Prinzregentntortn
De Prinzregentntortn is a boarische Tortn, de wo aus 7-8 Biskuit-Schichtn mit ana Schockladcreme dazwischen besteht. De Schichtn soin de Beziake vo Bayern symbolisian (zua Zeit vom Prinregentn woans 8, heit sans 7). Aussn is se mit am Schokladnguss iwazogn. De Tortnspezialitet hod fia Minga umara so a Bedeitung ois wia de Sachertortn fia Wean. A wann de Prinzregentntortn international lang ned so bekonnt is, z Bayern is praktisch in jeda Konditorei vatretn.
Da Nom vo da Tortn kimmt vom Prinzregent Luitpold, dea wo ab 1886 Prinzregent z Bayern woa. Wea de Tortn eafundn hod, is unklor. Am haifigstn wean da Hofbecka Anton Seidl, da Hofkonditor Heinrich Georg Erbshäuser und da Hofkonditor Julius Rottenhöfer gnennt.
Schau aa
[Werkeln | Am Gwëntext werkeln]Literatua
[Werkeln | Am Gwëntext werkeln]- Irene Krauß: Chronik bildschöner Backwerke. Hugo Matthaes Druckerei und Verlag, Stuttgart 1999, ISBN 3875162927