Sənan Süleymanov

Vikipediya, azad ensiklopediya
Naviqasiyaya keç Axtarışa keç
Sənan Süleymanov
Sənan Süleymanov 2021-ci il Dünya Çempionatında
Sənan Süleymanov 2021-ci il Dünya Çempionatında
Şəxsi məlumatlar
Tam adı Sənan Əmrah oğlu Süleymanov
Vətəndaşlığı Azərbaycan Azərbaycan
Doğum tarixi (27 yaş)
Doğum yeri Dmanisi, Gürcüstan
Boyu 175 sm. (5 ft 6 in)
İdman növü Güləş
Medallar
Vikianbarın loqosu Vikianbarda əlaqəli mediafayllar

Sənan Əmrah oğlu Süleymanov (15 dekabr 1996; Dmanisi, Gürcüstan) — Azərbaycanı təmsil edən yunan-roma güləşçisi, 2020-ci il Avropa Çempionatının qalibi.[1]

Karyerası

[redaktə | mənbəni redaktə et]

Sənan Süleymanov 2012-ci ildə Polşada yeniyetmələr arasında Avropa Çempionatının və Azərbaycanda yeniyetmələr arasında Dünya Çempionatının gümüş medallarına sahib oldu.[1] 2016-cı ildə isə Sənan Süleymanov Rumıniyada gənclər arasında Avropa Çempionatını bürünc medalla başa vurdu.[1]

2017-ci ildə Sənan Süleymanov əvvəlcə Macarıstanda U23 Avropa Çempionatını 7-ci, sonra isə Serbiyada Avropa Çempionatını 11-ci pillədə başa vurdu.[1] 2019-cu ildə Kiyev şəhərində baş tutan beynəlxalq turnirin qalibi olan Sənan Süleymanov, Qazaxıstanda Dünya Çempionatını 8-ci pillədə, Macarıstanda U23 Dünya Çempionatını isə gümüş medalla başa vurdu.[1]

2020-ci ildə isə Sənan Süleymanov Roma şəhərində (İtaliya) baş tutan Avropa Çempionatının final görüşündə Macarıstan nümayəndəsi Zoltan Levai üzərində qələbə qazanaraq Avropa Çempionatının qalibi oldu.[1] 2021-ci ildə Fransada Fransa Qran-Prisini və Macarıstanda Avropa Olimpiya Təsnifat Turnirinin bürünc medallarına sahib olan Sənan Süleymanov, Varşava şəhərində (Polşa) Avropa Çempionatını bürünc, Oslo şəhərində (Norveç) Dünya Çempionatını isə gümüş medallarla başa vurdu.[1]

2022-ci ilin fevralında İstanbul şəhərində Vəhbi Əmrənin xatirəsinə həsr olunan beynəlxalq turniri gümüş medalla başa vuran Sənan Süleymanov, martda Budapeşt şəhərində Avropa Çempionatının bürünc, avqustda Konya şəhərində V İslam Həmrəyliyi Oyunlarının isə gümüş medalına sahib oldu.[1] Sentyabrda Belqrad şəhərində (Serbiya) baş tutan Dünya Çempionatında isə uğursuzluqla üzləşdi və turniri 20-ci pillədə başa vurdu.[1]

2023-cü ildə Sənan Süleymanov əvvəl Zaqreb şəhərində (Xorvatiya) baş tutan Zagreb Open beynəlxalq turnirini 28-ci pillədə, sonra da apreldə Avropa Çempionatını 20-ci pillədə başa vurdu.[1] İlin əsas turniri — sentyabrda Serbiyanın Belqrad şəhərində baş tutan Dünya Çempionatında isə Sənan Süleymanov final görüşündə məğlub olaraq turnirin gümüş medalına sahib oldu.[1] Bununla o, həm də olimpiya lisenziyasına sahib oldu.[2][3]

Sənan Süleymanov 2024-cü ilin yanvarında Xorvatiyada Zagreb Open beynəlxalq turnirinin qalibi olsa da, ilin növbəti turnirlərində — fevralda Avropa Çempionatı və iyunda Polya İmre Turnirini medalsız başa vurdu.

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
1
2012
 Yeniyetmələrin Avropa Çempionatı Polşa Polşa
3.
2
2012
 Yeniyetmələrin Dünya Çempionatı Azərbaycan Azərbaycan
3.
3
2016
 Gənclərin Avropa Çempionatı Rumıniya Rumıniya
3.
4
2017
 U23 Avropa Çempionatı Macarıstan Macarıstan
7.
5
 Avropa Çempionatı Serbiya Serbiya
11.
6
2019
 Kiyev Beynəlxalq Turniri Ukrayna Ukrayna
1.
7
 Dünya Çempionatı Qazaxıstan Qazaxıstan
8.
8
 U23 Dünya Çempionatı Macarıstan Macarıstan
2.
9
2020
 Avropa Çempionatı İtaliya İtaliya
1.
10
2021
 Fransa Qran-Prisi Fransa Fransa
3.
11
 Avropa Olimpiya Təsnifat Turniri Macarıstan Macarıstan
3.
12
 Avropa Çempionatı Polşa Polşa
3.
13
 Dünya Çempionatı Norveç Norveç
2.
14
2022
 Vəhbi Əmrə Turniri Türkiyə Türkiyə
2.
15
 Avropa Çempionatı Macarıstan Macarıstan
3.
16
 İslam Həmrəyliyi Oyunları Türkiyə Türkiyə
2.
17
 Dünya Çempionatı Serbiya Serbiya
20.
18
2023
 Zagreb Open Xorvatiya Xorvatiya
28.
19
 Avropa Çempionatı Xorvatiya Xorvatiya
20.
20
 Dünya Çempionatı Serbiya Serbiya
2.
21
2024
 Zagreb Open Xorvatiya Xorvatiya
1.
22
 Avropa Çempionatı Rumıniya Rumıniya
10.
23
 Polya İmre Turniri Macarıstan Macarıstan
5.

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 International Wrestling Database. "SANAN SULEYMANOV". www.iat.uni-leipzig.de (ingilis). 2022-08-08. 2022-08-08 tarixində arxivləşdirilib. İstifadə tarixi: 08.08.2022.
  2. ↑ Azerisport.com idman portalı. "Санан Сулейманов, одолев Малхаза Амояна, заработал олимпийскую лицензию, Эльданиз Азизли и Рафик Гусейнов в финале Чемпионата Мира". www.azerisport.com ( (rus.)). 25.04.2024. 2024-11-11 tarixində arxivləşdirilib. İstifadə tarixi: 25.04.2024.
  3. ↑ Azərbaycan Dövlət İnformasiya Agentliyi. "Sənan Süleymanov olimpiadaya lisenziya qazanıb". www.azertag.az ( (az.)). 25.04.2024. 2024-01-01 tarixində arxivləşdirilib. İstifadə tarixi: 25.04.2024.
Mənbə — "https://az.wikipedia.org/w/index.php?title=Sənan_Süleymanov&oldid=7712250"