Península de Kola
| Península de Kola | |
|---|---|
 | |
| Situación | |
| País |  Rusia |
| Óblasts | Óblast de Múrmansk |
| Tipu | península |
| Asitiáu en | Mar de Barents |
| Coordenaes | 68°N 36°E / 68°N 36°E |
  Península de Kola Península de Kola (Rusia) | |
| Datos | |
| Superficie | 100 000 km² |
 | |
La península de Kola (en rusu, Кольский полуостров, Kolski poluóstrov) ye una península que s'atopa nel norte de Rusia, nel óblast de Múrmansk. Llenda al norte col mar de Barents, y al este y al sur col mar Blanco.
Xeografía
[editar | editar la fonte]La frontera occidental de la península de Kola estendise a lo llargo del meridianu dende'l golfu de Kola al traviés del llagu Imandra, el llagu Kola y el ríu Niva hasta'l golfu de Kandalakcha. El círculu polar árticu traviesa'l sector meridional de la península. Con una superficie averada a los 140.000 km², ta constituyida por roques antigües, allongamientu del escudu Bálticu, onde apoderen los granitos y gneis del precambrianu, quebraos por falles y estríes que dan llugar a bloques llevantaos (horst) y fueses tectóniques. La mayor altitú algamase nel picu Casnacorr (1.191 msnm), nel centru-oeste de la península. La mariña septentrional, más elevada, presenta un paisaxe de cantiles; escontra'l sur, el territoriu baxa escalonadamente hasta la baxa y pantanosa área costera en redol a la llocalidá y badea de Kandalakcha. Los suelos son delgaos y tán bien pocu desenvueltos.Hai numberosos llagos y barraqueres espardíos por tol territoriu peninsular, y los ríos formen rápidos, dellos de los cualos esplótense pal so aprovechamientu hidroeléctricu.
Al oeste de la península alcuéntrense dos cordales: los montes Jibini y la tundra de Lovózero.
Clima
[editar | editar la fonte]El clima ye rigorosu, con temperatures bien baxes y un predominiu de la tundra, sacante nel sur, por onde s'estiende la taiga y pueden atopase dellos montes d'abedurios (betula), abetos (abies) y pinos. La termografía correspondiente a Kandalakcha, denota la falta d'urbanización que xeneraría la islla de calor.
Economía
[editar | editar la fonte]La economía de la rexón basase na esplotación de los sos importantes xacimientos minerales, que s'atopen principalmente nos montes Jibini. La población concentrase na mariña, gran parte d'ella dedicada a la pesca. Nel interior, dellos lapones críen renos, y, nel estremu sur, parte de los habitantes centren la so actividá na esplotación de los montes y trabayos en madera.
Intereses
[editar | editar la fonte]La península de Kola ye una de les llocalizaciones nel llibru Artemis Fowl: The Arctic Incident, y en Skeleton Key, d'Antony Horowitz. Tamién ye mentáu frecuentemente en Red Storm Rising, de Tom Clancy. Tamién el llugar del Pozu Superprofundo Kola, el pozu más fondu del Mundu con más de 12.000 metros de fondura.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Península de Kola.
| Control d'autoridaes |
|
|---|
Datos: Q165608- Multimedia: Kola Peninsula