Gözqamaşdırıcı (Marvel Comics)
Gözqamaşdırıcı | |
---|---|
ing. Dazzler | |
![]() | |
Nəşriyyat |
![]() |
Yayım tarixi | "Əsrarəngiz İks-adamlar" #130 (fevral, 1980) |
Yaradıcı(lar) |
Tom Defalko Con Romita Luiz Simonson Rocer Stern |
Xüsusiyyətlər | |
Əsl adı | Elison "Eli" Bler |
Doğum yeri | |
Cinsiyyəti | qadın |
Boyu | 173 sm |
Çəkisi | 52 kq |
Göz rəngi | göy |
Saç rəngi | sarı |
Növü | mutant |
Vətəndaşlıq | |
Təhsili | kollec |
Komiks bioqrafiyası | |
Kainat | 616 |
Üzvlükləri |
İks-adamlar 198 Qladiatorlar Ekskalibur SHIELD A-Fors Uilduays üsyanı |
Ləqəbləri | Disko |
Gücləri | Atlet, səsi işığa çevirmək qabiliyyəti |
Gözqamaşdırıcı (ing. Dazzler) — ABŞ komiks nəşriyyatı Marvel Comics tərəfindən yaradılmış personaj. Daha çox İks-adamlar komandası ilə tanınır. İlk dəfə 1980-ci ilin fevralında "Əsrarəngiz İks-adamlar" komiksinin 130-cu sayında görünmüşdür.
Gözqamaşdırıcı bir mutantdır. Əsas qabiliyyəti səsi işığa çevirməkdir.
Gözqamaşdırıcı həmçinin bir müğənnidir, diskotekalarda rok üslubunda mahnılar ifa etmişdir. Gözqamaşdırıcı 1980-ci illərdə 42 buraxışılı nəşr olunmuş "Gözqamaşdırıcı", "Gözqamaşdırıcı: Film" Marvel qrafik romanında, 4 sayı nəşr olunmuş "Gözəllik və Vəhşi heyvan" komiksində yer almışdır. İks-adamlar və Ekskalibur komandalarının üzvü olmuşdur.
Nəşr olunma tarixi
[redaktə | mənbəni redaktə et]İlk əvvəllər personaj Disko kraliçası adlanırdı və gücü insanlara həqiqəti söyləməyi məcbur etmək idi. Personaj ilk əvvəl "Əsrarəngiz İks-adamlar" komiksinin 130-cu buraxılışında peyda olmuşdur. Daha sonra 1981-1985-ci illərdə "Gözqamaşdırıcı" adında ayrıca komiks seriyası nəşr olunmuşdur. Bu komiksdə Hörümçək-adam, Məşəl-adam, Doktor Dum, Qalaktus, Halk kimi personajlar da görünmüşdür. Gözqamaşdırıcı həm də "Qisasçılar" komiksində görünmüşdür.
Bioqrafiya
[redaktə | mənbəni redaktə et]![](http://upload.wikimedia.org/wikipedia/az/thumb/a/ad/Dazzler_Vol_1_20.jpg/220px-Dazzler_Vol_1_20.jpg)
Əsl adı Elison Blerdir. Nyu Yorkun Qardendeyl adlı hissəsində Karter və Katerina Blerin qızı kimi anadan olur. Mutant gücləri özünü məktəbdə oxuyarkən göstərir. Müğənniliyə can atan Elison məktəbdəki bir dans şousunda iştirak etməyə könüllü olur, gücləri ilk dəfə peyda olur. Tədbirdə iştirak edənlər bunun sadəcə effekt olduğunu zənn edir. Amma Elison daha sonra güclərini açıqlayacaqdır.
Elison özünə "Gözqamaşdırıcı" adını alır, musiqi dünyasına atılıb güclərindən səhnədə performansını artırmaq üçün istifadə edir. Çıxış etdiyi şouların birində İks-adamlar ilə Cəhənnəm Atəşi Klubu çarpışır və Gözqamaşdırıcı ilk dəfə İks-adamlar komandası ilə tanış olur. Şousunun kəsilməsindən hirslənən Gözqamaşdırıcı qəzəblə Cəhənnəm Atəşi Klubunun üzvlərinin üzərinə hücum çəkmiş, istəmədən bəzilərini katatonik edir. Daha sonra Gözqamaşdırıcı İks-adamlara Kitti Praydı axtarmağa kömək edir. Gözqamaşdırıcı disko həyatının daha həyəcanverici, İks-adamlarla isə uzağa getməyəcəyinə qərar verir, buna görə də komandaya qoşulmaq təklifini geri çevirir.[1]
Gözqamaşdırıcı mutant güclərini yaxınlarından başqa hər kəsdən gizlədir. Lakin Marvel dünyasında müxtəlif personajlarla rastlaşdıqca super cinayətkarlara qarşı güclərindən istifadə etməli olur. Bir hadisədə Hörümçək-adam ilə qarşılaşır, Laytmaster[2] ilə döyüşməli olur. Daha sonra Cadugər[3], Doktor Dum, Əmici adam və Kabus[4] ilə döyüşür. Qısa müddət Göy qalxanla[5] müttəfiq olur, İks-adamlar və Hörümçək-qadına ağılsız Kolibanı[6] dəff etməyə kömək edir. Halka[7] döyüşlərin birində qalib gəlir, ağlını itirmiş Rouq[8] ilə uzun döyüşə girir. Bu dövrdə Arxanqel ilə romantik münasibətləri başlayır. Qalaktusla rastlaşır. Qalaktus onun gücünə əhəmiyyət vermir. Ona öz kosmik enerjisinin bir hissəsini verir, əvəzində Gözqamaşdırıcı xəbərçisi Terraksı geri qaytarır.[9] Bu zaman İks-adamların təklifini yenidən dəyərləndirib komandanın üzvü olur.[10]
Reaksiya
[redaktə | mənbəni redaktə et]2009-cu ilin avqustunda "Time"[11] jurnalı Gözqamaşdırıcını "Top 100 ən qeyri-adi Marvel Comics" personajı siyahısında göstərmişdir.
2011-ci ildə isə "Comics Buyer's Guide" jurnalının "Ən cazibədar 100 qadın komiks personajı" siyahısında 83-cü yerdə göstərilmişdir.[12]
Digər mediada
[redaktə | mənbəni redaktə et]![](http://upload.wikimedia.org/wikipedia/commons/thumb/f/f3/Bo_Derek_2010.jpg/220px-Bo_Derek_2010.jpg)
Filmlər
[redaktə | mənbəni redaktə et]İndiyə qədər 20th Century Fox tərəfindən çəkilmiş "İks-adamlar" seriyasının heç bir filmində Gözqamaşdırıcı yer almamaqla yanaşı, heç kameo görüntüsü yayınlanmamış, filmə çəkilmə planı belə olmamışdır. Sadəcə 1980-ci illərdə ssenari müəllifi baş rolda Bo Derekin oynayacağı ayrıca "Gözqamaşdırıcı" filmi üçün ssenari yazmaq istəmişdir. Amma bu fikrindən daşınaraq "Tarzan, Meymun-adam" filmi üçün ssenari yazmışdır.[13]
Televiziya
[redaktə | mənbəni redaktə et]- "İks-adamlar: İks-adamlar praydı"
- "İks-adamlar"
- "Şimal porsuğu və İks-adamlar"
Video oyunlar
[redaktə | mənbəni redaktə et]- "X-Men"
- "X-Men: Madness in Murderworld"
- "X-Men II: The Fall of the Mutants"
- "X-Men Legends II: Rise of Apocalypse"
- "Marvel vs. Capcom 3: Fate of Two Worlds"
İstinadlar
[redaktə | mənbəni redaktə et]- ↑ Uncanny İks-adamlar #130-131
- ↑ Amazing Spider-Man #203
- ↑ Dazzler #1-2
- ↑ Dazzler #3-4
- ↑ Dazzler #5
- ↑ Uncanny İks-adamlar #148
- ↑ Dazzler #6-7
- ↑ Dazzler #22-23
- ↑ Dazzler #10
- ↑ Uncanny İks-adamlar v.1 #131
- ↑ "Top 10 Oddest Marvel Characters". Time. August 31, 2009. January 15, 2022 tarixində arxivləşdirilib. İstifadə tarixi: August 15, 2015.
- ↑ Frankenhoff, Brent. Comics Buyer's Guide Presents: 100 Sexiest Women in Comics. Krause Publications. 2011. səh. 53. ISBN 1-4402-2988-0.
- ↑ Moore, David J., "Me, Jane!", Filmfax (131), Summer 2012: 63–64
Xarici keçidlər
[redaktə | mənbəni redaktə et]- Gözqamaşdırıcı (Marvel Comics) Marvel Dünyası Vikisində
- Gözqamaşdırıcı Series Synopsis, William George Ferguson
- UncannyXmen.net
- Gözqamaşdırıcı (ing.) — IMDb səhifəsi
- Gözqamaşdırıcının debütü