Kalénder Bali saka
Kalénder Saka inggih punika kalendér sané kaanggén olih krama hindu ring Nusa Bali miwah Nusa lombok. Malianan ring Kalénder pawukon sané madué 210 dina, kaléndér saka puniki malakar antuk sasih miwah madué dina kirang langkung pateh ring kalénder Grégorian. Penanggalan ring kalénder saka wantah penanggalan "konvensi"[1]. Penanggalan punika nénten ngangé penanggalan astronomis sekadi kalénder Hijriah nénten talér nganggé penanggalan aritmatis sekadi kalénder jawa nanging kirang langkung antara kakalih.
Kaléndér Saka sané akéh kaanggén inggih punika kalénder cetak sané kaploporin olih Ketut Bangbang Gedé Rawi. Dewasané mangkin akéh ipun kalénder saka sané katemuin ring piranti elektronik minakadi komputer miwah smartphone.[2]
| No | Penanggalan Saka Bali | Lami Dina |
|---|---|---|
| 1 | Kasa | 30 |
| 2 | Karo | 29 |
| 3 | Katiga | 30 |
| 4 | Kapat | 29 |
| 5 | Kalima | 30 |
| 6 | Kanem | 29 |
| 7 | Kapitu | 30 |
| 8 | Kawolu | 29 / 30 |
| 9 | Kasanga | 29 / 30 |
| 10 | Kadasa | 29 |
| 11 | Jiyestha/Jyeshta | 30 |
| 12 | Sadha | 29 |
| 13 | Sasih kabisat | (30) |
| Katahipun | 353-355/(383-384) | |
Ring a wulan Chandra utawi a sasih wenter 30 dina, 15 dina sadurung purnama kawastanin penanggal utawi suklapaksa, 15 dina sadurung tilem kawastanin panglong utawi oanglong utawi kresnapaksa. Ring kalénder cetak penanggal kasurat mawarna abang utawi barak saking penanggal 1 ngantos penanggal 15 ring dina purnama. Sakewanten panglong kasurat mawarna ireng utawi selem saking panglong 1 ngantos panglong 15 ring dina tilem.
Lami saih utawi wulan Chandra nénten patéh banding ring wulan surya. Lami sasih berfluktuasi tergantung ring doh bulan miwah gumi ring orbit elipsnyane. Riantuka punika lami warsa surya kirang langkung 11 dina lamian bandingang ring warsa chandra. Duaning punika senangken kirang langkung 3 warsa chandra kaengsubang sasih chandra asiki sané kawastanin sasih kabisat[1]. Sasih kabisat puniki kantu rancu genahnyané ring kalénder saka Bali.
Rahinan Hindu sané madasar ring penaggalan sasih inggih punika rahina Nyepi miwah Siwaratri. Rahina Nyepi kalaksayanang ring penanggal apisan Sasih Kadasa. Rahina Siwaratri kalaksayanang ring panglong ping 14 sasih Kapitu. Piodalan sané ngagge penaggal kalénder saka contonyané Bhatara Turun Kabeh, ring Pura Penataran Agung Besakih Karangasem sané kalaksayanang ring purnama sasih Kadasa miwah piodalan ring Pura Jagatnatha, Denpasar sané kalaksayanang ring Purnama sasih Jiyestha.
- ↑ 1,0 1,1 "Babad Bali - Balinese Saka Calendar". www.babadbali.com. Kaaksés 2020-04-07.
- ↑ Cahya Prawira, I Putu; Arya Sasmita (Gusti Madé). "Pengembangan Aplikasi "Kalender Saka Bali" pada Sistem Operasi Machintos". MERPATI. 3 No.2: 58. Kaarsipin saking versi asli tanggal 2020-04-07. Kaaksés 2020-04-07. Check date values in:
|date=(help)