Darvin (şəhər)

Darvin
Darvin
	Darwin
	Gerb
	12°26′17″ c. e. 130°50′28″ ş. u.HGYO
Ölkə	Avstraliya;
Tarixi və coğrafiyası
Əsası qoyulub	1869
Sahəsi	112,01 km²;
Mərkəzin hündürlüyü	0 m
İqlimi	tropik iqlim
Saat qurşağı	UTC+09:30;
Əhalisi
Əhalisi	122.207 nəf. (9 avqust 2021, 10 avqust 2021);
Rəqəmsal identifikatorlar
Telefon kodu	0879, 0889
Poçt indeksi	0800
Digər
	darwin.nt.gov.au
	Xəritəni göstər/gizlə Darvin
	Vikianbarda əlaqəli mediafayllar

Darvin — Avstraliyanın şimalında şəhər

Ümumi məlumat

1869-cu ildə indiki Darvinin yerində salınmış Palmerston məskəninin sürətli inkişafı 1880-ci illərin əvvəllərində başlamışdır (Palmerstondan cənubda yerləşən Payn-Krik şəhərinin yaxınlığında qızıl yataqları aşkarlandı). 1911-ci ildə Çarlz Darvinin şərəfinə Darvin adlandırılmışdır. İkinci dünya müharibəsi zamanı Yaponiya aviasiyasının bombardmanı nəticəsində böyük dağıntılara məruz qalmışdı. 1959-cu ildə şəhər statusunu almışdır. 1974-cü ilin dekabrında Treysi qasırğası nəticəsində Darvindəki tikililərin təqribən 70%-i dağılmışdı.

Çarlz Darvin Universiteti (2003; Darvinin şimalında Kasyuarayna şəhərətrafında yerləşir), Şimal Ərazisi Kitabxanası (1950), Şimal Ərazisi incəsənət muzeyi və qalereyası (1969), akvarium var. 1991-ci ildən iki ildə bir dəfə Avstraliya və qonşu ölkələrin idmançılarının iştirakı ilə Arafur oyunları, həmçinin kriket, Avropa və Avstraliya futbolu, avtomobil və atçılıq idmanı üzrə müxtəlif yarışlar keçirilir.

Şəhərin iqtisadiyyatında xidmət sferası üstünlük təşkil edir. İşləyənlərin təqribən 90%-i, əsasən ticarət və turizm sahəsində çalışır)

Darvində və şəhər ətrafında çoxsaylı parklar, bağlar və çimərliklər yerləşir. Avstraliya ordusunun hərbi bazası (o cümlədən sülhməramlı əməliyyatlar həyata keçirən əsgər kontingenti) Darvin rayonundadır. Yaxınlığında qızıl, boksit, manqan filizi hasilatı var. Timor dənizinin şelfində neft və qaz çıxarılır. Dənizdən şərqdə Kakadu Milli Parkı yerləşir.

Görməli yerlər

Bu şəhərdə qısa müddət ərzində çoxlu təəssüratlar əldə etmək, dünyanın başqa ölkəsində çox çətin tapılan vəhşi təbiəti ilə tanış olmaq olar. Kakadu parkında (Ümumdünya UNESCO irsinə daxildir) nadir təbiət landşaftında vəhşi heyvanların, floranın, materikin quş təmsilçisinin gözəl kolleksiyası cəmlənib, parkda Şimal Sahəsinin (“Territory Wildlife Park”) vəhşi heyvanları, Avstraliyanın faunasının digər nümayəndələri ilə yanaşı əfsanəvi, nəhəng Avstraliya balığı barramandi ilə də tanış olmaq olar. Darvinin ətrafında gözəl Liçfild parkları, Katerin dərələri yerləşir.

Avstraliya ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[_daac56f5b43c6c20-1] Australian Statistical Geography Standard 2021. Australian Bureau of Statistics, 2021.

[_74dee38ecb6791ab-2] ttps://www.abs.gov.au/census/find-census-data/quickstats/2021/UCL703001.

[1]

[2]