Turgut Özal
Turgut Özal (13 d'ochobre de 1927, Malatya – 17 d'abril de 1993, Ankara)[3] foi un políticu y economista turcu qu'ocupó'l cargu de primer ministru y foi l'octavu presidente de Turquía.
Biografía
[editar | editar la fonte]Taba casáu con Semra Özal tuvo dos fíos y una fía. Unu de los sos fíos, Ahmet Ozal, foi escoyíu pal parllamentu dempués de les eleiciones de 1999, pero quedóse fuera, dempués de les eleiciones de 2002.
Özal realizó estudios universitarios en Turquía y n'Estaos Xuníos, especializándose n'inxeniería na década de 1950. De torna a Turquía, trabayó na admnistración estatal d'eletricidá. Dempués de 1961 Özal trabayó en diverses empreses turques de propiedá estatal, ganando fama pola so habilidá, y llegó a sirvir como subsecretariu del primer ministru Süleyman Demirel hasta qu'ésti foi derrocáu pol golpe d'estáu del 12 de setiembre de 1980. El gobiernu militar dirixíu por Kenan Evren designó a Özal ministru al cargu d'asuntos económicos hasta xunetu de 1982. En mayu de 1983 Özal fundó'l "Partíu de la Madre Patria" y con él presentóse a les eleiciones del mesmu, añu, ganando los comicios y asumiendo el cargu de primer ministru'l 13 d'avientu de 1983. Riquiendo la reelección en 1987, ganó nuevamente les eleiciones.
Özal foi designáu presidente de Turquía'l 9 de payares de 1989 pola Asamblea Nacional de Turquía, siendo primer ministru, y asumió'l cargu asumiendo una política pro-occidental. Ante'l colapsu de la Xunión Soviética en 1991, Özal trató de forxar rápido rellaciones económiques y culturales ente Turquía y los nuevos Estaos d'Asia Central, y con Azerbaixán, tratando de crear una alianza política de gran algame con dichos países.
Nel planu interior, favoreció'l lliberalismu económicu, otorgando concesiones de determinaos servicios alministraos pol Estáu a empreses privaes y privatizando empreses estatales. Mientres la Guerra del Golfu de 1991, Özal sofitó a EE. XX., otorgando bases militares a tropes estauxunidenses y cerrando la frontera turca con Iraq.
El 17 d'abril de 1993 Özal foi topáu muertu nes oficines presidenciales, por causa de un ataque cardiacu, anque la so esposa Semra Özal alegó ante les autoridaes turques que'l so maríu fuera envelenáu.
Referencies
[editar | editar la fonte]- ↑ 1,0 1,1 Afirmao en: Encyclopædia Britannica Online. Identificador Encyclopædia Britannica Online: biography/Turgut-Ozal. Apaez como: Turgut Ozal. Data de consulta: 9 ochobre 2017. Llingua de la obra o nome: inglés.
- ↑ «Australian Honours Search Facility» (inglés).
- ↑ elmundo.es
Enllaces esternos
[editar | editar la fonte]
Predecesor: Kenan Evren |
![]() 1989-1993 |
Socesor: Süleyman Demirel |
Predecesor: Bülend Ulusu |
![]() 1983-1989 |
Socesor: Yıldırım Akbulut |