Farchn
Farchn | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wissnschoftlicha Nama | ||||||||||||
Pinoideae | ||||||||||||
Link | ||||||||||||
Wissnschoftlicha Nama der Goddung | ||||||||||||
Pinus | ||||||||||||
L. |
De Farchn (Pinus), Fohrn oder Fährabaam (dt.: Kiefern, Boarischdeitsch: Föhre, Farchen, Forchen; engl.: pine) buidn a Pflanzngattung vo Nodlhoizgwächse (Pinophyta) in da Famij vo de Farchngwächse (Pinaceae). Den Woatstomm Farch gibt's in fost oin germanischn Sprochn, z. B. engl.: fir. De Farchn san de oanzige Gattung vo da Untafamij Pinoideae.
Bschrieb
De moastn Farchn-Oartn woxn ois Baam, a boa a ois Busch. Farchn san immagreane Liachtbaamoartn und riachn recht guad. Farchn wean bis iwa 50 m houch und kenna aa uma 1000 Joar oid wean. A boa Oartn, wia P. lambertiana wean meahra ois 60 m houch und iwa 700 Joar oid.[1].
Iare Nodlbladl san im Vagleich mid andan Nodlbaamgattunga bsondas long. Es san a oft zwoa Typn vo Nodlbladl am soim Baam do: de oan san wia a Spiroin on de Zwoag o'gordnt de ondan noch iahra Oart entweda zu zwoat, zu dritt oda a zu fimft (sejtna oanzln oda a zu sext) in Bindln on Kuaztrieb stehnd, weahnd sunst (bei Feichtn, Tanna) de Nodln oanzln on de Zwoag woxn (schau af's Buidl). De Farchnnodln vo an Kuaztrieb wean vo a Schoad umschloßn.
De Farchn-Artn san meist'ns oahaisig trenntgschlachtig (monözisch); se hom eiso Manda und Weiba ois Zapfn an oan Bam. A boa Artn san manchmoi zwoaheisig trenngschlachtig[2]. Farchn wean mit da Huif vom Wind bsteibt (Anemophilie). De Zapf'n, de Manda san, san ziemli vui und stean olle auf an Haufn. Weiba gibts an oan Bam ned so vui und de stehn a aloa rum, manchmoi aba a zu zwoat oda a zu dritt. De Zapfn braucha oanahoib bis zwoa Joar bis se reif san, dann macha se auf und lassn den Sama ausse. De Zapfn foin dann in Oam z'Boun. De Sama hom a grings Gwicht, san g'fligalt und wean mitn Wind davo drong. A boa Artn hom schwarare Sama, de wean mit de Viecha davo drong, de Sama hom dann koane Fligal, oda zumindast so ziemli reduzierte.
Verbroadung und Oobau
Farchn gibts voa oim auf da Noadhoibkugl. Und do steans voa oim im kila, feichtn Klima. Vui Artn waxn aba a in de Subtropn oda a in de Tropn. Iwaroi auf da Woid, wo Farchn waxn kenna, wean se a obaut. Bsonders in Korea und Japan is de Kiefa a bsonders Gwax: Dort steht a Farchn fia Stärkn, a langs Lem und vui Geduid.
Fiad Forstwirtschaft is woidweit gseng de Farchn des wichtigste Huiz. Dea Baam braucht weni und waxt guad.
Systematik
De klassische Untateilung da Gattung in drei Untagattunga is weng molekulargenetischa Studien auf zwoa Untagattunga reduziert worn. Noch Gernandt et al. 2005 wern de 111 Artn wie foigt g'liedert:[3]
- Untagattung Pinus (Diploxylon)
- Sektion Pinus
- Subsektion Pinus in Eurasien, Mittelmeerraum, Östliches Nordamerika, Kuba
- Pinus densata
- Japanische Rot-Farch (Pinus densiflora)
- Pinus hwangshanensis
- Pinus kesiya
- Pinus luchuensis
- Pinus massoniana
- Pinus merkusii
- Berg-Farch (Pinus mugo)
- Schwarz-Farch (Pinus nigra)
- Amerikanische Rot-Farch (Pinus resinosa)
- Wald-Farch (Pinus sylvestris)
- Chinesische Farch (Pinus tabuliformis)
- Pinus taiwanensis
- Japanische SchwarzFarch (Pinus thunbergii)
- Pinus tropicalis
- Haken-Farch (Pinus uncinata)
- Pinus yunnanensis
- Subsektion Pinaster, Kanarische Inseln, Mittelmeerraum, Himalaya
- Kalabrische Farch (Pinus brutia)
- Kanarische Farch (Pinus canariensis)
- Aleppo-Farch (Pinus halepensis)
- Schlangenhaut-Farch (Pinus heldreichii)
- See-Farch (Pinus pinaster)
- Pinie (Pinus pinea)
- Pinus roxburghii
- Subsektion Pinus in Eurasien, Mittelmeerraum, Östliches Nordamerika, Kuba
- Sektion Trifoliae
- Subsektion Contortae in Nordamerika
- Banks-Farch (Pinus banksiana)
- Sand-Farch (Pinus clausa)
- Küsten-Farch (Pinus contorta)
- Pinus virginiana
- Subsektion Australes in Nord- bis Zentral-Amerika, Karibik
- Pinus attenuata
- Pinus caribaea
- Kuba-Farch (Pinus cubensis)
- Pinus echinata
- Pinus elliottii
- Pinus glabra
- Pinus greggii
- Pinus herrerae
- Pinus jaliscana
- Pinus lawsonii
- Pinus leiophylla
- Pinus lumholtzii
- Bischofs-Farch (Pinus muricata)
- Pinus occidentalis
- Pinus oocarpa
- Sumpf-Farch (Pinus palustris)
- Pinus patula
- Pinus praetermissa
- Pinus pringlei
- Pinus pungens
- Monterey-Farch (Pinus radiata)
- Pech-Farch (Pinus rigida)
- Pinus serotina
- Weihrauch-Farch (Pinus taeda)
- Pinus tecunumanii
- Pinus teocote
- Subsektion Ponderosae im Westen der USA, in Mexiko und Zentral-Amerika
- Pinus cooperi
- Coulter-Farch (Pinus coulteri)
- Pinus donnell-smithii
- Pinus devoniana
- Pinus douglasiana
- Pinus durangensis
- Pinus engelmannii
- Pinus hartwegii
- Jeffreys Farch (Pinus jeffreyi)
- Pinus maximinoi
- Montezuma-Farch (Pinus montezumae)
- Pinus nubicola
- Gelb-Farch (Pinus ponderosa)
- Pinus pseudostrobus
- Weiß-Farch (Pinus sabiniana)
- Pinus torreyana
- Pinus washoensis
- Subsektion Contortae in Nordamerika
- Sektion Pinus
- Untagattung Strobus (Haploxylon)
- Sektion Parrya
- Subsektion Balfourianae im Westen der USA
- Grannen-Farch (Pinus aristata)
- Fuchsschwanz-Farch (Pinus balfouriana)
- Langlebige Farch (Pinus longaeva)
- Subsektion Cembroides im Südwesten der USA und Mexiko
- Subsektion Nelsoniae in Mexiko
- Subsektion Balfourianae im Westen der USA
- Sektion Quinquefoliae
- Subsektion Gerardianae in Ostasien und Himalaya
- Bunges Farch (Pinus bungeana)
- Pinus gerardiana
- Pinus squamata
- Subsektion Krempfianae in Vietnam
- Subsektion Strobus in Nordamerika und Eurasien
- Weißstämmige Farch (Pinus albicaulis)
- Armands Kieder (Pinus armandii)
- Mexikanische Weymouth-Farch (Pinus ayacahuite)
- Pinus bhutanica
- da Zerm (Pinus cembra)
- Pinus chiapensis
- Pinus dabeshanensis
- Pinus dalatensis
- Pinus fenzeliana
- Biegsame Farch (Pinus flexilis)
- Korea-Farch (Pinus koraiensis)
- Zucker-Farch (Pinus lambertiana)
- Westliche Weymouth-Farch (Pinus monticola)
- Pinus morrisonicola
- Mädchen-Farch (Pinus parviflora)
- Rumelische Farch (Pinus peuce)
- Zwerg-Farch (Pinus pumila)
- Sibirischa Zerm (Pinus sibirica)
- Weymouth-Farch (Pinus strobus)
- Tränen-Farch (Pinus wallichiana)
- Pinus wangii
- Subsektion Gerardianae in Ostasien und Himalaya
- Sektion Parrya
Nutzung
Farchnhuiz kheat neban Feichtnhuiz zu den wichtigstn Nodlhuiza. Es waxt grod und schnoi, braucht wenig und ma ko des Huiz guad heanemma. De mechanischn Eigenschaftn vom Huiz san guad, da Streibereich is aba a sea groaß, des kummt hoit drauf o, wo des Huiz gschlong worn is.
Heanemma ko ma des Huiz ois Bau- und Möbehuiz, aba a ois Brennhuiz. Es is a awichtigs Huiz um Spanplattn zu baun. Ois Bau- und Konstruktionshuiz wiad Kiefahuiz fast iwaroi eigsetzt. Ma nimmts her fia Dochkonstruktiona, Huizverkleidunga, Glander, Treppen, Fuaßbön, Fensta und Dian. Aba a fia Fassadenverkleidung, Terrassendecking, Kindaspuisach, Zein und im Gartn und Landschaftsbau. Dazua kemma no Sachn wia Mastn, Pfostn, Rammpfoi im Wassa-, Hafn- und Bergbau und ois Schwoinhuiz beim Gleisbau.
Farchn wean a zua Beechgwinnung gnutzt. De Sama oanzalna Farchnartn san so groaß, dass ma se ois Nahrungsmittl hernemma ko, wia de Pinienkern, oda de Zedernussn.
Buidl
-
Gejb-Farch (Pinus ponderosa)
-
Pinus brutia
-
Langlebige Farch (Pinus longaeva). Es gibt Baam, de san 4900 Joar oid (Inyo National Forest, Kalifornien).
-
Woidfarch
-
Latschenfarch (Vorkomma in de Oipn)
Beleg
- Informationen zur Gattung Pinus bei conifers.org. (engl.)
Fuaßnotn
- ↑ http://www.conifers.org/pi/pin/lambertiana.htm
- ↑ Beschreibung der Gattung. (engl.)
- ↑ David S. Gernandt, Gretel Geada López, Sol Ortiz García, Aaron Liston: Phylogeny and classification of Pinus. Taxon, Band 54, 2005, S. 29–42 (pdf)