2021 (englisch).
  14. ↑ 14,0 14,1 Vlad Savov: Retro MySpace Clone SpaceHey Blows Up With 200,000 Signups. In: Bloomberg.com. 12. November 2021, abgerufen am 13. November 2021 (englisch).
  15. ↑ @spacehey: 300 000 people – WE DID IT!! This is crazy!! – Thank you everyone!! In: twitter.com. 13. November 2021, abgerufen am 13. November 2021 (englisch).
  16. ↑ @spacehey: WHAT??!!! In: Twitter. 12. November 2021, abgerufen am 13. November 2021 (englisch).
  17. ↑ SignUp. In: spacehey.com. Abgerufen am 30. Mai 2021 (englisch).
  18. ↑ Anton Röhm: Groups and more! (Blog-Eintrag). In: spacehey.com. Abgerufen am 13. Juni 2021 (englisch).
  19. ↑ "MUBRA": Some cool profiles (Blog-Eintrag). In: spacehey.com. Abgerufen am 30. Mai 2021 (englisch).
  20. ↑ Joen Coronel: Does Myspace Still Exist? Say Hi to its Carbon-Copy Spacehey! In: techtimes.com. 10. Februar 2021, abgerufen am 30. Mai 2021 (englisch).
  21. ↑ Anton Röhm: New: SoundCloud, Spotify & YouTube Embeds (Blog-Eintrag). In: spacehey.com. Abgerufen am 30. Mai 2021 (englisch).
  22. ↑ Anton Röhm: Support SpaceHey — Get Stickers! (Blog-Eintrag). In: spacehey.com. Abgerufen am 30. Mai 2021 (englisch).
  23. ↑ Anton Röhm: SpaceHey Shop. In: spacehey.com. Abgerufen am 22. Januar 2023 (englisch).
  24. ↑ Support SpaceHey auf PayPal.com
  25. ↑ Shelby Heinrich: A Gen Z'er Created A Replica Of The OG Myspace, And It's Blowing My Mind. In: Buzzfeed. 19. April 2021, abgerufen am 30. Mai 2021 (englisch).
  26. ↑ Hannah Frishberg: Teen who never had Myspace re-creates it and users are in love. In: New York Post. 9. Februar 2021, abgerufen am 30. Mai 2021 (amerikanisches Englisch).
  27. ↑ Evenings on BBC Radio Oxford, Will Reynolds (01/03/2021). BBC Local Radio, 1. März 2021, abgerufen am 30. Mai 2021 (britisches Englisch).
  28. ↑ Clive Thompson: Turns out spacehey thinks Emily Dckinson's name is a curse word (Blog-Eintrag). In: spacehey.com. Abgerufen am 30. Mai 2021 (englisch).
Voh „https://bar.wikipedia.org/w/index.php?title=SpaceHey&oldid=835330“