Parroquia
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
![](http://upload.wikimedia.org/wikipedia/commons/thumb/7/72/Mapa_de_les_Parroquies_d%27Asturies.png/340px-Mapa_de_les_Parroquies_d%27Asturies.png)
La parroquia, tamién llamada collación, ye n'Asturies la división alministrativa tradicional inmediatamente inferior al conceyu.
L'Estatutu d'autonomía del Principáu d'Asturies recóyelo asina nel so artículu sestu. Nél prevé la reconocencia de la personalidá xurídica de les parroquies rurales como forma tradicional de convivencia y asentamientu de la población asturiana.
En desenrollu de dichu artículu, díctase la Llei 11/1986, de 20 de payares, pola que se reconoz tala personalidá xurídica y que prevé nel so articuláu aspectos tan importantes como’l procedimientu de reconocencia, les competencies de la parroquia rural, el réxime orgánicu y funcional de les mesmes y los recursos de les parroquies.
Les 857 parroquies d'Asturies tamién tienen una instancia inferior: los barrios. N'Asturies nun tienen por qué coincidir cola parroquia eclesiástica, magar que xeneralmente sí coincidan.
Otres rexones del mundu onde les parroquies son unidaes alministratives
[editar | editar la fonte]En Galicia, tradicionalmente y d'alcuerdu col so estatutu d'autonomía, la parroquia ye una institución asemeyada a l'asturiana.
N'Andorra les parroquies son les unidaes alministratives nes que ta dividíu'l país.
Otros países con una alministración asemeyada basada na parroquia:
- Antigua y Barbuda
- Barbados
- Bermudes
- Canadá
- Dominica
- Inglaterra
- Granada
- Guérnesei
- Xamaica
- Xerséi
- Louisiana, una parroquia ye'l nome que recibe'l condáu del restu'l país.
- Montserrat
- Nueva Gales del Sur
- Portugal, llamaes freguesias.
- Saint Kitts y Nevis
- San Vicente y Les Granadines
- Gales
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Parroquia.