Ülvi Camal Erkin

Ülvi Camal Erkin (14 mart 1906, İstanbul – 15 sentyabr 1972 və ya 15 oktyabr 1972, Ankara) — türk bəstəkar, pianoçu, dirijor və pedaqoq.

Ülvi Camal Erkin
Ümumi məlumatlar
Doğum tarixi	14 mart 1906(1906-03-14)
Doğum yeri	İstanbul, Osmanlı imperiyası
Vəfat tarixi	15 sentyabr 1972(1972-09-15) (66 yaşında) və ya 15 oktyabr 1972(1972-10-15) (66 yaşında)
Vəfat yeri	Ankara, Ankara ili, Türkiyə
Dəfn yeri	Qarşıyaxa qəbiristanlığı[d]
Musiqiçi məlumatları
Fəaliyyəti	bəstəkar, pianoçu
Janr	klassik musiqi
Musiqi aləti	piano
Təhsili	Qalatasaray liseyi[d], Paris Konservatoriyası
Mükafatları
Vikianbarda əlaqəli mediafayllar

Piano çalmağı uşaq olarkən anasından öyrənmişdir. 1960–70-ci illərdə Ankara Konservatoriyası orkestrinin və Opera Teatrının dirijoru olmuşdur. 1971-ci ildə Dövlət sənətkarı adını almışdır. Parisdə başladığı "İki dans" adlı əsərini Ankarada tamamlamış, premyerası 1931-ci ildə Rəyasəti-Cumhur Filarmoniyasında olmuşdur. Ankara Dövlət Konservatoriyasında fortepino bölməsinin rəhbəri, 1949–57-ci illərdə isə rektoru vəzifələrində çalışmışdır. Bəstəkar Necil Kazım Akseslə birlikdə "Karmen", "Aida", "Fidelio" kimi bir çox məşhur opera əsərini türk opera repertuarına daxil edərək, səhnəyə qoymuşdur. Bəstəkarların 1943-cü il müsabiqəsində iki konsertlə çıxış etmiş, "Fortepiano üçün konsert"i mükafata layiq görülmüşdür. Müasir musiqinin ifadə vasitələrindən istifadə edən Erkin 2 simfoniyanın, violin, fortepiano ilə orkestr üçün konsertlərin, caz kvarteti, orkkestr üçün rapsodiya və digər əsərlərin müəllifidir. Milli cəhətləri müasir bəstəkarlıq texnikası vasitələri ilə ustalıqla uzlaşdırırdı. Çox vaxt əsərlərinin ifaçısı kimi çıxış edirdi. 1963-cü ildə Bakıda konsertlər vermişdir.