Ralph Macchio

Ralph Macchio
Vida
Nacimientu	Huntington (es) , 4 de payares de 1961 (63 años)
Nacionalidá	Estaos Xuníos
Residencia	Long Island
Familia
Casáu con	Phyllis Fierro (1987 – )
Fíos/es	Julia Macchio
Estudios
Llingües falaes	inglés
Oficiu	actor, actor de cine, actor de televisión, productor de cine
Trabayos destacaos	The Karate Kid
Nominaciones	ver Anexo:Razzie al peor actor (es) ; (1990): The Karate Kid, Part III;
IMDb	nm0001494

Ralph George Macchio (4 de payares de 1961, Huntington ^(es) )^[4] ye un actor italo-norteamericanu bien reconocíu na década de los 80. El so papel más conocíu foi'l de Daniel LaRusso na serie de películes de Karate Kid.

Carrera

Nació en Huntington, Long Island, el 4 de payares de 1961. Estudió nel Half Hollow Hills HS West. Macchio empezó la so carrera interpretativa a metá de la década de los 70, como estrella de publicidá de televisión. A finales de la mesma década participó na serie de televisión Eight is enough o Con ocho basta n'España, interpretando a Jeremy Andretti, sobrín del padre de la saga.

Tamién foi protagonista de la película de televisión Los trés deseos de Billy Gryer, sobro un rapazu adolescente que sufre la enfermedá de proxeria. En 1983, principiaría nel cine xunto con Patrick Swayze y Matt Dillon con The Outsiders, dirixida por Francis Ford Coppola, onde tamién participó un mozu Tom Cruise. Esta película nun tuvo gran ésitu de recaudación nel so momentu, pero la historia y los personaxes fueron aplaudíos pola crítica y el públicu; güei ye una película de cultu.

Un añu dempués convertiríase nel ídolu de la mocedá al interpretar a Daniel LaRusso na famosa y taquillera Karate Kid (1984), xunto a Pat Morita y Elisabeth Shue; esta película foi dirixida por John G. Avildsen (el direutor ganador del Óscar por Rocky). Macchio protagonizaría les otres dos continuaciones, Karate Kid II, rodada en 1986, y Karate Kid III, en 1989. En 1986, Macchio interpretó otru filme destacáu, Encruz de caminos, de Walter Hill, onde daba vida a Eugene Martone, un mozu músicu en busca del so destín, realizando nel desenllaz del filme un míticu duelu de guitarres con un discípulu del diañu (interpretáu pol guitarrista Steve Vai). En 1985, foi unu de los candidatos pa ser Marty McFly en Back to the Future, de Robert Zemeckis, pero finalmente Michael J. Fox foi'l que llogró'l papel.

En 1987, casó con Phyllis Fierro, cola que tendría un fíu (Daniel, 1996) y una fía (Julia, 1992). En 1992 vuelve al cine y realiza la so postrera gran interpretación hasta la fecha, protagonizando, xunto a Joe Pesci y Marisa Tomei, la comedia My Cousin Vinny. Dempués, na década del 90 y años posteriores, la so estrella nel cine apagaríase amodo.

Nos últimos años siguió la so trayeutoria teatral con notable ésitu. La so actuación na obra Cómo trunfar nos negocios ensin dar golpe foi bien aclamada. Tamién fixo apaiciones como actor invitáu en series como Más allá de la llende, y en 2002 escribió y dirixó'l llargumetraxe independiente Love Thy Brother, pol que ganó'l premiu al meyor direutor nel Festival de Long Island. En 2005 interpretóse a sigo mesmu nun episodiu de la serie El séquitu, y en 2006 estrenó como intérprete'l filme Beer League.

En 2009 participó en dellos episodios de la serie de televisión de la ABC Ugly Betty, interpretando al conceyal Archie Rodríguez, que tuvo un pequeñu romance con Hilda, hermana de Betty Suárez, la protagonista.

En 2012 foi llamáu pol cineasta Sacha Gervasi p'actuar na película biográfica sobre Alfred Hitchcock, titulada Hitchcock, protagonizada por sir Anthony Hopkins como'l xenial y polémicu cineasta; equí Macchio interpreta a Joseph Joe Stefano, l'escritor de Psicosis. Nesta superproducción tamién actúen Helen Mirren, Scarlett Johansson y Jessica Biel, ente otres lluminaries de la industria. Macchio torna d'esta manera al cine grande de Hollywood.

Tamién nel añu 2012 interpreta a Rubén, padre de Blake (protagonista), na película El tornéu de Navidá (Holiday Spin).

En 2013, remanez como actor televisivu xunto a William Zabka (Karate Kid) na telecomedia How I Met Your Mother nel capítulu 22º de la 8ª temporada, The Bro Mitzvah, interpretándose a sigo mesmu.

Pa 2018, Macchio volverá a interpretar al so personaxe de Karate Kid Daniel LaRusso en forma de serie baxo'l titulu de Cobra Kai.

Filmografía

Cine

Añu	Títulu	Personaxe	Notes
1980	Up the Academy	Chooch
1983	The Outsiders	Johnny Cade
1984	Teachers	Eddie Pilikian
1984	The Three Wishes of Billy Grier	Billy Grier	saxo
1984	Karate Kid	Daniel Larusso
1986	Crossroads	Eugene Martone
1986	Karate Kid II	Daniel Larusso
1988	Distant Thunder	Jack Lambert
1989	Karate Kid III	Daniel Larusso
1990	Too Much Sun	Frank Jr.
1992	Mi primo Vinny	Bill Gambini
1993	Naked in New York	Chris
2000	Can't Be Heaven	Hubbie
2003	A Good Night to Die	Donnie
2006	Artie Lange's Beer League	Maz
2012	Hitchcock	Joseph Stefano
2013	He's Way More Famous Than You	Él mesmu	Cameo
2014	A Little Game	Tom

Televisión

Añu	Títulu	Personaxe	Notes
1980-1981	Eight Is Enough	Jeremy Andretti	19 episodios
1982	CBS Schoolbreak Special	Tony Barnett	1 episodiu
1999	The Outer Limits	Dr. Neal Eberhardt	1 episodiu
2000	Chicken Soup for the Soul	Max	1 episodiu
2000	Twice in a Lifetime	Dan Payello/Phillip Barbosa	1 episodiu
2005	Entourage	Él mesmu	1 episodiu
2007	Head Case	Él mesmu	1 episodiu
2008-2009	Ugly Betty	Archie Rodríguez	11 episodios
2010	Law & Order: Criminal Intent	Louis Marciano	1 episodiu
2010-2014	Psych	Nick Conforth/Logan Phelps	2 episodios
2012	Happily Divorced	Frankie	2 episodios
2013	Robot Chicken	Daniel Larusso	Voz; 1 episodiu
2013	How I Met Your Mother	Él mesmu	1 episodiu

Referencies

↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: idRef. Identificador de referencia de idRef SUDOC: 109086392. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
↑ URL de la referencia: http://razzies.com/asp/content/XcNewsPlus.asp?cmd=view&articleid=29. Direición web d'archivu: https://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=29. Data de consulta: 3 avientu 2019.
↑ Ralph Macchio n'Internet Movie Database

Enllaces esternos

Ralph Macchio na Internet Movie Database (n'inglés)
Ralph Macchio na Internet Broadway Database (n'inglés)

[abc9457dcf728dd069b8ed5b2e1a86035cf2b679-1] Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[5ef616526ca191151b20a285bfb13a35446bd3f0-2] Afirmao en: idRef. Identificador de referencia de idRef SUDOC: 109086392. Data de consulta: 4 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.

[a1800a1a76e2b288e704fc63bff853fd93b53955-3] URL de la referencia: http://razzies.com/asp/content/XcNewsPlus.asp?cmd=view&articleid=29. Direición web d'archivu: https://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=29. Data de consulta: 3 avientu 2019.

[4] Ralph Macchio n'Internet Movie Database

[1]

[2]

[3]

[4]