Muskau sarayı
Muskau sarayı | |
---|---|
Schloss Muskau | |
![]() | |
![]() | |
51°32′51″ şm. e. 14°43′23″ ş. u. | |
Ölkə | |
Üslubu | İntibah dövrü |
![]() |
Muskau sarayı və ya Muskau qalası — Almaniyanın Saksoniya vilayətində qala. Əsas binanın ətrafında mənzərəli park var. Saray 2004-cü ilin iyul ayından UNESCO-nun Ümumdünya İrs Siyahısına daxil olan Muskau Parkı adlı geniş parkda yerləşir.
Muskau su üzərində olan qala növünə aiddir.
Coğrafiyası
[redaktə | mənbəni redaktə et]Muskau Parkı, Lujiçka çayı üzərində Almaniya—Polşa sərhədinin hər iki tərəfi boyunca uzanan Mərkəzi Avropanın ən böyük və ən məşhur İngilis parklarından biridir.[2]
Tarixi
[redaktə | mənbəni redaktə et]Muskau bölgəsindən keçmiş dövrlərdə iki mühüm ticarət yolu keçirdi. Muskaudakı ən qədim istehkamlar, şübhəsiz ki, bu yolların qorunmasına xidmət edirdi. Bundan əlavə, çay keçidinin yaxınlığında gömrük məntəqəsi var idi.
Qalanın əsası qoyulduğu dövrə aid çox az sənəd qalmışdır. Muskau sarayinin ilk aydın şəkildə sənədləşdirilmiş sahibi Bodo von Euleburg idi. O, təxminən 1316-cı ildən 1361-ci ilə qədər qalaya sahib idi.
XV-ci əsrin əvvəllərində qala 2 muxtar hissədən ibarət idi: əsas qala və xarici qala (forburq). 1447-ci ildə qala Venzel fon Biberşteynin mülkiyyətinə keçdi. Beş il sonra Muskau vilayətinə şəhər statusu verildi. Bu, binanın modernləşdirilməsinə səbəb oldu.
1597-ci ildə İmperator II Rudolf Muskau sarayını və onun ətrafındakı torpaqları Vilhelm zu Donaya satdı.
Otuzillik müharibə zamanı qala ciddi ziyan gördü. 1643-cü ildə tutuldu və talan edildi. Bərpa işləri 1646-cı ildən sonra başladı və uzun illər davam etdi. Kurt Reinike I von Kallenberg qalanın üç qanadlı Barokko kompleksinə çevrilməsi üçün xeyli vəsait sərf etdi. Eyni dövrdə sarayda Cəngavərlər zalı tikildi. Tezliklə qalanın ətrafında parkın yaradılması üzərində iş başladı.
XX-ci əsr
[redaktə | mənbəni redaktə et]Fon Arnim ailəsi 1945-ci ilə qədər qalaya və ətraf torpaqlara sahib idi. İkinci Dünya Müharibəsi başa çatdıqdan sonra Saksoniya ADR-in bir hissəsi oldu. Yeni yakimiyyət kompleksi müsadirə etdi. Bu andan etibarən qala Bad Muskau şəhər hakimiyyətinin nəzarətinə keçdi.
Almaniya Federativ Respublikası ilə Almaniya Demokratik Respublikasının birləşməsindən sonra qalanın tarixində yeni dövr başlayır. 1992-ci il yanvarın 1-də park və saray Azad Saksoniya əyalətinin mülkiyyətinə keçdi. 1993-cü ildə kompleksin tam bərpası məsələlərini öz üzərinə götürən Fürst-Pukler-Park Bad Muskau fondu yaradıldı. Park və saray binasının saxlanılması üçün lazımi vəsait ayrıldı, zəruri inzibati strukturlar yaradıldı. Məqsədli bərpa 1995-ci ildə başlamış və 2011-ci ildə tamamlanmışdır.
İstifadəsi
[redaktə | mənbəni redaktə et]Qala Saksoniyanın əsas görməli yerlərindən biridir. Binaların əhəmiyyətli bir hissəsi muzey sərgiləri keçirilməsi və konsertlərin təşkili üçün istifadə olunur. Park il boyu ictimaiyyət üçün açıqdır.
Qallereyası
[redaktə | mənbəni redaktə et]-
Şərq tərəfdən qalanın həyəti
-
Qalanın şərq fasadları
-
Cənub fasadı və cənub qülləsi
-
Köhnə (sol tərəfdə) və Yeni qalaların görünüşü
-
Qalanın yuxarıdan görünüşü