Abdulqədir Abdullayev
Abdulqədir Abdullayev | |
---|---|
![]() Abdulqədir Abdullayev Rio-de-Janeyro Olimpiadasında | |
Şəxsi məlumatlar | |
Tam adı | Abdulqədir Abdullayev |
Vətəndaşlığı |
![]() ![]() |
Doğum tarixi | |
Doğum yeri | Aquşa rayonu, Dağıstan MSSR |
Boyu | 188 sm. (6 ft 7 in) |
İdman növü | Boks |
Məşqçisi | Məhəmməd Arifhacıyev |
Abdulqədir Abdullayev (17 iyul 1988, Dağıstan MSSR) — Azərbaycanı təmsil edən boksçu, 2015-ci il Avropa Oyunlarının qalibi.[1]
Karyerası
[redaktə | mənbəni redaktə et]Abdulqədir Abdullayev 2013-cü ilin iyulunda Rusiyanın Kazan şəhərində baş tutan Universiada Oyunlarını 8-ci pillədə başa vurdu. Bundan sonra Abdulqədir Abdullayev bir müddət WSB-də mübarizə apardı.
Abdulqədir Abdullayev 2015-ci ilin iyununda baş tutan Birinci Avropa Oyunlarında mübarizə apardı.[2] Təsnifat mərhələsindən azad olan Abdulqədir Abdullayev turnirin 1/8 final mərhələsində Macarıstan nümayəndəsi Adam Hamori ilə üz-üzə gəldi.[2] Həmin görüşdə Abdulqədir Abdullayev rəqibi üzərində qələbə qazandı (3:0) və turnirin 1/4 final mərhələsinə adladı.[2] Bu mərhələdə onun rəqibi Fransa nümayəndəsi Pol Omba-Bionqolo oldu.[2] Bu görüşdə də Abdulqədir Abdullayev rəqibinə qalib gəldi (3:0) və Avropa Oyunlarının yarım-final mərhələsinə adladı.[2] Finala gedən yolda onun rəqibi Rusiya nümayəndəsi Sadam Məhəmmədov oldu.[2] İyunun 26-da baş tutan görüşdə Abdulqədir Abdullayev rəqibi üzərində qələbə qazandı (3:0) və Avropa Oyunlarının final görüşünə vəsiqə qazandı.[2] Həlledici görüşdə onun rəqibi Ukrayna nümayəndəsi Gevorg Manuhyan oldu.[2] İyunun 27-də baş tutmalı olan görüşdə rəqib zədə səbəbilə mübarizə aparmadı və Abdulqədir Abdullayev Birinci Avropa Oyunlarının qalibi oldu.[2] Təltifetmə mərasimi zamanı ona qızıl medalı Azərbaycan Prezidenti İlham Əliyev təqdim elədi.
Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Abdulqədir Abdulla oğlu Abdullayev "Şöhrət" ordeni ilə təltif edildi.[3]
Avropa Oyunlarından sonra Abdulqədir Abdullayev Qətərin Doha şəhərində baş tutan Dünya Çempionatında mübarizə apardı.[4] Turnirin 1/8 final mərhələsində Əlcəzair nümayəndəsi Çouaib Bouloudinata qalib gələn (3:0) Abdulqədir Abdullayev 1/4 final mərhələsində Argentina təmsilçisi Yamil Peraltanı da məğlub elədi (3:0) və turnirin yarım-final mərhələsinə adladı.[4] Bu mərhələdə o, Kuba nümayəndəsi Erislandi Savona məğlub oldu (0:3) və Dünya Çempionatının bürünc medalına sahib oldu.[4]
Dünya Çempionatında olimpiya lisenziyasına sahib ola bilməyən Abdulqədir Abdullayev 2016-cı ilin aprelində Samsun şəhərində baş tutan Avropa Olimpiya Təsnifat Turnirində mübarizə apardı.[5] Turnirin 1/8 final mərhələsində Litva nümayəndəsi Tadas Tamasaushasa (3:0), 1/4 final mərhələsində isə İrlandiya təmsilçisi Darren O'Neilla (3:0) qalib gələn Abdulqədir Abdullayev, 1/4 final mərhələsində Birləşmiş Krallıq nümayəndəsi Lourens Oholiyə məğlub oldu (0:3).[5] Turnirin üçüncü pilləsi uğrunda görüşdə isə o, Ukrayna nümayəndəsi Gevorg Manuhyan üzərində qələbə qazandı (3:0) və Rio-de-Janeyro Olimpiadasına lisenziyanı təmin elədi.[5]
XXXI Yay Olimpiya Oyunları 2016-cı ilin avqustunda Braziliyanın Rio-de-Janeyro şəhərində baş tutdu.[6] Təsnifat mərhələsindən azad olan Abdulqədir Abdullayev olimpiadanın 1/8 final mərhələsində Fransa Pol-Omba Bionqolo ilə üz-üzə gəldi.[6] Həmin görüşün üçüncü raundunda Abdulqədir Abdullayev rəqibi üzərində vaxtından əvvəl təmiz qələbə qazandı və turnirin 1/4 final mərhələsinə adladı.[6] Bu mərhələdə onun rəqibi Özbəkistan nümayəndəsi Rüstəm Tulaqanov oldu.[6] Görüşün birinci raundunda Abdulqədir Abdullayev rəqibinə qalib gəlsə də, növbəti raundlarda məğlub oldu.[6] Nəticədə görüşü məğlub başa vuran Abdulqədir Abdullayev medalın bir addımlığında mübarizəsini dayandırdı və Rio-de-Janeyro Olimpiadasını beşinci pillədə başa vurdu.[6][7]
Rio-de-Janeyro Olimpiadasından sonra Abdulqədir Abdullayev 2017-ci ilin iyununda baş tutan Avropa Çempionatında mübarizə apardı.[8] Turnirin 1/8 final mərhələsində o, Şotlandiya nümayəndəsi Scott Forresta qalib gəlsə də (3:2), 1/4 final mərhələsində İngiltərə təmsilçisi Klevon Klareya məğlub oldu (KO) və Avropa Çempionatında mübarizəsini başa vurdu.[8]
Nəticələri
[redaktə | mənbəni redaktə et]![]() | ||||
Avropa Oyunları | ![]() |
|||
Dünya Çempionatı | ![]() |
|||
Avropa Olimpiya Təsnifat Turniri | ![]() |
|||
Olimpiya Oyunları | ![]() |
|||
Avropa Çempionatı | ![]() |
İstinadlar
[redaktə | mənbəni redaktə et]- ↑ Olympedia.org. "Abdulqədir ABDULLAYEV". www.olympedia.org (ingilis). 2022-08-30. 2022-08-20 tarixində arxivləşdirilib. İstifadə tarixi: 30.08.2022.
- ↑ 1 2 3 4 5 6 7 8 9 Amateur-boxing.strefa.pl idman portalı. "2015 European Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
- ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 30.06.2015. 2022-08-22 tarixində arxivləşdirilib. İstifadə tarixi: 22.08.2022.
- ↑ 1 2 3 Amateur-boxing.strefa.pl idman portalı. "2015 World Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
- ↑ 1 2 3 Amateur-boxing.strefa.pl idman portalı. "2016 Europen Olympic Qualifying Tournaments — Results". www.amateur-boxing.strefa.pl ( (ing.)). 22.08.2022. 2022-11-04 tarixində arxivləşdirilib. İstifadə tarixi: 22.08.2022.
- ↑ 1 2 3 4 5 6 Olympedia.org. "2016 Summer Olympics / Boxing / Heavyweight (91 Kilograms) / Men". www.olympedia.org (ingilis). 2022-08-30. 2022-10-12 tarixində arxivləşdirilib. İstifadə tarixi: 30.08.2022.
- ↑ Amateur-boxing.strefa.pl idman portalı. "2016 Summer Olympics Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
- ↑ 1 2 Amateur-boxing.strefa.pl idman portalı. "2017 European Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
- Yaşayan insanlar
- 17 iyulda doğulanlar
- 1988-ci ildə doğulanlar
- "Şöhrət" ordeni ilə təltif edilənlər
- Əlifba sırasına görə idmançılar
- Dağıstan MSSR-də doğulanlar
- Azərbaycanın kişi boksçuları
- Azərbaycanın olimpiya boksçuları
- 2016 Yay Olimpiya Oyunlarında boksçular
- 2015 Avropa Oyunlarında boksçular
- 2015 Avropa Oyunlarında qızıl medal qazananlar
- Boks üzrə Avropa Oyunları çempionları
- Avropa Oyunlarının qızıl medalına sahib Azərbaycan idmançıları
- Boks üzrə Dünya Çempionatının medalçıları
- Azərbaycanın Rusiyadan milliləşdirilən idmançıları
- Azərbaycan olimpiya idmançıları