Naxçıvan Sovet Sosialist Respublikası
 | Bu məqalə Naxçıvan Muxtar Sovet Sosialist Respublikası ilə demək olar ki, eyni mövzudan bəhs edir və hər ikisinin eyni başlıq altında birləşdirilməsi mümkündür. |
| Tarixi dövlət | |||||
| Naxçıvan Sovet Sosialist Respublikası | |||||
|---|---|---|---|---|---|
| Нахичеванская Советская Социалистическая Республика Нахчыван Совет Сосиалист Республикасы | |||||
|
|||||
 Naxçıvan Sovet Sosialist Respublikası |
|||||
|
|
|||||
| Paytaxt | Naxçıvan | ||||
| Rəsmi dilləri |
Azərbaycan dili Rus dili |
||||
| Dövlət dini | İslam | ||||
.svg)
Naxçıvan Sovet Sosialist Respublikası və ya Naxçıvan İctimai Şuralar Cümhuriyyəti (qısaca: Naxçıvan SSR və ya Naxçıvan İŞC) — Azərbaycan SSR tərkibində respublika.
Tarixi
[redaktə | vikimətni redaktə et]Naxçıvan İctimai Şuralar Cümhuriyyəti 1920-ci ildə yaradılmışdır. Naxçıvan SSR-in Ermənistan ilə təbii sərhəddini, əsasən Zəngəzur və Dərələyəz silsiləsinin suayırıcıları, Türkiyə və İranla sərhəddini isə Araz çayı təşkil edir. Ərazisi Şimal-Qərbdən Cənub-Şərqə doğru 158 km məsafədə uzanır.
Naxçıvanın sovetləşməsi uğrunda mübarizəyə başlanıldı və daşnaklara qarşı aparılan əməliyyatlar nəticəsində 1920-ci ilin iyunun 28-də Naxçıvan şəhəri tutuldu. İyunun 29-da Naxçıvan İnqilab Komitəsi təşkil edildi və bu komitə Naxçıvanı Sovet Sosialist Respublikası elan etdi. Naxçıvan İnqilab Komitəsinin tərkibinə Mirzəli bəy Bektaşov, Abbas Qədimov, Fərəməz Mahmudbəyov, Qafar Babayev və b. daxil oldular. 1920-ci il avqustun 10-da Naxçıvan İnqilab Komitəsinin sədri Mirzəli bəy Bektaşov Azərbaycan SSR XKS-nin sədri N.Nərimanova göndərdiyi məktubda yazırdı: "Naxçıvan xalqının böyük əksəriyyətinin qərarı ilə Naxçıvan ölkəsi özünü Azərbaycan Sovet Sosialist Respublikasının ayrılmaz hissəsi hesab edir…" [1]
1921-ci il yanvarın 21-dən Naxçıvan Diyar İnqilab Komitəsi (DİK) adlandırıldı. 1922-ci ilin əvvəlində yerli Sovetlərə seçkilər başa çatdırıldı; yanvarın 25-də Naxçıvan şəhərində işə başlayan Naxçıvan Respublikasının I Sovetlər qurultayında NİK ləğv edildi, Naxçıvan MİK və onun 7 üzv və 2 namizəddən ibarət rəyasət heyəti, həmçinin XKS-in heyəti seçildi. [2]
Həmçinin bax
[redaktə | vikimətni redaktə et]- Naxçıvan Muxtar Sovet Sosialist Respublikası
- Naxçıvan xanlığı
- Naxçıvanşahlıq
- Azərbaycan Respublikası
İstinadlar
[redaktə | vikimətni redaktə et]- ↑ "Naxçıvan Muxtar Respublikasının yaradılması". 2020-10-22 tarixində arxivləşdirilib. İstifadə tarixi: 2020-08-11.
- ↑ "Naxçıvan ən qədim zamanlardan". 2020-11-27 tarixində arxivləşdirilib. İstifadə tarixi: 2020-08-11.