Cavanşir Rəhimov
Cavanşir Rəhimov (tam adı: Cavanşir İzzət oğlu Rəhimov; 5 iyun 1973, Qaşqaçay, Qax rayonu – 6 avqust 1992, Çıraqlı) — Azərbaycanın Milli Qəhrəmanı, Qarabağ müharibəsi şəhidi.[1]
| Cavanşir Rəhimov | |
|---|---|
| Cavanşir İzzət oğlu Rəhimov | |
 | |
| Şəxsi məlumatlar | |
| Doğum tarixi | |
| Doğum yeri | Qaşqaçay, Qax rayonu, Azərbaycan SSR, SSRİ |
| Vəfat tarixi | (19 yaşında) |
| Vəfat yeri | Qasapet, Ağdərə rayonu, Azərbaycan |
| Dəfn yeri | Bakı şəhəri, Şəhidlər xiyabanı |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Hərbi Hava Qüvvələri |
| Döyüşlər | |
| Təltifləri |
 |
Həyatı
redaktə5 iyun 1973-cü ildə Qax rayonunun Qaşqaçay kəndində dünyaya göz açmışdır. Bir yaşında olarkən ailələri Bakının Qaraçuxur qəsəbəsinə köçmüşlər. Cavanşir buradakı Suraxanı rayonu 104 saylı orta məktəbə getmiş, səkkizinci sinfi bitirdikdən sonra isə texniki-peşə məktəbində təhsilini davam etdirmişdi. O, qısa müddət ərzində karate idman növünü öyrənmiş və idman ustası normativini ödəmişdi. 1992-ci ildə Cavanşir hərbi xidmətə çağırılır, onun taleyinə Hərbi Hava Qüvvələrində xidmət etmək düşür. Bir müddət təlim keçən Cavanşir Rəhimov bort-atıcı peşəsinə yiyələnmişdi. Könüllü olaraq müharibəyə getmək istədiyini bildirəndə onu baş leytenant Ruslan Polovinkonun komandiri olduğu Mi-24 vertolyotuna bort-atıcı təyin edilir.
Şəhadəti
redaktə6 avqust 1992-ci ildə Qasapet yüksəkliyindəki döyüşçüləri xilas etmək üçün havaya qalxan hərbi vertolyot üç dəfə uçuş edərək yerdəki erməni mövqelərini atəşə tutdu və buradakı erməni bölüyünü məhv etdi. Dördüncü uçuş zamanı Cavanşir artıq yaralı olsa da, uçuşa hazır olduğunu bildirir və yenidən havaya qalxan vertolyot Qasapet istiqamətində güclü raket atəşinə tutularaq vurulur. Bu zaman zərbənin gücündən Cavanşir yaxınlıqdakı taxıl zəmisinə düşür. Bir aydan sonra mal-qara otaran çoban Cavanşirin meyitinə rast gəlir və yaxınlıqdakı hərbi hissəyə bildirir. 1992-ci il sentyabr ayının 9-da Müdafiə Nazirliyinin işçiləri və Cavanşirin atasının iştirakı ilə dəfn edilir.[2]
Ailəsi
redaktəSubay idi.
Milli Qəhrəman
redaktəAzərbaycan Respublikası Prezidentinin 16 sentyabr 1994-cü il tarixli 203 saylı fərmanı ilə Rəhimov Cavanşir İzzət oğluna ölümündən sonra "Azərbaycanın Milli Qəhrəmanı" adı verilmişdir.[1]
Azərbaycanın ən gənc Milli Qəhrəmanıdır.
Bakı şəhərinin Şəhidlər xiyabanında dəfn edilmişdir.
İrsi
redaktəSuraxanı rayonundakı 146 saylı orta məktəb qəhrəmanımızın adını daşıyır və Qaraçuxur qəsəbə parkında büstü qoyulub.
Milli Qəhrəman Cavanşir Rəhimov haqqında "Cavanşir" adlı sənədli film çəkilmişdir. Qax şəhərindəki Səməd Vurğun adına Mədəniyyət evində rejissor Kəmalə Musazadənin quruluşunda olan "Cavanşir" sənədli filminin təqdimatı keçirilmişdir.[3]
Ədəbiyyat
redaktə- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 241.
- Qəhrəmanların ekran ömrü: Şəhid Qaratel Hacımahmudova və Milli Qəhrəman Cavanşir Rəhimov haqqında sənədli filmlərin təqdimatı: [Tovuz rayonunda] //Mədəniyyət.- 2014.- 8 yanvar.- S. 7.
İstinadlar
redaktə- ↑ 1 2 "National Heroes". Azerbaijans.com. 18 February 2019 tarixində arxivləşdirilib. İstifadə tarixi: 13 December 2018.
- ↑ http://www.milliqahraman.az/milli_qehremanlar/68-rjhimov-cavaneir-dzzjt-odlu.html[ölü keçid]
- ↑ Qəhrəmanlar ölmürlər: Milli Qəhrəman Cavanşir Rəhimov haqqında sənədli filmin təqdimatı: [Qax şəhərindəki Səməd Vurğun adına Mədəniyyət evində rejissor Kəmalə Musazadənin quruluşunda "Cavanşir" sənədli filminin təqdimatı keçirilib] //Mədəniyyət.- 2014.- 6 iyun.- S. 4.
Xarici keçidlər
redaktə- Rəhimov Cavanşir Arxivləşdirilib 2011-11-17 at the Wayback Machine
- Cavanşir Rəhimov
- Azərbaycanın ən gənc Milli Qəhrəmanı — Foto/Video Arxivləşdirilib 2017-10-15 at the Wayback Machine
Şəxs və ya bioqrafiya ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |