Lee Min Ho
Lee Min-ho | |
---|---|
![]() Lee Min-ho, 2019 | |
Embas | 22 Juni 1987 Heukseok-dong, Korea Selatan |
Mabangsa | Korea Selatan |
Pendidikan | Universitas Konkuk |
Pakaryan | Artis, Pagending |
Warsa aktip | 1997 - mangkin |
Agén | MYM Entertainment (Koréa) IMX Inc. (Jepang) Huayi Brothers (Cina) |
Wastan Koréa | |
Hangeul | 이민호 |
Hanja | 李敏鎬 |
Alih Aksara sané kaparipurnayang | I Minho |
McCune–Reischauer | Yi Min-ho |
Situs wéb | www |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
![](http://upload.wikimedia.org/wikipedia/commons/thumb/8/81/Lee_Min-ho_-_KCON_2016_%28cropped%29.jpg/220px-Lee_Min-ho_-_KCON_2016_%28cropped%29.jpg)
Lee Min Ho (Hangul: 이민호; embas 22 Juni 1987;yusa 37) inggih punika aktor utawi pragina saking Koréa Selatan. Dané kasub pinaka artis sané dueg matembang taler sayan kauningin ring dura negara riantukan dramanyané sané mamurda Boys Before Flowers ring warsa 2009. Dané dados Gu Jun-pyo ring dramané punika. Riantukan drama punika, dané ngamolihang penghargaan dados Pendatang Terbaik ring Baeksang Art Awards sané kaping 45. Dané taler dados pragina dados City Hunter (2011), The Heirs (2013), The Legend of The Blue Sea (2016). Drama sané sukses punika ngawinang dané dados silih tunggil bintang Hallyu sané kaloktah kantos mangkin. Napi malih dané ngamolihang peran ring film kapertama, Gangnam Blues (2015), kasarengin antuk film sané kakaryanin saking Tiongkok inggih punika Bounty Hunters (2016).[1]
Lee ngawitin nyarengin audisi miwah ngamolihang peran sané alit ring silih tunggil drama televisi minakadi Nonstop 5 dan Recipe of Love. Dané makarya debut resmi ring serial EBS, Secret Campus (2003).[2] Ring pangawit dané dados aktor Lee nganggén wastan panggung Lee Min riantukan agensinyané maosang wastan sujatinyané biasa kemanten, riantukan wastan panggungnyané kaucapang miwah kasurat antuk tata cara sané pateh ring basa korea imin sané maarti imigrasi, punika ngawinang meweh pisan medal ring mesin pencarian ring internet. Punika mawinan mawali dané nganggén wastan aslinyane.[3]
Ring Warsa 2006, pamargin kariernyané majanggelan atiban riantukan dané polih matabrakan ri kala makta mobil sareng aktor Jung Il-woo. Lee keni pinyungkan rahat sangkaning tabrakan punika miwah makudang kudang bulan wantah ring penyirepan.[1] Risampuné seger, Lee ngamolihang peran utama ring drama SMA Mackerel Run (2007), sakewanten riantukan rating sané ten becik, episode drama puniki kakirangin dados kutus episode.[4] Ring warsa 2008 dané polih peran ring drama televisi sakadi Get Up miwah I Am Sam, Public Enemy Returns miwah Our School's E.T.. Rikala syuting film Our School's E.T., Lee dados sawitra ring aktor Kim Su-ro sané raris nyumbungang dané ring acara varietas.[5]
Pamargi karier Lee sané sayan becik rauh ring warsa 2009 riantukan dados Gu Jun-pyo ring drama KBS Boys Over Flowers sané kaambil saking Shōjo manga sané murdannyané pateh. ri kala punika Lee uning ragané polih peran utama saking koran. Drama punika ngamolihang rating penonton sané ageng pisan miwah ngawinang Lee ngamolihang akeh pisan endrosement malih ngamedalang gelombang korea lianan ring wewidangan Asia sané ngawinang Lee dados artis sané kasub.
Pada warsa 2010, Lee dados arsitek sané paripurna ring drama komedi romantis Personal Taste, dané nyaru dados anak muani gay sané dados timpal sekamar sareng anak luh bajang sané ngawinang sang kalih saling tresna. Warsa 2011, dané polih peran ring drama aksi sané mamurda City Hunter sané kaambil saking manga populer mamurda Tsukasa Hojo. Drama puniki kaloktah pisan ring wewidangan Asia miwah ngawinang Lee kasub ring Jepang, Tiongkok, Filipina miwah ring eropa
Warsa | Penghargaan |
---|---|
2009 |
|
2010 |
|
2011 |
|
2012 | |
2013 |
|
2014 |
|
2015 |
|
2016 |
|
- ↑ 1,0 1,1 "Life graph of Lee Min Ho, "Actor's job is to give hope and courage"". Naver. Kaaksés 14 Juli 2014.
- ↑ "Star Diary: Lee Min-ho – Part 1". 10Asia. Kaaksés 28 Oktober 2014.
- ↑ "Star Diary: Lee Min-ho – Part 3". 10Asia. Kaaksés 28 Oktober 2014.
- ↑ "Star Diary: Lee Min-ho – Part 2". 10Asia. Kaaksés 14 Juli 2014.
- ↑ "Star Diary: Lee Min-ho – Part 4". 10Asia. Kaaksés 28 Oktober 2014.
- (Koréa) Situs resmi
- (Jepang) Situs resmi Jepang
- (Koréa) Twitter
- (Inggris) Lee Min Ho ring HanCinema