Torre de Soto
| Torre de Soto | |
|---|---|
| torre | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Ayer |
| Parroquia | Soto |
 | |
La Torre de Soto ye una torre defensiva d'orixe medieval asitiada na parroquia de Soto, del conceyu asturianu d'Ayer, enriba un cuetu de la marxe drecha del ríu Ayer.
Cronoloxía
[editar | editar la fonte]El so orixe ye confusu pero queda clara la intención cola que se construyó a la vera del Ríu Ayer: Controlar el camín que comunica'l Puertu de San Isidro cola rexón. Esta torre, yera solo una de les decenes de fortificaciones defensives de la Edá Media. Pero ye probable que tamién sirviera para controlar el pasu pel ríu Ayer.[1]
La so construcción remóntase al sieglu XI; en 1100 pertenecía al alcalde Pedro Díaz de Aller, tíu de Doña Ximena, la muyer del Cid Campeador. Los restos qu'entá se conserven son de los sieglos XIV y XV, mentantu que la casa asitiada delantre de la so fachada oriental llevantose nel sieglu XVI. Dambes, torre y casa, foron remocicaes nos sieglos XVIII-XIX. Consérvense anguaño la fachada sur y la parte baxa de les muries que miren al llevante y al poniente. La so paré semicircular, que miraba al norte, y el restu de les paredes laterales este y oeste, esbarrumbaron una nueche del añu 1925.[2]
El Conseyu de Ministros declaró'l castiellu de Soto y el so entornu conxuntu monumental históricu-artísticu el 20 de xunu de 1975[3]
Por cuenta de el so estáu d'abandonu, n'abril de 2022 empezaron les obres col fin de restaurala. A mediada que se foi llimpiando de vexetación y escombros salió a la lluz un cachu del muriu. Esto da a conocer que la torre tenía una forma de D, siendo la única n'Asturies con estes característiques y de les poques n'España.[4][4]
Nos murios, fíxose una franxa de drenaxe para caltener alloñada'l mugor y evitar que la vexetación invada la torre de nuevu.Tamién s'asitiaron focos para allumar la torre de nueche. A lo último, reemplazóse la puerta, por una similar, de madera y colos pomos metálicos.[1]
Finalmente, tres meses d'obres, la obra dar por concluyida n'agostu de 2022 con un costo de 273.000€.[5]
Carauterístiques arquiteutóniques
[editar | editar la fonte]La torre, de calter defensivu, ye de planta cuadrada dividida, según puede deducise de les marques de la so división en pisos que queden nos restos conservaos anguaño, en trés plantes, y rematada con almenes. Los únicos vanos orixinales parecen ser la puerta d'arcu de mediu puntu adovelada y dellos ventanucos allargaos de la so fachada oriental; el restu d'ellos considérase que abriéronse en posteriores reconstrucciones.
Bibliografía
[editar | editar la fonte]- Cobo Arias, F., Cores Rambaud, M. y Zarracina Valcarce, M, Guía básica de monumentos asturianos, páxs. 25-26. Serviciu de Publicaciones del Principáu d'Asturies, Uviéu, 1990.
- Obras de consolidación del Castillo de Soto (Aller )- Valentín Arrieta Berdasco, E.T.S de arquitectura de Valladolid, España
Referencies
[editar | editar la fonte]- ↑ 1,0 1,1 [1]
- ↑ VV.AA.. Diccionario geográfico de Asturias. Ciudades, villas y pueblos, p. 920. Editorial Prensa Asturiana, Uviéu, 2000.
- ↑ [https://www.boe.es/boe/dias/1975/09/02/pdfs/A18633-18633.pdf Declaración del castiellu de Soto como conxuntu históricu-artísticu (BOE del 2 de setiembre de 1975.
- ↑ [2]
- ↑ [3]
Enllaces esternos
[editar | editar la fonte]| Control d'autoridaes |
|
|---|
Datos: Q13148097