Aleksandr Gerst
Aleksandr Gerst | |
---|---|
alm. Alexander Gerst | |
![]() | |
Ölkə | |
Doğum tarixi | 3 may 1976[1] (48 yaş) |
Mükafatları |
![]() ![]() ![]() ![]() |
![]() |
Aleksandr Gerst (alm. Alexander Gerst; 3 may 1976[1]) — alman alimi, geofizik və kosmonavt. Almaniyada 11-ci, dünyada 539-cu kosmonavt. Təbiət elmlər doktoru, Alman və Amerikan geofizika cəmiyyətilərinin üzvü.
Həyatı
[redaktə | mənbəni redaktə et]Aleksandr Gerst 3 may 1976-cı ildə Baden-Vürtemberqin, Künzelsau şəhərində anadan olub. 1995-ci ildə Eringen (Almaniya) şəhərində texniki bir yanaşma ilə liseyi bitirmiş və Almaniyanın Karlsrure Universitetinə daxil olmuşdur. Məktəbdə oxuyarkən, Gerst könüllü olaraq yanğınsöndürən və xilasedici kimi çalışmışdır[2]. 1999-cu ilin oktyabrında universitetdən fərqlənərək, fizika və geofizika üzrə bakalavr dərəcəsi almışdır[3].
1998-ci ildən 2003-cü ilədək universitetlərdə təhsil alırkən, Antarktika da daxil olmaqla, müxtəlif beynəlxalq elmi təcrübələrə qatılıb. 2001–2003-cü illərdə, Yeni Zelandiyadakı bir vulkan ekspedisiyası üzərində hazırlanmış, vulkanik fəaliyyətin monitorinqi üçün yeni bir metod hazırlanmış, nəticələr elmi bir jurnalda dərc edilmişdir. 2003-cü ilin aprel ayında Vellinqtonda (Yeni Zelandiya) Kraliça Viktoriya Universitetində geofizika üzrə fəlsəfə doktoru dərəcəsi almışdır (fərqlənmə diplomu ilə).[4] 2003-cü ilin dekabr ayında da fərqlənmə diplomu ilə Karlsrue İnstitutun Fizika kafedrasını bitirib, geofizika üzrə diplom almışdır.[5]
2004-cü ildən etibarən Hamburq Universitetində Geofizika İnstitutunda elmi vasitələrin yaradılmasına çalışmışdır. 2005-ci ildən 2009-cu ilədək Geofizika İnstitutunda işləyərkən elmi ekspedisiya ilə Yerin bütün qitələrində vulkanları ziyarət etmişdir. 2010-cu ildə Hamburg Universiteti Geofizika İnstitutunda geofizika və vulkan püskürməsi dinamikası üzrə doktorluq dissertasiyasını müdafiə etmişdir.
Yeraltı dünyasının Vulkanologiya və Kimya Beynəlxalq Birliyi, Alman Geofizika Cəmiyyəti, Yer Elmləri Avropa Birliyi, Avropa Vulkanoloji Cəmiyyəti və Amerika Geofizika Birliyinin üzvüdür. Təbiət, elm, volkanologiya və geotermal tədqiqatlar jurnallarında seysmologiya üzrə bir neçə sənədlərin müəllifi və həmmüəllifidir.yanğınsöndürən və xilasedici
Kosmik hazırlığı
[redaktə | mənbəni redaktə et]![](http://upload.wikimedia.org/wikipedia/commons/thumb/b/b2/Expedition_38_backup_crew_members_in_front_of_the_Soyuz_TMA_spacecraft_mock-up_in_Star_City%2C_Russia.jpg/260px-Expedition_38_backup_crew_members_in_front_of_the_Soyuz_TMA_spacecraft_mock-up_in_Star_City%2C_Russia.jpg)
20 may 2009-cu ildə dördüncü işə qəbul zamanı ESA astronavt korpusuna seçildi. 2009-cu ilin may ayından 2010-cu ilin noyabrına qədər Aleksandr Gerst Kölndə Avropa Kosmik Agentliyində ümumi kosmik təlim kursuna qatıldı.
22 noyabr 2010-cu ildə astronavt ESA sertifikatı aldı. 13 sentyabr — 12 noyabr 2010-cu il tarixləri arasında Yuri Qaqarin adına Kosmonavt təlim mərkəzində təlim keçmişdir və Beynəlxalq Kosmik Stansiyanın Rusiya seqmentinin sistemlərinin "istifadəçisi" kimi tanınmışdır.
24 avqust 2011-ci ildə, Soyuz TMA-11M transportyor kosmos vasitəsi və Soyuz TMA-13M kosmik missiyasının əsas heyəti, ISS-40 / ISS-41 kosmik ekspedisiyaları üzrə qoşun ekipajı üçün uçuş mühəndisi təyin edildi. 2 aprel 2012-ci ildə məşqlərə başladı.
6 may 2014-cü il tarixində İSS-40/41 əsas heyətinin mühafizəçi kimi kosmik komandiri Maksim Surayev və uçuş mühəndisi Qreqori Uayseman ilə birlikdə kompleks təlimə başlamışdır. Mayın 7-də ekipaj "Soyuq TMA-M" simulyatorunda test imtahanını keçirdi. 8 may 2014-cü il tarixdə əsas heyətin tərkibində Dövlətlərarası Komissiyanın iclasında təsdiqləndi. 27 may 2014-cü il tarixdə Baykonurda kosmik komplekslərin uçuş testləri üzrə Dövlət Komissiyasının qərarı ilə Soyuz TMA-13M-in əsas heyətinin uçuş mühəndisi-2 təyin edildi.
![](http://upload.wikimedia.org/wikipedia/commons/thumb/6/6e/ISS-41_EVA-1_%28g%29_Alexander_Gerst.jpg/220px-ISS-41_EVA-1_%28g%29_Alexander_Gerst.jpg)
28 may 2014-cü il tarixdə, saat 23: 57-də, Baykonur kosmodromundan, Gerst uçuş mühəndisi kimi, Soyuz TMA-13M ekipaj heyətinin tərkibində kosmosa yola salınıb.[6][7][8]
Xarici keçidlər
[redaktə | mənbəni redaktə et]- Official home page as a researcher (up until ESA selection) Arxivləşdirilib 2014-05-14 at the Wayback Machine
- Spacefacts biography of Alexander Gerst
İstinadlar
[redaktə | mənbəni redaktə et]- ↑ 1 2 Alexander Gerst // Brockhauz Ensiklopediyası (alm.).
- ↑ "Биография А. Герста". EKA. 2013-09-29 tarixində arxivləşdirilib. İstifadə tarixi: 2019-06-12.
- ↑ "Александер Герст. Биография". Сайт «Космическая энциклопедия». 2015-07-08 tarixində arxivləşdirilib. İstifadə tarixi: 2015-07-07.
- ↑ Alexander Gerst. (2003) Temporal changes in seismic anisotropy as a new eruption forecasting tool. (Master's thesis) Victoria University of Wellington https://doi.org/10.26686/wgtn.16910776.v1
- ↑ "Alexander Gerst". European Space Agency. 2013-09-29 tarixində arxivləşdirilib. İstifadə tarixi: 2019-06-12.
- ↑ Clark, Stephen. "Mission Status Center". Spaceflight Now. 11 July 2022 tarixində arxivləşdirilib. İstifadə tarixi: 28 May 2014.
- ↑ "Expedition 41 Lands Safely in Kazakhstan". NASA. 24 June 2022 tarixində arxivləşdirilib. İstifadə tarixi: 10 November 2014.
- ↑ "Alexander Gerst". ESA. 9 February 2018. 29 September 2013 tarixində arxivləşdirilib. İstifadə tarixi: 12 March 2018.