Elvin Paşayev
Elvin Paşayev | |
---|---|
Vəzifədədir | |
25 iyul 2022-ci ildən | |
Əvvəlki | Arif Seyidov Turani Əliyev (i.e.) |
Şəxsi məlumatlar | |
Doğum tarixi | 27 iyul 1983 (41 yaş) |
Partiya |
|
Təhsili | |
|
|
Təltifləri |
![]() ![]() ![]() |
Elvin Nazim oğlu Paşayev (27 iyul 1983) — Göygöl Rayon İcra Hakimiyyətinin başçısı.[1]
Həyatı
[redaktə | mənbəni redaktə et]Elvin Paşayev 1983-cü ildə anadan olmuşdur. Orta təhsilini Şirvan şəhər M. B. İsrailov adına 18 nömrəli təbiət-humanitar təmayüllü məktəbdə almışdır. 2000–2004-cü illərdə Bakı Dövlət Universitetinin Tarix fakültəsində Regionşünaslıq ixtisası üzrə bakalavr təhsilinə yiyələnib.
2004–2005-ci illərdə Azərbaycan Respublikasının Ordu sıralarında qulluq edərək həqiqi hərbi xidmət keçmişdir.
2005–2007-ci illərdə Bakı Dövlət Universitetində magistr təhsili almış, 2007–2009-cu illərdə Dövlət İqtisad Universitetində Maliyyə və Kredit ixtisası üzrə təhsilini davam etdirmişdir. 2021–2022-ci illərdə İsveçin Lund Universitetində "Dövlət sektorunda innovasiya", "Şəhər idarəetməsində innovasiya və təbiət əsaslı həllər" proqramı üzrə təhsil almışdır. Çin Xalq Respublikası, Polşa Respublikası Lex Kaçinski adına İdarəçilik Akademiyası, Estoniya Respublikası Şərq Tərəfdaşlıq Mərkəzi və s. kimi tədris müəssisələrində təkmilləşdirmə və ixtisasartırma kurslarından məzun olmuşdur. 2021-ci ildə ABŞ-nin Layihələrin İdarəedilməsi İnstitutunun PMP (Layihələrin idarəedilməsi üzrə peşəkar) beynəlxalq sertifikatını əldə etmişdir. 2012–2016-cı illərdə Azərbaycan Milli Elmlər Akademiyasının Bakıxanov adına tarix inistutunun doktorantı olmuşdur.[2]
2003-cü ildə Bakı 1 saylı şəhər Klinik Xəstəxanasında Kadrlar şöbəsində müfəttiş vəzifəsi ilə əmək fəaliyyətinə başlamışdır. 2006–2012-ci illərdə Azərbaycan Respublikası Əmək və Əhalininin Sosial Müdafiəsi Nazirliyi, Əhalinin Sosial Müdafiəsi Mərkəzində baş məsləhətçi, sonra Nazirliyin Aparatında Kadrlar şöbəsində baş məsləhətçi və sektor müdiri kimi fəaliyyət göstərmişdir. 2012–2018-ci illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi Aparatının İnsan resursları və təlim şöbəsinin müdir müavini, daha sonra şöbə müdiri vəzifəsində çalışmışdır. 2018–2022-ci illərdə Azərbaycan Respublikası Kənd Təsərrüfatı Nazirliyi Aparatının İnsan resurslarının idarəedilməsi şöbəsinin müdiri və həmin nazirlikdə — Aparat rəhbərinin müavini, İnsan resurslarının İdarə edilməsi və Elm, təhsil və İnsan resursları şöbələrinin müdiri vəzifələrində çalışmışdır. Bununla yanaşı Elvin Paşayev 2014–2019-cu illərdə Azərbaycan Respublikasının Prezidenti yanında İdarəçilik Akademiyasında saat hesabı müəllim kimi də fəaliyyət göstərmişdir.
Ailəlidir, 3 övladı var.[3]
İctimai-siyasi fəaliyyəti
[redaktə | mənbəni redaktə et]2002-ci ildən Yeni Azərbaycan Partiyasının üzvüdür.
Azərbaycan İnsan Resursları Assosiasiyası İctimai Birliyinin (AİRA) təsisçilərindən biridir. Dövlət qulluğunun Baş müşaviridir.
Azərbaycan Respublikası Prezidentinin 25 iyul 2022-ci il 3388 saylı Sərəncamı ilə Elvin Nazim oğlu Paşayev Göygöl Rayon İcra Hakimiyyətinin başçısı təyin edilmişdir.[4][5]
Mükafatları
[redaktə | mənbəni redaktə et]- "Dövlət qulluğunda fərqlənməyə görə" medalı, Azərbaycan Respublikası Prezidentinin 2020-ci il 23 iyun tarixli 2116 saylı Sərəncamı ilə təltif edilib.[6]
- "Heydər Əliyevin 100 illiyi (1923–2023)" yubiley medalı, Azərbaycan Respublikası Prezidentinin 2024-cü il 2 fevral tarixli 4289 saylı Sərəncamı ilə təltif edilib.[7]
- "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012–2022)" yubiley medalı ilə təltif edilib.[8]
İstinadlar
[redaktə | mənbəni redaktə et]- ↑ "E. N. Paşayevin Göygöl Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 2023-07-08 tarixində arxivləşdirilib. İstifadə tarixi: 2022-07-27.
- ↑ "Arxivlənmiş surət". 2022-08-18 tarixində arxivləşdirilib. İstifadə tarixi: 2022-08-18.
- ↑ "Göygölün 39 yaşlı icra başçısı". 2023-07-08 tarixində arxivləşdirilib. İstifadə tarixi: 2022-07-27.
- ↑ "Göygölün yeni icra başçısı". 2023-07-08 tarixində arxivləşdirilib. İstifadə tarixi: 2022-07-27.
- ↑ "Arxivlənmiş surət". 2022-07-27 tarixində arxivləşdirilib. İstifadə tarixi: 2022-08-18.
- ↑ "Göygöl Rayon İcra Hakimiyyətinin saytı". 2022-06-22 tarixində arxivləşdirilib. İstifadə tarixi: 2022-08-18.
- ↑ "Arxivlənmiş surət". 2024-03-29 tarixində arxivləşdirilib. İstifadə tarixi: 2024-03-29.
- ↑ "Elvin Paşayev yubiley medalı ilə təltif edilib". BAKU.NEWS (az.). 2024-04-22 tarixində arxivləşdirilib. İstifadə tarixi: 2024-04-22.
Xarici keçidlər
[redaktə | mənbəni redaktə et]- 27 iyulda doğulanlar
- 1983-cü ildə doğulanlar
- Yaşayan insanlar
- Yeni Azərbaycan Partiyasının üzvləri
- Bakı Dövlət Universitetinin Tarix fakültəsinin məzunları
- Azərbaycan Dövlət İqtisad Universitetinin məzunları
- Lund Universitetinin məzunları
- "Heydər Əliyevin 100 illiyi (1923–2023)" yubiley medalı ilə təltif edilənlər
- "Dövlət qulluğunda fərqlənməyə görə" medalı ilə təltif edilənlər
- "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012–2022)" yubiley medalı ilə təltif edilənlər
- Əlifba sırasına görə vəzifəli şəxslər
- Göygöl Rayon İcra Hakimiyyətinin başçıları