A7V

A7V
Tipi	Tank
Ölkə	Almaniya imperiyası
İstismar tarixçəsi
İstismar illəri	21 mart 1918- 1918 oktyabr
İstismara başlanması	21 mart 1918
İstifadə edilən döyüşlər	Birinci dünya müharibəsi
İstehsal tarixçəsi
Konstruktor	Joseph Vollmer
Konstruksiya tarixi	1916
İstehsal sayı	20 ədəd
Xüsusiyyətləri
Ağırlığı	33 t
Zireh	yanlar 20 mm, ön 30 mm
Mühərrik	2 × Daimler 4 silindirli
Güc nisbəti	6.5 a.g./ton
Mühərrik gücü	200 at gücü (149 kW)
Əsas silah	57 mm-lik top
Köməkçi silah	6 × 7.9 mm-lik pulemyotlar
Uzunluğu	7,47 m
Eni	3,1 m
Hündürlüyü	3,35 m
Ekipaj	18 nəfər
Vikianbarda əlaqəli mediafayllar

A7V, Birinci Dünya müharibəsinin sonuna doğru Almaniyanın 1918-ci ildə inkişaf etdirdiyi tank idi. 100 ədəd istehsal etmək əmr edilmişdi, ancaq sənayedəki polad çatışmazlığı səbəbindən yalnız 20-si çatdırıldı. Maksimum sürəti saatda 15 km (9 mil), dayandırma sistemi Holt parça, şaquli yaylar olmuşdur.

Xüsusiyyətləri

Xəndək döyüşlərində itkilərin qarşısını almaq və düşmən xətlərini parçalamaq üçün hazırlanmış A7V tankları (Abteilung Verkehrsvesen), həmin dövrün tələblərinə görə digər silahların tanklardan daha vacib olması səbəbindən praktiki olaraq təsirli tank döyüş taktikalarını tətbiq edə bilməmişdir.

Zireh və sürət baxımından rəqiblərindən üstün idi. A7V Belçikadan 57 mm topla təchiz edilmişdi və həmçinin 6 ədəd MG 08/15 pulemyotuna da malik idi. Onun 18 nəfərdən ibarət heyəti var idi, lakin içəridəki temperatur 80 dərəcəni keçə bildiyi üçün problemlər yaranırdı, həmçinin mühərrik səsi də çox yüksək idi.

A7V-nin uzunluğu 7.34 metr (24.1 fut), eni 3 metr (9.8 fut), ən yüksək hündürlüyü isə 3.3 metr (11 fut) idi. Tankın yan tərəfləri üçün hər iki tərəfdə 20 mm, ön tərəfdə 30 mm və damında 10mm polad plitə örtülmüşdü; lakin polad sərtləşdirilməmişdi və effektivliyi az idi. Bu pulemyot və tüfəng atəşini dayandırmaq üçün kifayət qədər qalın idi, lakin iri çaplı top atışlarından qorunmaq üçün kifayət deyildi. Bu sərtləşdirilmiş polad, həmin dövrdə istifadə olunan digər tanklarla müqayisədə yaxşı bir müdafiə təmin etmişdir.

Təsviri

Formasına və quruluşuna görə ingilislər tərəfindən "Gəzən qala" ləqəbi almışdı. A7V tankları Almaniyanın Birinci Dünya Müharibəsi dövründə istifadə edə biləcəyi yeganə tank idi. Onlar az sayda istehsal olunduğu üçün hər birinin ayrı-ayrı adları var idi. Müharibədən qalan yeganə orijinal A7V tankı Mephisto bu gün Avstraliyadakı bir muzeydədir.

Almaniya Tank Muzeyində olan A7V (orijinal tankın kopyası)